Կարօ Լուքաս
| Կարօ Լուքաս | |
|---|---|
 | |
| Ծնած է | 4 Սեպտեմբեր 1949 |
| Ծննդավայր | Սպահան, Իրան |
| Մահացած է | 8 Յուլիս 2010 (60 տարեկանին) |
| Մահուան վայր | Թեհրան, Իրան |
| Քաղաքացիութիւն |
 Հայաստան |
| Ուսումնավայր | Քալիֆորնիոյ Համալսարան, Պըրքլի[1] և Թեհրանի Համալսարան |
| Մասնագիտութիւն | ակադեմիկոս և գիւտարար |
| Աշխատավայր | Թեհրանի Համալսարան |
Կարօ Լուքաս (Ղուկասեան, 4 Սեպտեմբեր 1949, Սպահան, Իրան - 8 Յուլիս 2010, Թեհրան, Իրան), պարսկահայ գիտնական ու ճարտարապետ: Կը համարուի Իրանի ռոպոթներու գիտութեան հայրը։
Կեանք եւ գործունէութիւն
[Խմբագրել | Խմբագրել աղբիւրը]Ծնած է Նոր Ջուղա (Սպահան), ուր ընտանիքը ամառները կ՚անցընէր։ Աւարտած է Թեհրանի ազգային Քուշէշ Մարիամեան դպրոցը, իսկ 1973-ին, Թեհրանի համալսարանի ճարտարագիտական ճիւղէն մագիստրոսական տիտղոսը՝ ելեկտրոնային գիտութիւններու եւ համակարգչային արհեստագիտութեան մէջ։
1976-ին, դոկտորական աւարտաճառ պաշտպանած է Գալիֆորնիոյ համալսարանի Պըրքլիի մասնաճիւղին մէջ։
Վերադառնալով Իրան, նոյն տարին գործի անցած է իբրեւ դասախօս Թեհրանի համալսարանին մէջ, ուր աշխատած է յաջորդ աւելի քան երեք տասնամեակներուն։ Միաժամանակ, նաեւ դասաւանդած է միջազգային ծանօթ համալսարաններու եւ գիտական հաստատութիւններու մէջ (Միացեալ Նահանգներ, Իտալիա, Լիպիա, Գերմանիա, Չինաստան)։
1986-88 թուականներուն ղեկավարած է Թեհրանի համալսարանի ելեկտրական ճարտարագիտութեան բաժանմունքը։
Հիմնած ու 1993-97 թուականներուն եղած է Հիմնարար Գիտութիւններու Հետազօտական Կեդրոնի տնօրէնը, որ Իրանի առաջատար գիտական կազմակերպութիւններէն մէկը կը նկատուի:
1997-ին դասաւանդած է Երեւանի բնագիտութեան հիմնարկին, իսկ 2007-ին՝ Հայաստանի Ամերիկեան համալսարանին մէջ։
Լուքաս ղեկավարած է հազարաւոր մագիստրոսական ու դոկտորական աւարտաճառեր եւ մեծ յարգանք վայելած է Իրանի ճարտարագիտական ուսանողներու եւ փորձագէտներու, ինչպէս նաեւ պետական պատասխանատուներու մէջ։
Հսկայական ներդրում ունեցած է Իրանի եւ միջազգային գիտական ասպարէզին մէջ։ Հեղինակած կամ համահեղինակած է մօտ 1200 գիտահետազօտական յօդուածներ եւ զեկուցումներ, ունեցած է 190 դասախօսական ելոյթներ միջազգային գիտաժողովներու մէջ, մասնակցած է 20 միջազգային գիտական պարբերականներու խմբագրական կազմին, եղած է շուրջ 100 միջազգային գիտաժողովներու կազմակերպչական յանձնախումբերուն մէջ, խմբագրած է 8 հատորներ եւ համահեղինակ եղած՝ 39 գիտական խմբագրուած հաւաքածոներու:
2006 թուականին Կարօ Լուքաս ճանչցուած է Իրանի ճարտարագիտական ասպարէզի իբրեւ Մնայուն Դէմք (Eternal Figure) եւ պարգեւատրուած է նախագահին կողմէ[2]։
Մահացած է Թեհրանի մէջ, անյաջող վիրաբուժական գործողութեան մը ընթացքին[3]։
Ծանօթագրութիւններ
[Խմբագրել | Խմբագրել աղբիւրը]- ↑ Mathematics Genealogy Project — 1997.
- ↑ Րաֆֆի օրացոյց, Թեհրան, Իրան, 2011
- ↑ «ԿԱՐՕ ԼՈՒԿԱՍ (մահ՝ 8 Յուլիս, 2010)»։ Armenian Prelacy (en-US)։ արտագրուած է՝ 2025-09-09