Կրէյս Մուկապէ

Կրէյս Մուկապէ; անգլերէն՝ Grace Mugabe
Ծննդեան անուն	անգլերէն՝ Grace Ntombizodwa Marufu
Ծնած է	23 Յուլիս 1965 (60 տարեկան)
Ծննդավայր	Բենոնի, Տրանսվաալ, Հարաւային Ափրիկէ
Քաղաքացիութիւն	Զիմպապուէ
Կրօնք	Կաթոլիկութիւն
Ուսումնավայր	Զիմպապուէի համալսարան և Չինաստանի ազգային համալսարան
Մասնագիտութիւն	քաղաքական գործիչ
Վարած պաշտօններ	Զիմպապուէին առաջին տիկին
Կուսակցութիւն	Զիմպապուէին Ափրիկեան Ազգային Միութիւն-Հայրենասիրական ճակատ
Ամուսին	Ռոպերթ Մուկապէ
Երեխաներ	Պոնա Մուկապէ

Կրէյս Մուկապէ,( 23 Յուլիս, 1965, Պենոնի, հարաւային Ափրիկէ)․ Զիմպապուացի ձեռնարկու, քաղաքական գործիչ եւ հանգուցեալ Նախագահ Ռոպերթ Մուկապէի այրին: Ծառայած է որպէս Զիմպապուէի առաջին տիկին 1996 - 2017, երբ ամուսինը հրաժարեցաւ 2017-ին պետական յեղաշրջումէն ետք։

Ան առանձնաշնորհումի եւ շռայլութեան համբաւ ձեռք ձգեց երկրին տնտեսական խռովութեան ժամանակաշրջանին: Անոր տուին «Կուչի Կրէյս» մականունը իր շռայլութեան պատճառաւ:

Մուկապէ «New African» պարբերաթերթին կողմէ 2014-ին նշուած է որպէս Ափրիկէի ամէնէն ազդեցիկ 100 դէմքերէն մէկը:

Կեանք

Կրէյս Էնթոմպիզոտուա ծնած է 23 Յուլիսին, հարաւային Ափրիկէի Պենոնի քաղաքին մէջ, գաղթական ընտանիքի յարկին տակ։ 1970-ին ան մօրը հետ Ռոտեզիա տեղափոխուած է, մինչ հայրը հարաւային Ափրիկէ մնացած է աշխատանքին պատճառով։

Տասնինը տարեկանին կ՛ամուսնանայ Սթանլէյ Կորերազա օդաչուին հետ եւ 1984-ին կը ծնի իրենց մանչ զաւակը՝ Ռուսելի Կերերազա։ Նախագահ Ռոպերթ Մուկապէի մօտ որպէս քարտուղար աշխատելու ժամանակ, անոր սիրուհին կը դառնայ՝ երբ դեռ ամուսնացած էր Սթանլէյ Կորերազայի հետ եւ երկու զաւակ ունէր՝ Պոնան, ծնած 1988-ին, անուանակոչուած Մուկապէիի մօրը անունով եւ Ռոպերթ Փիթր Կրտսեր։

Մուկապէի առաջին կնոջ՝ Սալի Հէյֆրոնի մահէն ետք, զոյգը ամուսնացաւ Կաթողիկէ շռայլ ամուսնութեամբ մը, որ Զիմպապուէի մամուլին կողմէ կոչուեցաւ «Դարուն Հարսանիք»։ Այդ ժամանակին Կրէյս 31 տարեկան էր, իսկ Ռոպերթ Մուկապէ՝ 72։ Անոնց երկրորդ զաւակը՝ Ռոպերթ Մուկապէ Կրտսեր ծնաւ 1990-ին, իսկ 1997-ին Կրէյս կը ծնի զոյգին երրորդ զաւակը՝ Չաթունկա Պելարմին Մուկապէ։

Իր տարած շռայլ կեանքին ընթացքին ան յաջողեցաւ սեփականատէր դառնալ հսկայ անշարժ գոյքի։ 2010-ին Ա․Մ․Ն․ Ափրիկէին մասին դիւանագիտական հեռագիրներու արտահոսքի բովանդակութեան մէջ, Կրէյս Մուկապէ ամբաստանուած է ադամանդի առեւտուրի մեղադրանքով։

^[1] ^[2] ^[3] ^[4] ^[5]

Ծանօթագրութիւններ

[1] Կրէյս Մուկապէ․ Չիվուէն Կրոյլանտ․ The Zimbabwe Independent. 24 Յուլիս 2015(անգլերէն)

[2] Սէրը, որ Ռոպերթ Մուկապէն հրէշի վերածեց, Robert Verkaik, 6 Ապրիլ 2008(անգլերէն)

[3] BBC News - Զիմպապուէին նախագահ Ռոպերթ Մուկապէ կը հրաժարի, 21-11-2017(անգլերէն)

[4] Գրագիրը որ Մուկապէի գահին ետեւի չար ուժը դարձաւ այլեւս չկայ Utton, Dominic (16 Նոյեմբեր 2017) (անգլերէն)

[5] Կրէյս Մուկապէ. «Կուչի Կրէյսին կտաւէն հարստութիւն, վերելքն ու անկումը» the Guardian. 15 Նոյեմբեր 2017(անգլերէն)

[1]

[2]

[3]

[4]

[5]