ՀԽՍՀ դրօշ

ՀԽՍՀ դրօշ
Տեսակ	ազգային դրօշ
Երկիր	Հայաստանի Խորհրդային Ընկերվարական Հանրապետութիւն
Իրաւասութեան տարածք	Հայաստանի Խորհրդային Ընկերվարական Հանրապետութիւն
Յարաբերութիւն	2:1
Ընդունուած է	17 Դեկտեմբեր 1952
Գոյներ	կարմիր, կապոյտ և ոսկեգոյն
Պատկերուած է	մուրճ և մանգաղ? և Կարմիր աստղ?

ՀԽՍՀ դրօշը՝ Հայկական Խորհրդային Ընկերվար Հանրապետութեան պետական խորհրդանիշն էր։

Ան ընդունուած է Հայկական Խորհրդային Ընկերվար Հանրապետութեան Գերագոյն Խորհուրդի հրամանագրով՝ 17 Դեկտեմբեր 1952 թուականին։

Նկարագրութիւն

Համաձայն Հայաստանի Սահմանադրութեան (1978) 167-րդ յօդուածին՝

Հայկական Խորհրդային Սոցիալիստական Հանրապետութեան պետական դրօշը կարմիր ուղղանկիւնաձեւ պաստառ մըն է, որուն կեդրոնական մասին մէջ ամբողջ երկայնքով կը տարածուի կապոյտ շերտ մը։ Դրօշին վերին ձախ անկիւնը պատկերուած են ոսկեգոյն մանգաղն ու մուրճը, իսկ անոնց վերեւը կը գտնուի կարմիր հնգաթեւ աստղ մը՝ ոսկեգոյն եզրագիծով։ Դրօշին երկարութեան եւ լայնութեան յարաբերակցութիւնը 1։2 է։

29 Ապրիլ 1981 թուականին հաստատուեցաւ «Հայկական Խորհրդային Սոցիալիստական Հանրապետութեան դրօշին մասին» կանոնադրութիւնը, որ մանրամասնօրէն կը նկարագրէր պետական դրօշին կառուցուածքը։

Ըստ այդ կանոնադրութեան՝

Հայաստանի Խորհրդային Սոցիալիստական Հանրապետութեան պետական դրօշը կարմիր ուղղանկիւնաձեւ պաստառ մըն է, որուն կեդրոնական մասին մէջ ամբողջ երկայնքով կը տարածուի կապոյտ շերտ մը։ Վերին ձախ անկիւնը պատկերուած են ոսկեգոյն մանգաղն ու մուրճը, իսկ անոնց վերեւը՝ կարմիր հնգաթեւ աստղ մը՝ ոսկեգոյն եզրով։ Դրօշին երկարութեան եւ լայնութեան յարաբերակցութիւնը 1։2 է։ Մանգաղն ու մուրճը տեղադրուած են քառակուսիի մը մէջ, որուն մէկ կողմը հաւասար է դրօշին լայնութեան հինգերորդ մասին։ Մանգաղին սուր ծայրը ուղղուած է դէպի վեր, իսկ բռնակները՝ դէպի վար։ Մուրճին երկարութիւնը կը կազմէ քառակուսիին անկիւնագիծին երեք քառորդը։ Հնգաթեւ աստղը, որուն տրամագիծը հաւասար է դրօշին լայնութեան մէկ տասներորդին, ներգծուած է շրջանագիծի մը մէջ եւ կը շօշափէ քառակուսիին վերին կողմին կեդրոնը։ Աստղին, մանգաղին եւ մուրճին ուղղաձիգ առանցքին հեռաւորութիւնը դրօշաձողէն հաւասար է դրօշին լայնութեան մէկ քառորդին։ Դրօշին վերին եզրէն մինչեւ աստղին կեդրոնը եղող հեռաւորութիւնը կը կազմէ դրօշին լայնութեան մէկ տասնմէկերորդը։

Պատկերասրահ

• 
  1922 թուականի Փետրուար-Մարտ
• 
  1936—1940 թուականներ
• 
  1940—1952 թուականներ