Լէյլա Ալ-Աթթար
| Լէյլա Ալ-Աթար արաբերէն՝ ليلى العطار | |
|---|---|
 | |
| Ծնած է | 7 Մայիս 1944 |
| Ծննդավայր | Պաղտատ, Իրաքի Թագաւորութիւն |
| Մահացած է | 27 Յունիս 1993 (49 տարեկանին) |
| Մահուան վայր | Պաղտատ, Իրաք |
| Քաղաքացիութիւն | Իրաքի թագաւորութիւն |
| Մասնագիտութիւն | նկարչուհի եւ արուեստներու գործիչ |
| Անդամութիւն | Iraqi Artists Syndicate? |
Լէյլա Ալ-Աթթար (արաբ․՝ ليلى العطار, 7 Մայիս 1944, Պաղտատ, Իրաքի թագաւորութիւն - 28 Յունիս 1993, Պաղտատ, Իրաքի թագաւորութիւն), իրաքցի նկարչուհի, Իրաքի գեղարուեստի ազգային թանգարանի տնօրէն: Միջազգային մամուլին մէջ յայտնի դարձած է 1993-ին՝ ԱՄՆ-ի կողմէ Իրաքի վրայ կատարուած ռմբակոծութեան ժամանակ զոհուելէն ետք:
Կենսագրություն
[Խմբագրել | Խմբագրել աղբիւրը]
Լէյլա Ալ-Աթթարը ծնած է 1944-ին, Պաղտատ: 1965-ին աւարտած է Պաղտատի գեղեցիկ արուեստներու ակադեմիան: Պարբերաբար մասնակցած է ազգային ու միջազգային տարբեր ցուցահանդէսներու Իրաքի եւ այլ երկիրներու մէջ։ Մասնաւորապէս, մասնակցած է Քուէյթի պիենալէին (1973), Արաբական առաջին պիենալէին (Պաղտատ, 1974), Արաբական երկրորդ պիենալէին (1976), Քուէյթի պիենալէին (1981), ինչպէս նաեւ ոսկիէ մետալ ստացած է Գահիրէի պիենալէի ժամանակ (1984):
1991-ին Իրաք-Քուէյթ պատերազմի աւարտէն ետք Լէյլա Ալ-Աթթարը պաղտատեան «Ռաշիտ» հիւրանոցի յատակին ստեղծած է խճանկար. այստեղ յաճախ կը հիւրընկալուէին օտարերկրացի հիւրեր: Ան պատկերած է ԱՄՆ նախագահ Ճորճ Պուշ աւագը, իսկ դիմանկարի տակ անգլերէնով ու արաբերէնով գրուած եղած է «Պուշը յանցագործ է» (անգլ.՝ Bush is criminal): Արաբական մշակոյթին մէջ մարդու պատկերը տրորելը խիստ վիրաւորանք կը համարուի, այդ պատճառով նկարը գրաւած է ամերիկացի դիւանագէտներու ուշադրութիւնը եւ այդ մասին հաղորդուած է Պուշին: 28 Յունիս 1993-ին Լէյլան, անոր ամուսինն ու տան աշխատողը սպաննուած են ամերիկեան ռմբակոծութեան արդիւնքով: Հարուածի պատճառով Լէյլայի աղջիկը կորսնցուցած է տեսողութիւնը: Ըստ պաշտօնական վարկածի` հարուածի թիրախը իրաքեան յետախուզութեան գլխամասն էր, սակայն կարծիք կայ, թէ Լէյլան դարձած է Պուշի վրէժի զոհը[1]:
Յիշատակ
[Խմբագրել | Խմբագրել աղբիւրը]- Քրիս Քրիստոֆերսոն Լէյլային նուիրած է իր «The Circle (Song for Layla Al-Attar and Los Olvidados of Argentina)» երգը: Քոլոմպացի երգչուհի Մարթա Կոմէսը կատարած է Քրիստոֆերսոնի The Pilgrim. A celebration of Kris Kristofferson երգը` մէկ քառատող աւելցնելով սպաներէնով[2]:
- Հիթեր Ռաֆֆոյի «Ցանկութեան ինն մասերը» պիէսին մէջ կայ Լայալի կերպարը, որ հիմնուած է Լէյլա Ալ-Աթթարի վրայ[3]: Պիէսը կը ներկայացէ, եւ անոր բոլոր կերպարներուն, ինչպէս` Լայալին, կը խաղայ ինքը` Ռաֆֆօն: Ըստ անոր, թատրերգութիւնը գրելու համար առիթ դարձած է Լէյլայի նկարը, որ հեղինակը տեսած է պատկերասրահին մէջ[3]:
Ծանօթագրութիւններ
[Խմբագրել | Խմբագրել աղբիւրը]- ↑ Её убили за карикатуру на Джорджа Буша. Лейла аль-Аттар
- ↑ Marta Gómez: De dulce by Carles Gracia Escarp 21/06/2013 for cancioneros.com Accessed online using Google Translate on June 25, 2015
- 1 2 Sandler, Lauren. «An American and Her Nine Iraqi Sisters.» The New York Times. October 17, 2004. Retrieved on April 13, 2014.
Գրականութիւն
[Խմբագրել | Խմբագրել աղբիւրը]- Pope, Hugh. «Artist’s rendering: After Painter Dies, A Myth is Bom in Insular Iraq? Baghdadis Believe Ms. Attar Was Target of US Missiles.» Asian Wall Street Journal. (June 3, 2002). http://search.proquest.com/docview/398814196