Խաչատուր Աւետիսեան
| Խաչատուր Աւետիսեան | |
|---|---|
| Ծնած է | 18 Ապրիլ 1926[1] կամ 14 Ապրիլ 1926[2] |
| Ծննդավայր | Լենինական, Հայաստանի Խորհրդային Ընկերվարական Հանրապետութիւն, Անդրկովկասի ԽՖՍՀ, Խորհրդային Միութիւն[1] |
| Մահացած է | 27 Յունիս 1996 (70 տարեկանին) |
| Մահուան վայր | Երեւան, Հայաստան |
| Քաղաքացիութիւն |
 Հայաստան և  Խորհրդային Միութիւն |
| Ազգութիւն | Հայ[1] |
| Ուսումնավայր | Երեւանի Կոմիտասի անուան պետական երաժշտանոց[1] |
| Մասնագիտութիւն | քանոնահար, երգահան և երաժշտութեան ուսուցիչ |
| Աշխատավայր | Երեւանի Կոմիտասի անուան պետական երաժշտանոց և Հայաստանի Պարի Պետական Համոյթը[1] |
| Երեխաներ | Միքայէլ Աւետիսեան |
Խաչատուր Մեխակ Աւետիսեան (18 Ապրիլ 1926[1] կամ 14 Ապրիլ 1926[2], Լենինական, Հայաստանի Խորհրդային Ընկերվարական Հանրապետութիւն, Անդրկովկասի ԽՖՍՀ, Խորհրդային Միութիւն[1] - 27 Յունիս 1996, Երեւան, Հայաստան), հայ երգահան, քանոնահար, ՀՀ ժողովրդական արուեստագէտ (1984) եւ ՀՀ Պետական մրցանակի դափնեկիր (1985)[3]:
Կենսագրութիւն
[Խմբագրել | Խմբագրել աղբիւրը]Խաչատուր Աւետիսեան ծնած է Լենինականի մէջ (ներկայիս՝ Կիւմրի)։ 1949 թուականին կը հաստատուի Երեւանի մէջ աւելի լաւ կրթութիւն ստանալու համար։ Մասնագիտութիւնն ու կրթութիւնը ստացած է Երեւանի Ռոմանոս Մելիքեանի անուան երաժշտական ուսումնարանը, եւ սորված է Գրիգոր Եղիազարեանի ղեկավարած դասարանին մէջ։ 1960 թուականին աւարտած է Կոմիտասի անուան երաժշտանոցը: Այդտեղ ան եղած է Էդուարդ Միրզոյեանի ղեկավարութեան տակ։ 1950 թուականէն սկսեալ սկսած է աշխատիլ Ռոմանոս Մելիքեանի անուան երաժշտական ուսումնարանին մէջ որպէս քանոնի դասարանի ղեկավար եւ այսպիսով տարիներուն ընթացքին ստեղծած է իր հանրայայտ քանոնի ստեղծագործութիւնները։
1951 թուականին, Խաչատուր Աւետիսեան, մասնակցած է Պերլինի մէջ տեղի ունեցած համաշխարհային 3-րդ փառատօնին, որտեղ անհատ կատարողներու միջազգային մրցանակաբաշխութեան շահած է առաջին մրցանակը եւ ոսկէ մետալ մը։ Աւետիսեանի ղեկավարած քանոնահարներու խումբը 1957 թուականին Մոսկուայի համաշխարհային փառատօնին շահած է 3-րդ մրցանակը։ 1958 թուականէն սկսեալ աշխատած է Հայաստանի Պարի խումբին հետ որպէս երաժշտական ղեկավար[4]։
Ստեղծագործութիւններ
[Խմբագրել | Խմբագրել աղբիւրը]Խաչատուր Աւետիսեանի յայտնի եւ ծանօթ ստեղծագործութիւններն են՝
- «Իմ անուշ տաւիղ»
- «Մախմուր աղջիկ»
- «Ասում են թէ»
- «Անահիտ»
- «Կախարդուած ծաղիկներ»
- «Անուրջներ»
- «Ծաղկեփունջ»
- «Եղեգ»
- «Շիրակի»
- «Հայոց հովիկ»
- «Պարմանի»
- «Կարապներու պար»
- «Հանինայ»
- «Տօնական Հայաստան»
- «Իրիկնային»
- «Ճերմակ աղաւնիւ»
- «Տաւիղ»
- «Յուշեր»
Պարգեւներ
[Խմբագրել | Խմբագրել աղբիւրը]- ՀՀ Պետական մրցանակ, (1985)
- ՀՀ ժողովրդական արուեստագէտ, (1984)
- ՀՀ արուեստի վաստակաւոր գործիչ, (1965)
- ՀՀ վաստակաւոր արուեստագէտ, (1961)
- Երաժշտական համաշխարհային փառատօն, առաջին մրցանակ, Մոսկուա, (1957)
- Երաժշտական համաշխարհային փառատօն, առաջին մրցանակ, Պերլին, (1951)
Ծանօթագրութիւններ
[Խմբագրել | Խմբագրել աղբիւրը]- 1 2 3 4 5 6 7 Հայկական սովետական հանրագիտարան / խմբ. Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 2000.
- 1 2 Deutsche Nationalbibliothek Record #1297967011 // Gemeinsame Normdatei — 2012—2016.
- ↑ «Խաչատուր Ավետիսյանի կենսագրությունը AV Production»։ արխիւացուած է բնօրինակէն-էն՝ 2020-09-23-ին։ արտագրուած է՝ 2016-11-06
- ↑ Գառնիկ Ստեփանյան (1973)։ Կենսագրական բառարան, հատոր Ա։ Երեւան: «Սովետական գրող»։ էջ էջ 131
Աղբիւրներ
[Խմբագրել | Խմբագրել աղբիւրը]- Խաչատուր Ավետիսյան Archived 2019-04-07 at the Wayback Machine.
- Խաչատուր Ավետիսյան, երգահան (կոմպոզիտոր)