Խաւիէ Փասթորէ

Jump to navigation Jump to search
Խաւիէ Փասթորէ
սպ.՝ Javier Pastore
Javier Pastore (cropped).jpg
Ծննդեան անուն սպ.՝ Javier Matías Pastore
Ծնած է 20 Յունիս 1989(1989-06-20)[1][2][3][…] (31 տարեկան)
Ծննդավայր Քորտոպա, Արժանթին
Քաղաքացիութիւն Flag of Argentina.svg Արժանթին
Մասնագիտութիւն ֆութպոլիստ
Կայքէջ javierpastore.com

Խաւիէ Մաթիաս Փասթորէ (20 Յունիս 1989(1989-06-20)[1][2][3][…], Քորտոպա, Արժանթին), արժանթինցի ֆութպոլիստ, «Փարիս Սեն-Ժերմեն» ֆութպոլային ակումբի յարձակողական ոճի կիսապաշտպան:

Ասպարէզ[Խմբագրել | Խմբագրել աղբիւրը]

Խաւիէ Փասթորէն իր ֆութպոլային ասպարէզին սկսած է 1998 թուականին՝ «Թալերես» ակումբին մէջ[4]: Այդ ակումբին ան կ'երկրպագէր մանկութենէն ի վեր[5]:

2007 թուականին կայացաւ անոր նորամուտը խումբի հիմնական կազմին մէջ։ Խումբը այդ ժամանակ հանդէս կու գար Արժանթինի առաջնութեան երկրորդ դասակարգին մէջ։ Խումբի կազմին մէջ ան ընդհանուր հաշիւով անցուցած էր միայն 5 խաղ[5]:

2008 թուականին Փասթորէն վարձավճարով տեղափոխուեցաւ «հուրական»: 24 Մարտ 2008 թուականին «Ռիւեր Փլեյթ»ի դէմ խաղին մէջ կայացաւ անոր նորամուտը, որու մէջ «հուրական» ակումբը պարտուեցաւ 0:1 հաշիւով[6]:

2009 թուականի Կլաուսուրայէն յետոյ Փասթորէն դարձաւ խումբի հիմնական կազմի ֆութպոլիստ։ Այն ժամանակ, երբ ան «Ռիւեր Փլեյթ»ի դէմ խաղին մէջ 25 մեթր հեռաւորութենէն գրաւեց մրցակիցի դարպասը եւ բացաւ խաղի հաշիւը, իր ակումբը յաղթեց 4:0 հաշիւով, եւ այդ խաղը «հուրականի» ամենախոշոր յաղթանակն էր «Ռիւեր Փլեյթ»ի դէմ ընթացիկ 60 տարուան մէջ։ Փասթորէն Մաթիաս Տէ Ֆետերիկոյի հետ յարձակման գծին մէջ կազմեց յարձակողական զոյգ, որուն տուին «Հրաշալի» անունը[7]: Անոր ակումբը Կլաուսուրայի մէջ գրաւեց երկրորդ հորիզոնականը միայն այն պատճառով, որ վերջին հանդիպումին մէջ 0:1 հաշիւով զիջեց առաջնութեան ախոյեանին՝ «Ուելես Սարսֆիլտ»ը:

11 Յուլիս 2009 թուականին Փասթորէն տեղափոխուեցաւ իտալական «Բալերմոյէ` 8 միլիոն եւրոյի[8]: ֆութպոլիստի հետ պայմանագիրը կնքուեցաւ մինչեւ 2014 թուականը` 600 հազ. եւրօ տարեկան աշխատավարձով[9]: Փաստօրէն մի շարք ակումբներէն ընտրեց «Բալերմօն»: Փասթորէով հետաքրքրուած էին նաեւ «Լազիօ»ն, «Միլան»ը, «Պորտօ»ն, «Չելսի»ն եւ «Փարիզ»ը[10][11][12]: Ինչպէս նաեւ Փասթորէով հետաքրքրուած էր «Մանչեսթեր Իւնայթետ»ը, որ ֆութպոլիստի տեղափոխութեան համար կ'առաջարկէր 10 միլիոն եւրօ, սակայն ֆութպոլիստը մերժեց ակումբին, քանի որ չէր փափաքէր խումբին մէջ հանդէս գալ որպէս պահեստային խաղցող[13]: Շուտով Փասթորէն ստացաւ իտալական քաղաքացիութիւն, որ անոր հնարաւորութիւն տուաւ չհամարուիլ լեժիոներ EC-ի ակումբային երկիրներուն մէջ[14]:

«Բալերմօ»ի կազմին մէջ Փասթորէի նորամուտը կայացաւ Սպալի դէմ խաղին մէջ՝ 15 Օգոստոս 2009 թուականին։ Խաղին մէջ յաղթեց «Բալերմօ»ն 4:2 հաշիւով։ 8 օր անց կայացաւ Փասթորէի նորամուտը արդէն Իտալիոյ առաջնութեան մէջ՝ «Նաբոլի»ի դէմ խաղին մէջ։ Այդ խաղին կրկին յաղթեց «Բալերմօ»ն 2:1 հաշիւով: Հոկտեմբեր-Նոյեմբեր ամիսներուն Փասթորէն ընդգրկուեցաւ ՈՒԵՖԱ-յի կազմած ցանկին մէջ` Եւրոպայի ամենահեռանկարային 7 ֆութպոլիստներու ցանկին մէջ[15]: 30 Յունուար 2010 թուականին Փասթորէն «Փարիզ»ի դէմ խաղին՝ հեղինակեց իր առաջին գնդակը «Բալերմօ»ի կազմին մէջ[16]: Այն խաղէն յետոյ երբ վնասուածք ստացաւ Ֆապիօ Սիմպլիսիոյ, Փասթորէն դարձաւ «Բալերմօ»ի առաջատարը[17]: 2009-2010 մրցաշրջանին Փասթորէն խաղաց 37 խաղ եւ դարձաւ 3 կօլի հեղինակ։ Մրցաշրջանի աւարտէ յետոյ Փասթորէին գնելու համար փորձ կատարեց Մատրիտի «Ռէալ»ը, որ անոր տեղափոխութեան համար պատրաստ էր վճարել 25 միլիոն եւրօ, սակայն ակումբը հրաժարեցաւ վաճառել արժանթինցին[18]:

Փասթորէն Պարի Սեն-ժերմենի կազմի մէջ

2010-2011 մրցաշրջանի մեկնարկէն առաջ Փասթորէն փոխեց իր 6 համարը 27-ի հետ: Այդ թիւը կը սիրէ Փասթորէի մայրը` Փաթրիսեան[19]: Մրցաշրջանի սկզբին Փասթորէն նետեց իր առաջին կօլը եւրօգաւաթներուն մէջ՝ «Մարիպոր»ի դէմ խաղին[20]: Սեպտեմբերին Փասթորէով հետաքրքրուած էր անգլիական «Մանչեսթեր Սիթի»ն[21] եւ սպանական «Պարսելոնա»ն[18]: Այդ ժամանակ «Բալերմօ»ի նախագահ՝ Մաուրիցիօ Ճեմպարինին ըսաւ.

Aquote1.png Փասթորէն նոր զիտանն է: Խաւիէն կը համարուի շատ ուժեղ եւ հմուտ ֆութպոլիստ: Երկու տարի յետոյ ան կ'արժէ այնքան, ինչքան այս պահին արժէ մեսսին: Փասթորէն չի լքեր մեր ակումբը ոչ Յունուարին, ոչ ալ Յունիսին: Մատրիտի «ռէալը» արդէն փափաքած է գնել Խաւիէն, սակայն ես մերժած եմ զանոնք: Այս պահին Փասթորէն չի վաճառուիր[22]: Ես կը հասկնամ, որ Փասթորէն մեր ակումբին մէջ պահելը շատ դժուար կ'ըլլայ: Ատոր համար կ'ըսեմ հետեւեալը. կը մտածեմ, որ ան կ'արժէ մօտաւորապէս 60 միլիոն եւրօ: Փասթորէն աշխարհի լաւագոյն ֆութպոլիստներէն մէկն է, եւ օր մը ան կը ստանայ «Ոսկէ Գնդակ»ը[23]: Aquote2.png


16 Դեկտեմբեր 2010 թուականին Փասթորէն երկարաձգեց պայմանագիրը «Բալերմօ»ի հետ մինչեւ 2015 թուական՝ 800 հազ. եւրօ տարեկան աշխատավարձով՝ գումարած ատոր առաւել շահեր յաջող խաղերու համար[24]: 24 Յունուար 2011 թուականին Փասթորէն ճանչցուեցաւ Իտալիոյ առաջնութեան լաւագոյն երիտասարդ ֆութպոլիստ՝ առաջ անցնելով Բաթոյէն եւ Բալոտելլիէն[25]: 2010-2011 մրցաշրջանին Փասթորէն 45 խաղի մէջ դարձաւ 13 կօլի հեղինակ, որոնցմէ 11-ը ան հեղինակած էր առաջնութեան շրջանակներուն մէջ եւ դարձած էր ակումբի լաւագոյն ռմբարկուն։ Այդ տարի «Բալերմօ»ն առաջնութեան մէջ գրաւեց 8-րդ հորիզոնականը, ինչպէս նաեւ հասաւ մինչեւ Իտալիոյ գաւաթի եզրափակիչ, որու մէջ 1:3 հաշիւով պարտուեցաւ «Ինթեր»ին:

2011 թուականի ամրանը Փասթորէով հետաքրքրուեցան շարք մը յայտնի եւրոպական ակումբներ, որոնց շարքին էին իտալական «Եուվենթուս»ը[26], «Ինթեր»ը[27] եւ «Ռոմայ»ը[28], սպանական «Պարսելոնա»ն[27], «Ռէալ»ը եւ «Մալակայ»ը[29], ֆրանսական «Փարիզ Սեն-ժերմեն»ը[30], անգլիայկան «չելսինէ, «Մանչեսթեր Իւնայթեդըէ[31] եւ «Մանչեսթեր Սիթինէ[27]: «Բալերմոյի» նախագահ՝ Մաուրիցիօ Ճեմպարինին ասաց, որ ֆութպոլիստին կը վաճառէ 50 միլիոն եւրոյէն ոչ պակաս գինով[32], չնայած անոր, որ երբ Փաստորէն կը ցանկանար հեռանալ ակումբէն[33]: Առաջին ակումբը, որ պատրաստ էր վճարել այդ գումարը դարձաւ մախաչկալայյի «Անժինէ[34][35]:

2011 թուականի Օգոստոս 6-ին Փասթորէն կնքելով 5 տարուայ պայմանագիր տեղափոխուեցաւ «Փարիզ Սեն-ժերմեն»[36]: Փոխանցումին գինը կազմեց 42 միլիոն եւրօ[37]: Տեղափոխութենէն ետք ան ըսաւ. «Ես նախընտրեցի ՓՍԺ-ն, քանի որ ինծի պէտք է իմ խաղային որակներուն համապատասխան ակումբ: Իմ զարգացման համար ես պէտք է կանոնաւոր կերպով խաղամ հիմնական կազմի մէջ, այսպէս Փարիզի մէջ իմ հաւանականութիւնները աւելի մեծ են»[38]: 18 Օգոստոսին խումբի կազմին մէջ կայացաւ Խաւիէյին նորամուտը՝ լուքսեմպուրկական «Տիֆֆերտանժի» դէմ խաղին մէջ՝ 2011-12 ՈՒԵՖԱ Եւրոպայի Լիկա|Եւրոպայի Լիկկայ]]յի շրջանակներուն մէջ (4:0)[39]: Երեք օր անց «Վալանս»ի դէմ խաղին մէջ կայացաւ Փասթորէի առաջին խաղը Լիկա 1-ին մէջ(2:1)[40]: Նոյեմբերին Փասթորէն ըսաւ, որ իրեն համար շատ դժուար է խաղալ 3 օրը մէկ անգամ[41], իսկ յետոյ արտայայտուեցաւ, որ ապագային կ'ուզէ նորէն խաղալ Իտալիոյ մէջ[42]:

2012-2013 մրցաշրջանին Փասթորէն «ինկաւ» «Փարիզ Սեն-ժերմենի» հիմնական կազմէն[43]: Մաուրիցիօ Ճեմպարինին բացատրեց, որ արժանթինցիի համար դժուար է խաղալ ակումբի կազմը համալրացուցած նոր ֆութպոլիստի՝ Զլաթան Իպրահիմովիչի հետ[44]: Այս իրադարձութիւններէն յետոյ Փասթորէն հետաքրքրութիւնը գրաւեց երկու իտալական ակումբներու։ «Ինթեր»ը կը փափաքէր փոխանակել Փասթորէին ուրիշ կենդրոնական ֆութպոլիստի՝ Ուեսլի Սնեյտերի հետ[45], իսկ «Միլանը» Փասթորէի համար կ'առաջարկէր 20 միլիոն եւրօ առաւել Ինեացիօ Ապաթէի թրանսֆերը[46]:

Միջազգային ասպարէզ[Խմբագրել | Խմբագրել աղբիւրը]

Փասթորէն (ձախէն), արժանդինցի ազգային հաւաքականի կազմին մէջ:

2009 թուականի Փետրուարին Փասթորէն հրաւիրուեցաւ Արժանթինի ֆութպոլի երիտասարդական հաւաքական՝ հարաւ ամերիկեան երիտասարդական առաջնութեան մասնակցութեան համար, սակայն Փասթորէի ակումբը՝ «հուրական»ը, մերժեց հաւաքականի առաջարկը ակումբի կարեւոր խաղերու պատճառով[10]:

15 Դեկտեմբեր 2009 թուականին Փասթորէն հրաւիրուեցաւ արդէն Արժանթինի ազգային հաւաքական: Մէկ օրէն կայացաւ անոր նորամուտը Քաթալոնիայի ազգային հաւաքականի դէմ խաղին մէջ, ուր ան հարուածեց խաղին մէջ խումբին 3-րդ կօլը[47][48][49]: 2010 թուականի Մայիսին հաւաքականի գլխաւոր մարզիչ Տիէկօ Մարատոնան Խաւիէին աշխարհի առաջնութիւնեան շրջանակներուն մէջ յայտագրեց խումբի կազմին մէջ[50]: 24 Մայիսին Փասթորէն առաջին անգամ դուրս եկաւ խաղադաշտ՝ խումբի սկզբնական կազմին մէջ։ Այդ խաղին մէջ արժանթինցիները յաղթեցին Գանատայի ազգային հաւաքականին 5:0 հաշուով, իսկ Խաւիէն հանդէս եկաւ խաղ շինողի դիրքին մէջ[51][52]:

23 Յուլիսին Փասթորէն առաջին անգամ հանդէս եկաւ խումբի պաշտօնական խաղերէն մէկուն մէջ, ուր Արժանթինի հաւաքականը 2:0 հաշուով յաղթեց Յունաստանի հաւաքականին: Խաւիէն այդ խաղին փոխարինման դուրս եկաւ 77-րդ վայրկեանին՝ փոխարինելով Սերխիոյ Ագուերոյին[53]: Ինչպէս նաեւ Փասթորէն դուրս եկաւ խաղադաշտ 1/8 եզրափակիչին մէջ Մեքսիկայի դէմ խաղին եւ 1/4 եզրափակումին՝ Գերմանիայի դէմ խաղին մէջ։ Ընդհանուր հաշուով Փասթորէն 2010 թուականի աշխարհի առաջնութեան մէջ հանդէս եկաւ 3 խաղով։ Առաջնութեան աւարտէն յետոյ Փասթորէն ընդգրկուեց ՖԻՖԱ-յի կողմէ կազմուած ցուցակին մէջ, որ թուարկած էին այն երիտասարդ ֆութպոլիստները, որոնք ամենայն հաւանականութեամբ հանդէս կու գան 2014 թուականի աշխարհի առաջնութեան մէջ[54][55]: Մարատոնայի գլխաւոր մարզիչի պաշտօնէն հեռանալէն յետոյ Փասթորէն ոգեպնդեց Մարատոնային՝ ըսելով, որ ան պէտք է Արժանթինի հաւաքականին, իսկ հաւաքականը իր կարգին՝ Մարատոնային, եւ ան կրնայ միայն իր տեսքով ոգեւորել եւ ուժ հաղորդել ֆութպոլիստներուն[56]:

2011 թուականին Փասթորէն ազգային հաւաքականի կազմին մէջ մասնակցեցաւ Ամերիկայի գաւաթի մրցումին[57]:

Անձնական կեանք[Խմբագրել | Խմբագրել աղբիւրը]

Խաւիէ Փասթորէն ծնած է Խուան Գառլոսի եւ տանտիկին Փաթրիսիայի ընտանիքին մէջ։ Անոր հայրը մեքենայի պահեստամասեր արտադրող գործարանի սեփականատէրն էր։ Ան ունեցած է երկու եղբայր՝ Լորենը եւ Արիէլը։ Իսկ արդէն Խաւիէին ծնունդէն յետոյ ընտանիքին մէջ ծնաւ 4-րդ երեխան՝ Խուան Մանուէլը[5]: Փասթորէի ընտանիքը ունի իտալական արմատներ։ Անոր նախնիները եղած են Թուրինի մօտ գտնուող Վոլուերա քաղաքէն[58]:

Ներկայիս Փասթորէն կը հանդիպի 21 տարեկան մոտելի՝ Չիարայ Պիցոնէի հետ, որ կ'աշխատի իտալական հեռուստատեսութեան մէջ[59]:

Վիճակագրութիւն[Խմբագրել | Խմբագրել աղբիւրը]

Ակումբային[Խմբագրել | Խմբագրել աղբիւրը]

Միջազգային[Խմբագրել | Խմբագրել աղբիւրը]

Ձեռքբերումներ[Խմբագրել | Խմբագրել աղբիւրը]

Կաղապար:Country data ֆրանսիա պսժ

  • Ֆրանսայի ախոյեան։ 2013, 2014, 2015
  • Ֆրանսայի սուբերգաւաթի տիտղոսակիր։ 2013, 2014
  • Ֆրանսական ֆութպոլային լիկայի տիտղոսակիր։ 2013-14, 2014-15

Անձնական ձեռքբերումներ[Խմբագրել | Խմբագրել աղբիւրը]

  • Իտալիայի լաւագոյն երիտասարդ ֆութպոլիստ (Օսգար տել Քալչօ): 2010

Ծանօթագրութիւններ[Խմբագրել | Խմբագրել աղբիւրը]

  1. 1,0 1,1 Transfermarkt.com — 2000.
  2. 2,0 2,1 (unspecified title)
  3. 3,0 3,1 (unspecified title)
  4. Diego, ponelo más al Flaco…
  5. 5,0 5,1 5,2 Pastore y Bolatti, formados acá
  6. Javier Pastore, sutilezas de prվncipe
  7. «Que de la mano, de Angel Cappa…է
  8. El futuro de Pastore estarվa en Italia at
  9. Palermo: le cifre dellբacquisto di Pastore
  10. 10,0 10,1 Maradona the only one still to be blown away by Huracոn's Pastore
  11. il talento che farոյ impazzire il Barbera…
  12. Perinetti a SN: «Seguivamo Pastoreէ
  13. 19 տարեկան արժանդինցին հրաժարուեց հանդէս գալ «մանչեսթեր Իւնայթետում»
  14. Al Palermo serve un posto ecco come tesserare Javier Pastore
  15. UEFA, pastore nei top 7 talenti del mondo
  16. Bari-Palermo 4-2
  17. Palermo, Pastore il migliore in campo
  18. 18,0 18,1 Փասթորէն հետաքրքրուած է իսպանական գրանդներուն
  19. Pastore: «anche il Palermo a caccia dell'Interէ
  20. Palermo-Maribor 3-0
  21. «մանչեսթեր Սիթիե-ին հետաքրքրել է Պաստօրէն
  22. Ճեմպարինի: Փասթորէն ան նոր Զիտանն է
  23. Ճեմպարինի: Փասթորէի համար առաջարկեցին 25 միլիոն եւրօ, սակայն անոր արժէքը 60 միլիոն եւրօ է
  24. Փասթորէն տեղեկացրեց «Բալերմոյի» հետ պայմանագրի երկարաձգման մասին
  25. Oscar Del calcio a Javier Pastore
  26. «Յոււենթուսը» կը փորձէ գնել Ագուերոյին եւ Պաստորէին
  27. 27,0 27,1 27,2 Փաստորէ: Իմ գործակալը բանակծութիւններ կը վարէ «Պարսելոնայի» հետ
  28. «ռոման» Պաստորէի համար պատրաստ է վաճառել Դէ Ռոսսիին
  29. «մալագան» Փասթորէի համար պատրաստ է վճարել 35 միլիոն €
  30. Le Parisien: «ՓՍԺ»-ն հետաքրքրուած է Պաստորէով
  31. Պաստօրէն մօտ է «ՄՅ» տեղափոխուելուն
  32. «Բալերմոն» Փասթորէի համար կը պահանջէ 50 միլիոն եւրոյ
  33. Պաստօրէն տեղեկացրեց «պալերմոյէն» հեռանալու իր ցանկութեան մասին
  34. Napoli Today: «անժինէ Պաստորէի համար պատրաստ է վճարել 50 միլիոն եւրոյ
  35. Sarebbe dei russi dell'Anzhi l'offerta di 50 milioni per Pastore
  36. Փասթորէն կնքեց 5 տարուայ պայմանագիր «ՊՍԺ»-ի հետ
  37. Pastore a enfin signռ !
  38. Пасторе: Փարիզի մէջ իմ հաւանականութիւնները աւելի մեծ են, քան «Չելսիի մէջ
  39. Paris et Pastore assurent
  40. PSG-Valenciennes : 2-1 (1-1)
  41. Хавьер Пасторе: «Я немного устал, ведь в предыдущих клубах не привык играть каждые три дняէ
  42. Խաւիէ Պասթորէ: «ես կը ցանկանայի նորէն խաղալ Իտալիայի մէջ»
  43. Ջեմպարինի: Անիծուած Անչելոդին ոչ մէկ բան չի հասկնար ֆութպոլէն!
  44. Ջեմպարինի: Փասթորէի անյաջող ելոյթները կապուած են այն բանի հետ, որ Իպրահիմովիչի հետ խաղալը շատ դժուար է
  45. «Ինթեր» կրնայ փոխանակել Փասթորէի հետ կամ Նանիին կամ Սնեյտերին
  46. «միլանըէ Պաստորէի համար կ'առաջարկէր 20 միլիոն եւրոյ առաւել Ինեացիոյ Ապաթէի տեղափոխութիւնը
  47. Javier Pastore convocato in nazionale da Diego Armando Maradona
  48. Fueron convocados Emiliano Papa y Javier Pastore
  49. Catalunya venciց 4-2 a la Selecciցn Argentina
  50. Лавесси не вошел в окончательный состав сборной Аргентины на ЧМ-2010
  51. Argentina: Pastore incanta il Monumental
  52. Argentina: il voto a Pastore di stampa canadese
  53. Աա-2010. Խմբային փուլ. A խմբին մէջ, Արժանդինը յաղթած է Յունաստանին, իսկ Նիգերիայի հաւաքականը ոչ ոքի խաղցաւ Հարաւային Գորէայի դէմ խաղին մէջ
  54. Ten to watch for 2014
  55. Fifa: Pastore nella Top 10 giovani per Mondiale 2014
  56. Խաւիեր Պաստորէ: «դիեգոն չպէտք է հեռանաէ
  57. Բարեխան, Ռոխոն եւ Տեւեզը Ամերիկայի գաւաթի վերջնական յայտագրութեան մէջ
  58. Pastore chiama la Juventus
  59. «Խաւիէ Փասթորէի ընկերուհի Չիարայ Պիցոնէ:"Ինծմէ երկար ժամանակ չպահանջուեցաւ հասկանալու համար, որ Փասփորէն լաւ եւ սիրալիր տղայ է" - www.pinkfootball.ru - Девушки о футболе»։ pinkfootball.ru։ արտագրուած է՝ 2015-10-23