Ծաղկեվանք (Լիճք)

Ծաղկեվանք մատուռ (Լիճք)

Ծաղկեվանք մատուռ, կը գտնուի Գեղարքունիքի մարզի Լիճք գիւղին մէջ, ուր կը գտնուի նաեւ Ս. Աստուածածին եկեղեցին։Հայ առաքելական մատուռ, կառուցման յստակ տարեթիւը յայտնի չէ, բայց որոշ արձանագրութիւններու համաձայն կարելի է վերագրել 10-րդ դարուն:

Մատուռը տեղակայուած է շրջապարիսպէն դէպի հիւսիս-արեւելեան եզրին, մատուռին ծածկը եւ պատերու վերին մասերը փլատակ են։ Մատուռին ներսը կան վեց խաչքարեր, որոնցմէ 3-ը կը պատկանի նոյն գերդաստանին եւ իրենց վրայ առկայ է արժէքաւոր արձանագրութիւններ։ Անոնք կը համարուին այստեղի հնագոյն յուշարձաններէն, որոնցմէ առաջինը թուագրուած է 1284 թուականով։ Սուրբ Աստվածածին եկեղեցին եւ մատուռը այդ տարածքին մէջ գտնուող 9-20-րդ դարերու գերեզմանոցի ենթայուշարձաններ կը հանդիսանան։ Գերեզմանոցին մէջ պահպանուած են 10-17 դարերու 47 խաչքար եւ 5 տապանաքար։

Ս. Աստուածածին Եկեղեցի

Սուրբ Աստուածածին եկեղեցին XIV դարու կառոյց է, կը գտնուի շրջապարիսպի հիւսիսային եզրին, Ծաղկեվանք մատուռէն մօտ 50 մեթր հեռաւորութեան վրայ, այն փայտածածկ է` շինուած ճեղքուած քարերով, պատերն ու տանիքը կիսափլատակ են։ Եկեղեցւոյ բեմի ներսի կորութեան մէջ ագուցուած են բազմաթիւ խաչքարեր, որոնցմէ ամենահինը թուագրուած է 1456 թուականով։ Բեմին վրայ առկայ է Արամերէն արձանագրութիւն՝ որ կը պատկանի Արտաշէսեան ժամանակաշրջանին, սահմանաքարի բեկորը գտնուելէն անմիջապէս ետք տեղափոխուած է Երեւան։

Պատկերասրահ

• 
• 
• 
•