Լուսիկ Ագուլեցի

Լուսիկ Ագուլեցի
Ծննդեան անուն	հայ.՝ Լուսիկ Ժորիկի Հարությունյան
Ծնած է	31 Մայիս 1946(1946-05-31)
Ծննդավայր	Վերին Ագուլիս, Նախիջեւանի Ինքնավար Հանրապետութիւն
Մահացած է	13 Յուլիս 2018(2018-07-13) (72 տարեկանին)
Քաղաքացիութիւն	Խորհրդային Միութիւն և  Հայաստան
Ուսումնավայր	Փանոս Թէրլեմէզեանի անուան գեղարուեստի ուսումնարան
Մասնագիտութիւն	նկարչուհի և ազգագրագէտ
Անդամութիւն	Հա­յաս­տա­նի Նկա­րիչ­նե­րու Միու­թիւն
Ամուսին	Եուրի Սամուէլեան

Լուսիկ Ագուլեցի-Սամուէլեան (Լուսիկ Ճորճիկ Սամուէլեան) (31 Մայիս 1946-, Ագուլիս, Նախիջեւանի Ինքնավար Հանրապետութիւն - 13 Յուլիս 2018), հայ նկարչուհի, ազգագրագէտ, ՀՀ մշակոյթի վաստակաւոր գործիչ (2014):

Քանդակագործ Եուրի Սամուէլեանի կինն է։

Կենսագրութիւն

Լուսիկ Ագուլեցի ծնած է 31 Մայիս 1946-ին, Նախիջեւանի Ագուլիս քաղաքը։

1953-ին ընտանիքով տեղափոխուած են Երեւան։

1963-1967-ին ուսանած է Երեւանի Փանոս Թէրլէմէզեանի անուան գեղարուեստի ուսումնարանը։

1966-ին արժանացած է «Աւանգարդ» թերթի յատուկ մրցանակին։

1974-ին անդամակցած է Հայաստանի նկարիչներու միութեան։

Լուսիկ Ագուլեցիի կտաւները կը գտնուին Հայաստանի եւ արտերկրի թանգարաններու յատուկ հաւաքածոներու մէջ։

Ցուցահանդէսներ

1968-էն մասնակցած է տարբեր ցուցահանդէսներու Հայաստանի եւ արտերկրի մէջ։

Անհատական ցուցահանդէսներ

• 1996՝ Հայաստանի ազգային պատկերասրահ
• 1997՝ Ստեփանակերտ
• 1997՝ «Մկրտչեան» ցուցասրահ
• 1999՝ Թեսաղոնիկէ, Յունաստան։

Խմբակային ցուցահանդէսներ

• 1977՝ Փարիզ
• 1977՝ ԱՄՆ
• 1978՝ Գերմանիա
• 1981՝ Իրաք
• 1983՝ Լոս Անճելըս, Տիթրոյթ, Թորոնթօ, Մոնթրէալ
• 1985՝ Մոսկուա
• 1986՝ Ճափոն
• 1987՝ Յունաստան
• 1987՝ Իջեւան
• 1989՝ Հայաստանի ազգային պատկերասրահ
• 1994՝ Պելճիքա, Ֆրանսա
• 1995-1997՝ Արցախ
• 1998՝ «Ժամանակակից արուեստը 21-րդ դարու շեմին»
• 2003՝ Մինսք
• 2003՝ «Հայաստան-Սփիւռք» համաժողովին նուիրուած ցուցահանդէս

Պարգեւներ, մրցանակներ

• 1967-ին՝ մրցանակ Անդրկովկասեան ցուցահանդէսին մէջ
• 1968-ին՝ կին նկարիչներու ցուցահանդէսի առաջին մրցանակ
• 1975-ին՝ Մոսկուայի համամիութենական ցուցահանդէսի Գեղարուեստի ակադեմիայի մրցանակ
• ՀՀ մշակոյթի նախարարութեան պատուոյ գիր
• Երեւանի քաղաքապետարանի պատուոյ գիր
• 2003-ին՝ Մեսրոպ Մաշտոցի անուան մշակոյթի կեդրոնի կողմէ համամարդկային արժէքները պահպանելու համար մրցանակ
• 2010-ին՝ Մովսէս Խորենացիի շքանշան
• 2011-ին՝ «Գրքարուեստ» հանրապետական չորրորդ մրցանակաբաշխութեան Լուսիկ Ագուլեցիի «Անցեալի մասունքներ» գիրքը արժանացած է գլխաւոր մրցանակի, ստացած է նաեւ ԱՊՀ երկրներու «Գրքարուեստ» միջազգային մրցանակաբաշխութեան «Արուեստի գիրք» անուանակարգի առաջին մրցանակ
• 2014-ին՝ ՀՀ մշակոյթի վաստակաւոր գործիչ
• 2014-ին՝ Երեւանի քաղաքապետի ոսկեայ շքանշան

Մէջբերումներ Լուսիկ Ագուլեցիէն

Նկարչութիւնն ինձ օգնեց ծաւալուելու մշակոյթի տարբեր ճիւղերում, տեսնելու, ընկալելու եւ գնահատելու այն արժէքները, որոնք ստեղծել է մեր ժողովուրդը, ուստի ուսումնասիրում եմ ժողովրդական մշակոյթը, յատկապէս ազգային տօները, ծէսերը, տարազները։

Լուսիկ Ագուլեցիի տուն թանգարանը

Տունը, ուր երկար տարիներ ապրած եւ ստեղծագործած է ազգագրագէտ եւ նկարչուհի Լուսիկ Ագուլեցին, վերածուած է տուն-թանգարանի:

Թանգարանին մէջ ցուցադրուած են հին իրեր, խեցեղէն, դրամներու հաւաքածոյ, հնատիպ գիրքեր ու սրբանկարներ, գորգեր, տարազներ, աշխատանքային գործիքներ, զէնքեր, պերճանքի իրեր, ծիսական տիկնիկներ, ծիսական ծառեր եւ այլն:

Երկեր

• Լուսիկ Ագուլեցի, «Անցեալի մասունքներ», Երեւան, 2010:
• Լուսիկ Ագուլեցի, «Եուրի Սամուէլեան», Երեւան, 2012:

Գրականութիւն

• Լուսիկ Ագուլեցի-Սամուէլեան, Երեւան, 2004, 90 էջ:
• Նազիկ Արմէնակեան, «Հայոց տօնածիսական մշակոյթն ըստ գեղանկարչուհի Լուսիկ Ագուլեցու ստեղծագործութիւնների», Երեւան, 2015, 408 էջ:

Արտաքին յղումներ

• Լուսիկ Ագուլեցին Էյ Վի Փրոտաքշն կայքէն Archived 2021-06-24 at the Wayback Machine.
• Աքրամ Այլիսլի եւ Լուսիկ Ագուլեցի
• Հանդիպում նկարչուհի, ազգագրագէտ Լուսիկ Ագուլեցիի հետ
• Ուտել աղի բլիթ, թէ ոչ. ազգագրագէտի եւ քահանայի տեսակէտերը
• Մինչեւ ամուսնութիւնը տարազ չէի կրում, Լուսիկ Ագուլեցի