Կարօ Արմէն

Կարօ Արմէն
Ծնած է	31 Յունուար 1953(1953-01-31) (71 տարեկան)
Ծննդավայր	Պոլիս, Թուրքիա
Քաղաքացիութիւն	Ամերիկայի Միացեալ Նահանգներ
Ուսումնավայր	Քոռնելի Համալսարան Վաշինգտոնի համալսարան Սենտ Լուիսում?
Մասնագիտութիւն	գիտնական, գործարար, ձեռնարկատէր, գլխավոր գործադիր տնօրեն
Աշխատավայր	Agenus?
Վարած պաշտօններ	գլխավոր գործադիր տնօրեն?

Կարօ Արմէն (31 Յունուար 1953(1953-01-31), Պոլիս, Թուրքիա), պոլսահայ գիտնական եւ գործարար։

Կենսագրութիւն

Կարօ Արմէն ծնած է Պոլիս, 1953 թուականին: Նախնական կրթութիւնը ստացած է Պոլսոյ հայկական դպրոցներէն մէկուն մէջ: Տասնեօթ տարեկանին մեկնած է Միացեալ Նահանգներ, ուր զինք սիրով ընդունած է հայ ընտանիք մը։

Ուսումը ստացած է Նիւ Եորքի «Քուրինճ» գոլէճին մէջ, իսկ Բնագիտական տարրաբանութեան (քիմիաբանութեան) տոքթորականի աստիճանին տիրացած է Նիւ Եորքի քաղաքային համալսարանի «Շրջանաւարտներու կեդրոն»ին մէջ:

Գործունէութիւն

Իբրեւ գիտաշխատող, ան անմիջապէս աշխատանքի նշանակուած է Լոնկ Այլընտի Պրուքուէյն ազգային տարրալուծարանին մէջ, բայց բաժնետոմսերու շուկայով տարուած, Կարօ Արմէն հեռացած է տարրալուծարանէն եւ աշխատանքի անցած Ուոլ Սթրիթի մէջ իբրեւ «Ի. Էֆ. Հաթըն» ընկերութեան առողջապահական հարցերու վերլուծաբան: Հոն ձեռք ձգած փորձին հիման վրայ ալ ստեղծած է իր անձնական առողջապահական ընկերութիւնը:

Իր մօր տառապանքները՝ քաղցկեղի ճիրաններուն մէջ, մղած են Կարօ Արմէնը ուսումնասիրելու նուաստացուցիչ այդ հիւանդութիւնը դարմանելու ուղիները եւ 1994 թուականին ան իր գործընկերոջ՝ հնդիկ Փրոֆ. Պարմոտ Սրիվաստավայի հետ պատերազմ յայտարարած է քաղցկեղի դէմ եւ հիմնած «Անթիճենիքս» կենսաարուեստագիտական (Biotechnology) ընկերութիւնը, որուն համանախագահն ու գործադիր տնօրէնն է ան: Միաժամանակ 2002-2004 թուականներուն «Էլան» կենսադեղագործական ընկերակցութեան խորհուրդի տնօրէնն էր:

Նախքան «Անթիճենիքս»ը, Կարօ Արմէն հիմնադրած է դրամական կառավարման, կենսաարհեստագիտական եւ դեղաբանական ընկերութիւններով մասնագիտացած «Արմէն Փարթնըրզ» ընկերութիւնը: Բացի այդ, հայ գիտնականը 1993 թուականին ստեղծած է «Իմունէքս Լետըրլի» ուռուցքաբանական կեդրոնը:

2002 թուականին «Էրնթս եւ Եանքը» Կարօ Արմէն ճանչցած է «Տարուան կենսաարհեստագիտական ձեռնարկատեր»։

Հայաստանի հետ գործունէութիւն

Ամերիկաբնակ գիտնական-գործարարը Հայաստանի հետ իր գործունէութեան սկսած է 2000-ականներու սկիզբը:

Ան 2000 թուականին, Նիւ Եորքի մէջ հիմնած էր «Հայաստանի մանուկներ» հիմնադրամը (COAF)՝ խորին համոզում ունենալով, որ երկրին ապագան երախաներու ձեռքերուն մէջ է, եւ որ անո՛նց պէտք է ուղղուին հիմնական ջանքերը: Հիմնադրամը արդէն իսկ օժանդակութիւն տրամադրած էր զանազան դպրոցներու ու մանկատուներու, ականազերծման ծրագիր իրականացուցած էր Արցախեան հակամարտութեան ընթացքին ականապատուած տարածքներուն վրայ:

2003 թուականի Օգոստոսին ան Հայաստան այցելած է յատուկ առաքելութեամբ մը: Արմաւիրի մարզին մէջ այցելած է մարզին ամենէն չքաւոր շրջաններէն մէկը՝ Բաղրամեանի մէջ գտնուող Քարակերտ գիւղը: Այդ գիւղին մէջ ան հանդիպած է տարեց մարդու մը եւ այդ հանդիպումն ալ կանխորոշած է այն տարածքաշրջանը, ուր «Հայաստանի մանուկներ» հիմնադրամը սկսած է իր գործունէութեան:

Ընդամէնը քանի մը տարի անց հինգ հազար բնակչութիւն ունեցող Քարակերտին մէջ գործած են վերականգնուած՝ մանկապարտէզը, դպրոցը, բոյժ-կանխարգելիչ հիմնարկը եւ համայնքային կեդրոնը:

2006 թուականէն սկսեալ հիմնադրամը սկսած է աշխատիլ հինգ համայնքներու մէջ եւս, որոնք նմանատիպ հարցեր ունէին, բայց առաջնահերթութիւնը տրուած է երախաներու կրթութեան: Հ

COAF-ի հիմնադիր եւ խորհուրդի ատենապետ Տքթ. Կարօ Արմէն հաւատացած է, որ Լոռիի մէջ ձեռնարկուող ՍՄԱՐԹ քայլերը հնարաւորութիւն կու տան հասնիլ նոյն արդիւնքին, ինչպէս է Արմաւիրի մէջ, բայց շատ աւելի արագ, աւելի մատչելի եւ առաւել արդիւնաւէտ ճանապարհով:

Մրցանակներ

• 2016 թուականին ան արժանացած է Միացեալ Նահանգներու «Տարուան ներգաղթեալ ձեռներէցը» մրցանակին: