Կալկաթա

Կալկաթա

Կալկաթա (պենկալերէն՝ কলকাতা, անգլերէն՝ Kolkata), քաղաք Հնդկաստանի մէջ, Պենկալեան ծովածոցի ափէն 140 քմ հեռու։ Արեւմտեան Պենկալիա նահանգին վարչական կեդրոնը եւ նաւահանգիստը։

Անուանումը

Անուանումը յառաջացած է այն գիւղին անունէն, որուն տեղը 1690-ին անգլիական արեւելահնդկական ընկերութիւնը հիմնադրած է այժմեան քաղաքին հիմքը հանդիսացող իր առեւտրա-մատակարարման կայանը։ Այդ գիւղը կը կոչուէր Kalikata «Քալիի կացարան»ը (Քալին հնդկական դիցաբանութեան աստուածուհիներէն է՝ Շիւայի կինը), պաշտամունքային վայր էր։

Պատմութիւն

Կալկաթան անգլիացիներուն կողմէ հիմնադրուած քաղաք մըն է. իր պատմութիւնը փաստօրէն կը համընկնի անգլիացիներուն կողմէ Հնդկաստանի նուաճման պատմութեան։

Կալկաթան հիմնադրուած է անգլիական Օսթ-Հնդկական ընկերութեան կողմէ, որ կը վայելէր Հնդկաստանի հետ առեւտուր կատարելու մենաշնորհը։ Ներկայ Կալկաթայի տեղը 1690-ին առեւտրա-մատակարարման կայան մը կար, ուր հետագային անգլիացիները կը կառուցեն Ուիլիամ բերդը։ Այդ բերդը կը դառնայ Կալկաթայի կորիզը։

1773-1911 Կալկաթան եղած է Հնդկաստանին անգլիական գաղութատիրութեան վարչական կեդրոնը:

Տեսարժան վայրեր

Առանձնակի հետաքրքրութիւն կը ներկայացնեն Ֆորթ-Ուիլիամը եւ Վիքթորիա Մեմորիալ թանգարանը, ուր կը ցուցադրուին Վիքթորիա թագուհիին տիրապետութեան շրջանին նիւթեր եւ բուսաբանական այգին։

Բնակչութիւն

Տարի Բնակչութիւն 1710 12 000 մարդ 1737 20 000 մարդ 1757 45 000 մարդ 1831 187 000 մարդ 1839 229 000 մարդ

Տարի Բնակչութիւն 1872 633 009 մարդ 1881 612 307 մարդ 1891 682 305 մարդ 1901 847 796 մարդ 1911 896 667 մարդ

Տարի Բնակչութիւն 1921 907 851 մարդ 1931 1 163 771 մարդ 1941 2 108 891 մարդ 1951 2 548 677 մարդ 1961 2 927 280 մարդ

Տարի Բնակչութիւն 1971 3 148 746 մարդ 1981 3 305 006 մարդ 1991 4 399 819 մարդ 2001 4 580 544 մարդ 2011 4 496 694 մարդ

Գրականութիւն

• Հ.Ղ. Գրգեարեան, Ն. Մ. Յարութիւնեան, Աշխարհագրական անունների բառարան (Ա-Կ), Երեւան, «Լոյս», 1987, էջ 231։
• Կ. Աւետիսեան, Արեւելքի մարգարիտը, Երեւան, Հայպետհրատ, 1964։

Արտաքին յղումներ

• Հայերը Հնդկաստանի մէջ