Կրեթա Թասլաքեան
| Կրեթա Թասլաքեան | |
|---|---|
.jpg) | |
| Անձնական տեղեկութիւն | |
| Սեռ` | իգական |
| Մասնագիտացում` | թեթևատլետ |
| Երկիր` |
 Լիբանան[1] |
| Ծննդեան ամսաթիւ` | 16 Օգոստոս 1985[2] (40 տարեկան) |
| Ծննդավայր` | Այնճար, Զահլեի շրջան, Պեքաա, Լիբանան |
Կրեթա Թասլակեան (16 Օգոստոս 1985, Այնճար, Զահլէի շրջան, Պեքաայի մարզ, Լիբանան), լիբանանահայ թեթեւաթլեթուհի, կարճ տարածութեան վազքի ազգային մցրանակակիր, համաարաբական խաղերու ախոյեան, Լիբանանի պատմութեան մէջ լաւագոյն վազորդուհի[3]։
Կարիերայ
[Խմբագրել | Խմբագրել աղբիւրը]Կրեթա Թասլակեանը ծնած է 1985 թուականին Այնճարի մէջ, այնուհետեւ տեղափոխուած է Պէյրութ։ Հայրը ծնած է Սուրիա, իսկ մայրը՝ Լիբանան։ Հօր շնորհիւ մանուկ հասակէն զբաղուած է մարզանքով։ Տասներկու տարեկանէն դպրոցներուն մէջ մասնակցած է մրցումներու։ Առաջին միջազգային յաղթանակը շահած է տասնեօթ տարեկանին։ Ան Լիբանանի առաջին կին մարզիկն է, որ երեք անգամ ներկայացուցած է Լիբանանը ողոմպիական խաղերուն։ Ան ներկայացուցած է նաեւ Լիբանանը ֆրանկոֆոն երկիրներու համաարաբական ու համահայկական խաղերուն։ Ան կը պահպանէ 60,100, 200 եւ 400 մեթր սպրինտերական վազքի (կարճ տարածութեան վազք) ազգային ռեկորդները։ 200 մեթրը ան յաղթահարած է 23,32 վայրկեանին[4], իսկ 100 մեթրը՝ 11,5 վայրկեանին։
2011 թուականին արաբական երկիրներու թեթեւ աթլեթի 10-րդ առաջնութեան ան Լիբանանին երկու ոսկի մետալներ ապահոված է, իսկ Ասիոյ 11-րդ առաջնութեան նուաճած է արծաթէ եւ պրոնզէ մետալներ։
Կրեթա Թասլակեանը այժմ հանդէս կու գայ Պէյրութի «Inter-Lebanon» ակումբին մէջ։ Բացի մարզանքէն Կրեթա Թասլակեանը կը փորձէ դրսեւորել իրեն մոտելային աշխարհին մէջ եւ կը նկարահանէ գովազդներ։ Կրեթաի հովանաւորը կը հանդիսանայ իր ամուսինը՝ գործարար Շահէ Երեւանեանը։