Ինես Ռամիրեզ Փերեզ

Jump to navigation Jump to search
Ինես Ռամիրեզ Փերեզ

Inés Ramírez Pérez

Ծնած է 1960
Ծննդավայր Օահակա, Մեքսիկա
Քաղաքացիութիւն Flag of Mexico.svg Մեքսիկա

Ինես Ռամիրեզ Փերեզ (սպաներէն՝ Inés Ramírez Pérez, ծնած՝ 1960), մեքսիքացի կինը, որ ինքն իրեն կատարած է յաջող Կեսարական հատում եւ լոյս աշխարհ բերեած՝ առողջ երեխայ մը[1][2][3]:

5 Մարտ 2000-ին, Ինես Ռամիրեզ Փերեզ, մեքսիքացի կինը Օախաքա նահանգէն, գրաւած է լրատուամիջոցներուն ուշադրութիւնը ինքն իրեն կատարած Կեսարական հատումով. ան չունէր բժշկական կրթութիւն, բայց, այնուամենայնիւ, կատարած է յաջող Կեսարական հատում, այնպէս որ ան եւ իր երեխան ողջ մնացած են[4]:

40-ամեայ Ինեսը, կէս գիշերին, 12 ժամ տեւած ցաւերէ ետք կը նստի նստարանի մը վրայ եւ կ՛ըմպէ երեք գաւաթ ոգելից խմիչք. ապա խոհանոցի 15 սմ սովորական դանակով կը ճեղքէ որովայնը: Մէկ ժամ տեւած վիրահատութենէն ետք, ան դուրս կը քաշէ տղայ երեխան եւ մկրատով կը հատէ պորտալարը[1]: Որոշ ժամանակ կը մնայ անգիտակից վիճակի մէջ ու ետքը, ուշքի գալով, մեծ տղուն կ՛ուղարկէ՝ օգնութիւն բերելու համար[1]: Մի քանի ժամ ետք, գիւղին բժշկական անձնակազմը զայն կը գտնէ ուշքը գտած եւ արթուն վիճակով:

Ի վերջոյ զինք տեղի դարմանատունը կը տեղափոխեն, երկու ու կէս մղոն հեռաւորութեան վրայ «San Lorenzo Texmelucan», եւ ապա դէպի մօտակայ հիւանդանոցը[5], ութ ժամ հեռաւորութեան վրայ՝ ինքնաշարժով:

Նկարագրելով իր փորձը, Ռամիրեզ յայտնած է.

Aquote1.png Ես այլեւս չէի կրնար ցաւին դիմանալ: Եթէ զաւակս պիտի մեռնէր, ես եւս պէտք էր մեռնէի. իսկ եթէ ան պիտի մեծնար, ես պէտք է որ տեսնէի անոր մեծնալը, եւ ըլլալ անոր կողքին: Ես մտածեցի, որ Աստուած կրնայ փրկել մեր կեանքը: Aquote2.png


Այս վիճակը առաջին անգամ յիշուած է 2004-ի Մարտին, կնոջական «International Journal of Gynecology & Obstetrics» պարբերաթերթին մէջ[6]։

Ծանօթագրութիւններ[Խմբագրել | Խմբագրել աղբիւրը]