Կտաւատ

Կտաւատ (լատին․՝ Línum usitatíssimum), միամեայ եւ բազմամեայ խոտաբոյսերու ընտանիքէն:

Կտաւատի սերմին ծննդավայրն է հին Հնդկաստանը:

Կենսաբանական նկարագիր

Ցօղունը կանգուն է, ճիւղաւորուող, բարձրութիւնը՝ մինչեւ 50 սմ։ Տերեւները հերթադիր են, հազուադէպ՝ հակադիր, նշտարաձեւ, ամբողջաեզր եւ գեղձային։

Ծաղկաբոյլը կեղծ հովանոց է կամ գալարք, հազուադէպ՝ ոլորք, ծաղիկները՝ կապոյտ, երկնագոյն, վարդագոյն, կարմիր, դեղին եւ ճերմակ։ Կը ծաղկի Մայիսէն մինչեւ օդը ցրտէ։

Պտուղը հինգբնանի, կլոր կամ ձուաձեւ տուփիկ է, սերմերը՝ գորշ դեղնաւուն, մանր ու հարթ։


Ձախէն աջ՝ ծաղիկը, պտուղները եւ սերմերը

Կ'ապահովեն աղիքներու առողջ գործունէութիւնը եւ կը բուժեն փորկապութիւնը` շնորհիւ մանրաթելերուն:
Յաճախակի օգտագործումը կը բարելաւէ արեան մէջ շաքարի կարգաւորումը եւ կը նուազեցնէ սիրտի հետ կապուած հիւանդութիւններու հաւանականութիւնը:
Կը նպաստեն հորմոնային հաւասարակշռութեան եւ բարենպաստ դեր կրնան խաղալ կրծքագեղձի քաղցկեղի կանխարգիլման մէջ:
Սննդագէտները խորհուրդ կու տան միշտ բովել եւ փոշիի վերածել կտաւատի սերմերը, քանի որ հում վիճակի մէջ անոնք դժուարամարս են^[1]:

Տասը ամէնէն աշխուժ կտաւատի սերմ արտադրող երկիրները - 2011^[2]
Երկիր	Արտադրութիւն (Թոն)
Քանատա	368,300
Չինաստան	350,000
Ռուսաստան	230,000
Հնդկաստան	147,000
Անգլիա	71,000
ԱՄՆ	70,890
Եթովպիա	65,420
Ղազախիստան	64,000
Ուքրանիա	51,100
Արժանթին	32,170
Համաշխարհային	1,602,047