Կարինէ Աթայեան
| Կարինե Աթայան | ||
| ||
|---|---|---|
| մարտի 31, 2020 | ||
| ||
| 2016 | ||
| Նախորդող | Հարություն Քուշկյան | |
| Կուսակցութիւն՝ | անկախ քաղաքական գործիչ | |
| Կրթութիւն՝ | Երեւանի Պետական Բժշկական Համալսարան | |
| Գիտական աստիճան՝ | բժշկական գիտությունների թեկնածու | |
| Ծննդեան օր | 15 Յուլիս 1961 (64 տարեկան) | |
| Ծննդավայր | Ստեփանակերտ, Լեռնային Ղարաբաղի Ինքնավար Մարզ | |
| Կայք՝ | moh.nkr.am | |
Կարինէ Եղիշի Աթայեան (15 Յուլիս 1961, Ստեփանակերտ, Լեռնային Ղարաբաղի Ինքնավար Մարզ), հայ բժիշկ, Եւրոպայի Սրտաբաններու Ասոցիացիաի անդամ, Արցախի Հանրապետութեան առողջապահութեան նախկին նախարար (2016-2018)[1] եւ Արցախի Հանրապետութեան Ազգային ժողովի 7-րդ գումարման պատգամաւոր (2020-էն սկսեալ)։ Ան «Ազատ հայրենիք-ՔՄԴ» խմբակցութեան անդամ է[2]։
Կենսագրութիւն
[Խմբագրել | Խմբագրել աղբիւրը]Կարինէ Աթայան ծնած է 15 Յուլիս 1961-ին, Ստեփանակերտ քաղաքին մէջ։ 1985-ին աւարտած է Երեւանի պետական բժշկական համալսարանը։
1985-1986 թուականներուն ԼՂԻՄ մարզային հիւանդանոցին մէջ անցուցած է ինտէրնաթուրա եւ ստացած՝ թերափեւթի որակաւորում։ 2003-ին պաշտպանած է գիտական ատենախօսութիւն եւ ստացած բժշկական գիտութիւններու թեկնածուի աստիճան։
2003-էն սկսեալ անդամակցած է Եւրոպայի Սրտաբաններու Ասոցիացիաին
Ասպարէզ
[Խմբագրել | Խմբագրել աղբիւրը]1978-1979 թուականներուն աշխատած է Ստեփանակերտի շտապ բժշկական օգնութեան կայանին մէջ՝ որպէս սանիթար։
1986-ին աշխատանքի անցած է մարզային հիւանդանոցին մէջ՝ որպէս տեղամասային թերափեւթ։ 1989-ին աշխատած է Ստեփանակերտի քաղաքային պոլիքլինիքին մէջ՝ որպէս սրտաբան։
1999-ին դարձեալ աշխատած է որպէս տեղամասային թերափեւթ։
2008-2010 թուականներուն վարած է Արցախի առողջապահութեան նախարարութեան «Արմինէ Փակումեանի անուան պոլիքլինիքա» ՓԲԸ-ի գործադիր տնօրէնի պաշտօնը։
2010-ին աշխատած է որպէս սրտաբան։
2014-ին նշանակուած է Արցախի առողջապահութեան նախարարութեան «Հանրապետական բժշկական կեդրոն» ՓԲԸ-ի ամբուլաթոր բուժօգնութեան գծով գործադիր տնօրէնի տեղակալ։
24 Մարտ 2016-ին, ԼՂՀ նախագահի հրամանագիրով, նշանակուած է Արցախի Հանրապետութեան առողջապահութեան նախարար[3][4]։
7 Յուլիս 2018-ին Արցախի նախագահ Բակօ Սահակեան ստորագրած է հրամանագիր մը, որով Կարինէ Աթայեան ազատուած է առողջապահութեան նախարարի պաշտօնէն՝ իր դիմումին համաձայն[5]։
Պարգեւներ եւ շքանշաններ
[Խմբագրել | Խմբագրել աղբիւրը]- «Վաչագան Բարեպաշտ» մեհալ
Ծանօթագրութիւններ
[Խմբագրել | Խմբագրել աղբիւրը]- ↑ «ԱՐՑԱԽԻ ՀԱՆՐԱՊԵՏՈՒԹՅԱՆ ԱՌՈՂՋԱՊԱՀՈՒԹՅԱՆ ՆԱԽԱՐԱՐՈՒԹՅՈՒՆ»։ moh.nkr.am։ արխիւացուած է բնօրինակէն-էն՝ 2017 թ․ օգոստոսի 31-ին
- ↑ «ԱԹԱՅԱՆ ԿԱՐԻՆԵ ԵՂԻՇԻ»։ nankr.am։ արխիւացուած է բնօրինակէն-էն՝ 2023 թ․ նոյեմբերի 25-ին։ արտագրուած է՝ 2023 թ․ նոյեմբերի 26
- ↑ «ԼՂՀ Կառավարություն»։ gov.nkr.am։ արխիւացուած է բնօրինակէն-էն՝ 2018 թ․ փետրվարի 22-ին։ արտագրուած է՝ 2018 թ․ հունվարի 31
- ↑ «Արցախի նախագահն առողջապահության նախարար է նշանակել Կարինե Աթայանին»։ Արմենպրես
- ↑ «ԱՐՑԱԽԻ ՀԱՆՐԱՊԵՏՈՒԹՅԱՆ ՆԱԽԱԳԱՀ Բակո Սահակի Սահակյան, Արայիկ Բաղրյանը նշանակվել է առողջապահության նախարար»։ www.president.nkr.am։ 2018 թ․ հուլիսի 7