Ծիծեռնակ (նախաձեռնութիւն)
Ծիծեռնակը բազմադիմի ձեռնարկութիւն մըն է նուիրուած Հայոց լեզուի եւ մշակոյթի պահպանման ու զարգացման, ստեղծուած սփիւռքահայ գրող, բանաստեղծուհի, լրագրող եւ ուսուցչուհի Նորա Պարութճեանի կողմէ։[1]
Անոր գործունէութիւնը կը դրսեւորուի հետեւեալ ուղղութիւններով՝
- Պատանեկան եւ երիտասարդական կայքէջ:
- Անսթակրամի էջ։
- Եութիւպեան կայան։
Պատանեկան եւ երիտասարդական կայքէջ
[Խմբագրել | Խմբագրել աղբիւրը]Կայքէջը Պատանի եւ երիտասարդ հայերու տրամադրութեան տակ դրուած հարթակ մըն է։ Նուիրուած Արեւմտահայերէնի գործածութեան։ Կայքէջին նպատակն է արեւմտահայերէնով արտայայտուող պատանիներու եւ երիտասարդներու արտայայտուելու տեղ ըլլալ։ Երիտասարդ սերունդին արեւմտահայերէնով ստեղծագործելու առիթ տալ։[1]
Պատանեկան բաժին
[Խմբագրել | Խմբագրել աղբիւրը]Այստեղ կը հրապարակուին պատանի տարիքի աշակերտներու արեւմտահայերէնով աշխատութիւնները՝ գրութիւն, նկարչութիւն, խաղ, տեսերիզ, եւն․․․ Այս հարթակը առիթ կու տայ պատանիներուն իրենց ստեղծագործութիւնները հասարակութեան հետ բաժնելու։[1]
Երիտասարդական բաժին
[Խմբագրել | Խմբագրել աղբիւրը]Ծիծեռնակի շուրջ հաւաքուած է հայ երիտասարդներու կոկիկ խմբակը, քանի մը ամիսը անգամ մը կը մէկտեղէ սփիւռքահայ եւ մասնաւորապէս ֆրանսահայ երիտասարդներ` ժամանակակից նիւթ մը քննարկելու համար: Երիտասարդները կ՛առաջարկեն նիւթերը եւ առաջարկողը կը վարէ զրոյցը։ Փափաքողները գրաւոր կ’արտայայտեն նիւթին մասին իրենց կարծիքը, որ կը հրապարակուի կայքէջին վրայ։ Կը պատրաստուին նաեւ բանաստեղծական տեսերիզներ։ Կայ նաեւ նկարչական յաջող նախաձեռնութիւն։[1]
Անսթակրամի էջ
[Խմբագրել | Խմբագրել աղբիւրը]Այստեղ կը տեղադրուին հայերէն բառեր ու եզրոյթներ, բառին ձայնագրութեամբ, որուն կ’ընկերանան ֆրանսերէն ու անգլերէն թարգմանութիւնները։[1]
Եութիւպեան կայան
[Խմբագրել | Խմբագրել աղբիւրը]Տեսանկարներու ալիք մը, ուր կը սփռուին երիտասարդներուն ու պատանիներուն պատրաստած տեսերիզները՝ բանաստեղծութիւններու, հեքիաթներու եւ պատմուածքներու իրենց կարդացողութեանց, տեսերիզներուն յետանկարները՝ անոնց իսկ գծած նկարներով զարդարուած։[1]
Արտաքին յղումներ
[Խմբագրել | Խմբագրել աղբիւրը]- «Ծիծեռնակ» կայքէջի յղումը՝ dzidzernag.wordpress.com