Լրագրողներու Համերաշխութեան Միջազգային Օր

Լրագրուղներու Համերաշխութեան Միջազգային Օր;
	;
Տեսակ	Միջազգային օր
Ի յիշատակ	լրագրող
Հիմնադիր	International Organization of Journalists

Լրագրողներու համերաշխութեան միջազգային օր (անգլ.՝ International Day of Journalists' Solidarity), լրագրողներու, լրահաղորդներու եւ թղթակիցներու համերաշխութեան միջազգային օր։ Կը տօնուի ամէն տարի՝ 8 Սեպտեմբերին, ամբողջ աշխարհին մէջ^[1]։

Պատմութիւն եւ տօնակատարութիւն

Լրագրողներու համերաշխութեան միջազգային օրը սահմանուած է 1958 թուականին աշխարհի ամենահին եւ ամենախոշոր լրագրողական միաւորման՝ լրագրողներու միջազգային կազմակերպութեան 4-րդ համաժողովի որոշմամբ^[2]։

Այս միջազգային օրուայ կազակերպման ամսաթիւը պատահական չէ ընտրուած։ 1943 թուականի ճիշդ այդ օրը Պերլինի մէջ նացիստներու կողմէ մահապատիժի ենթարկուած է 1942 թուականի Ապրիլին Կէստապոյի մէջ ձերբակալուած Չեխոսլովակիայի լրագրող, գրական եւ թատերական քննադատ, հրապարակախօս, Չեխոսլովակիայի կոմկուսի ակտիւիստ Եուլիուս Ֆուչիկը։ Նոյնիսկ նացիստական բանտերուն մէջ Եուլիուսը մասնագիտութիւնը չէ թողած եւ հասցուցած է գրել «Ռեպորտաժ՝ օղակը պարանոցին» (չեխ․՝ Reportáž psaná na oprátce) գիրքը, որու համար 1950 թուականին յետմահու արժանացած է Խաղաղութեան միջազգային մրցանակի։

Աւանդոյթի համաձայն՝ լրագրողներու համերաշխութեան օրը ամբողջ աշխարհոին մէջ տեղի կ՚ունենան ժողովներ եւ խորհրդաժողովներ, որոնց կը մասնակցին լրագրողներ աշխարհի տարբեր երկիրներէ։ Այդ մասնագիտական համագումարներուն չորրորդ իշխանութեան ներկայացուցիչները կը կիսուին իրենց լրագրողական փորձով եւ կը նշեն իրենց միջավայրին մէջ առաւել արժանաւորներուն։

Պուլիցերեան մրցանակը, որ ԱՄՆ-ի ամենահեղինակաւոր մրցանակն է գրականութեան, ժուռնալիստիկայի, երաժշտութեան եւ թատրոնի ոլորտներուն մէջ, գրեթէ միշտ կը յանձնուի 8 Սեպտեմբերին՝ լրագրողներու համերաշխութեան միջազգային օրը։

Ծանօթագրութիւններ

Արտաքին յղումներ

[1] Международный день солидарности журналистов — 8 сентября. История и особенности праздника в проекте Календарь Праздников 2010

[2] 63 года исполняется сегодня Международной организации журналистов

[1]

[2]