Կանացի Արուեստի Ազգային Թանգարան

Կանացի Արուեստի Ազգային Թանգարան (անգլերէն՝ National Museum of Women in the Arts, կրճ. NMWA), արուեստի թանգարան ԱՄՆ-ի մայրաքաղաք Ուաշինկթոնի մէջ։ Այն աշխարհում միակ թանգարանն է, ուր ցուցադրուած են արուեստի գործեր, որոնք ստեղծուած են բացառապէս կանանց կողմէ^[1]։

Պատմութիւն

Թանգարանը հիմնադրուած է 1981 թուականին Վիլհելմ Քոլ Հոլլատէի (անգլերէն՝ Wilhelmina Cole Holladay) կողմէ։ Բացուած է 1987 թուականին, ներկայացնելով աւելի քան 4500 նկարներու, քանդակներու, աշխատանքներու տեքորաթիւ-կիրառական արուեստի հաւաքածոներ։ Թանգարանը կը զբաղեցնէ հին Մասոնական տաճարի տարածքը, որ ներգրաւուած էր ԱՄՆ-ի պատմական վայրերու ազգային գրանցիչի մէջ։

Թանգարանի տնօրէնը եւ անոր ամուսինը՝ Ուոլլես Հոլլատէյ սկսան հաւաքել 1960-ական թուականներու արուեստի գործերը։ Մեծաքանակ գործեր հաւաքելով, անոնք սկսան մտածել թանգարանի եւ հետազօտական կեդրոնի ստեղծման մասին։

Գործունէութիւն

Ներկայիս թանգարանի տնօրէնն է Սուզան Ֆիշըր Սթերլինկը (անգլերէն՝ Susan Fisher Sterling), անոր ենթակայութեան տակ կը գտնուին 30 աշխատակիցներ։

Թանգարանը բաց է այցելուներու համար Երկուշաբթի օրէն Շաբաթ օր ժամը 10:00-17:00, Կիրակի օրերը՝ ժամը 12:00-17:00: Մուտքը վճարովի է: Տոմսի արժէքը 10 տոլար է մեծահասակներու համար, ուսանողներու եւ 65-էն բարձր մարդոց համար 8 տոլար։ Անվճար մուտքը միայն 18-էն փոքրերուն համար է։ Իւրաքանչիւր ամսուայ առաջին Կիրակի օրը մուտքը անվճար է բոլորին համար^[2]։