Լիտիա Հայրապետեան
 | |
|---|---|
| Ծնած է | 22 Օգոստոս 1945[1] (80 տարեկան) |
| Ծննդավայր | Երեւան, Խորհրդային Միութիւն |
| Քաղաքացիութիւն |
 Խորհրդային Միութիւն և  Հայաստան |
| Կրթութիւն | Երեւանի Պետական Բժշկական Համալսարան |
| Մասնագիտութիւն | ուռուցքաբան |
| Կոչում | փրոֆեսոր |
| Աշխատավայր | Վ.Ա. Ֆանարջեանի անուան ուռուցքաբանութեան ազգային կեդրոն, Առողջապահութեան ազգային ինստիտուտ և Երեւանի Պետական Բժշկական Համալսարան |
Լիտիա Գէորգիի Հայրապետեան (22 Օգոստոս 1945[1], Երեւան, Խորհրդային Միութիւն), հայ ուռուցքաբան-քիմիաբոյժ։ Բժշկական գիտութիւնների դոկտոր (1997), փրոֆեսոր (2002)։
Կենսագրութիւն
[Խմբագրել | Խմբագրել աղբիւրը]Լիտիա Հայրապետեանը ծնած է 22 Օգոստոս 1945-ին, Երեւանի մէջ։
1969 թուականին աւարտած է Երեւանի պետական բժշկական համալսարանը։ 1969-1972 թուականներուն աշխատած է Լենինականի ուռուցքաբանութեան դիսպանսէրին մէջ, իսկ 1972 թուականէն՝ ՀԽՍՀ ուռուցքաբանութեան ազգային կեդրոնին մէջ[2]։ Նոյն թուականէն աշխատած է ՀՀ առողջապահութեան նախարարութեան ռատիոլոգիայի եւ ուռուցքաբանութեան գիտահետազօտական համալսարանին մէջ՝ որպէս բժիշկ-ուռուցքաբան, իսկ 1990 թուականէն՝ բաժնի վարիչ։
1977 թուականէն աշխատած է Ռատիոլոգիայի եւ ուռուցքաբանութեան գիտահետազօտական համալսարանի քիմիաթերապիայի բաժանմունքին մէջ։ 1991 թուականէն կը ղեկավարէ ՀՀ առողջապահութեան նախարարութեան Ուռուցքաբանութեան ազգային կեդրոնի քիմիաթերապիայի բաժանմունքը։ Նոյն տարին պաշտպանած է դոկտորական ատենախօսութիւն եւ ստացած փրոֆեսորի կոչում (աշխատանքը կատարուած է համատեղ՝ ՌԴ բժշկական գիտութիւններու ակադեմիայի Ռատիոլոգիական ուռուցքաբանական գիտական կեդրոնին հետ, փրոֆեսոր Վ. Ա. Գորբունովայի ղեկավարութեամբ)[3]։
1997 թուականէն դասաւանդած է Առողջապահութեան ազգային համալսարանին մէջ։ 2003 թուականէն եղած է Երեւանի պետական բժշկական համալսարանի ուռուցքաբանութեան ամպիոնի փրոֆեսոր։
Լիտիա Հայրապետեանը բազմաթիւ գիտական աշխատութիւններու, ներառեալ մենագրութիւններու հեղինակ է։ Մասնակցած է բազմաթիւ միջազգային գիտաժողովներու՝ ESMO եւ ASCO կազմակերպութիւններու շրջանակներուն մէջ, որոնք տեղի ունեցած են Աւստրիոյ, Գերմանիոյ, Սպանիոյ, Ֆրանսայի, Յունաստանի, Իտալիոյ, Շուէտի, Միացեալ Նահանգներու, Չինաստանի, Ռուսաստանի, Պելառուսի, Ուզպեքիստանի, Ղազախստանի եւ Վրաստանի մէջ։
Անոր գիտական աշխատանքները կը վերաբերին նորագոյն դեղամիջոցներու կիրառման եւ փորձարկման, տարբեր ուռուցքներու համակարգային եւ ներխոռոչային բուժման, ինչպէս նաեւ ուռուցքային հիւանդութիւններու քրոնոմոդուլացիոն բուժման սկզբունքներուն[4]։
Անդամակցութիւն
[Խմբագրել | Խմբագրել աղբիւրը]- ՀՀ ուռուցքաբանների ընկերութեան անդամ (1992)։
- ԵրՊԲ համալսարանի թեկնածուական աստիճանների շնորհման «մանկաբարձութիւն եւ գինեկոլոգիայ, ուռուցքաբանութիւն» մասնագիտացուած խորհրդի անդամ (2001)։
- Արեան փոխներարկման եւ հեմօտոլոգիայի ԱԳԻ-ի գիտական խորհրդի անդամ։
- Ռուսաստանի Բնական Գիտութիւնների Ակադէմիայի իսկական անդամ (2014)։
Ծանօթագրութիւններ
[Խմբագրել | Խմբագրել աղբիւրը]- 1 2 http://am.hayazg.info/index.php?curid=9188
- ↑ Լիդիա Հայրապետյան
- ↑ Լիդիա Հայրապետյան
- ↑ Ով ով է. Հայեր. Կենսագրական հանրագիտարան, հատոր առաջին, Երևան, 2005։