Ժպիտի շքանշան
Ժպիտի շքանշան (լեհ.՝ Order Uśmiechu), միջազգային կարգի շքանշան: Սկիզբը կը տրուէր միայն Լեհաստանի մէջ:
Այս շքանշանով կը պարգեւատրուին յայտնի անձնաւորութիւններ, որոնք երեխաներուն ժպիտ եւ ուրախութիւն կը պարգեւեն: Անձնաւորութիւնները կրնան ըլլալ` բժիշկներ, գրագէտներ, մանկավարժներ, երաժիշտներ, ինչպէս նաեւ յայտնի քաղաքական կամ կրթական գործիչներ:
Պատմութիւն
[Խմբագրել | Խմբագրել աղբիւրը]1968-ին ստեղծուած է այս շքանշանը: 1979-ին ՄԱԿ-ի գլխաւոր քարտուղար Քուրթ Վալտհայմը այս շքանշանին տուած է միջազգային ճանաչում` 1979-ը ՄԱԿ-ի կողմէ «Երեխաներու տարի» հռչակման առիթով:
Հիմնադրման օրէն այս պարգեւին արժանացած են շուրջ 903 ասպետներ` աշխարհի շուրջ 45 երկիրներէ:
Շքանշանի նկարագրութիւնը
[Խմբագրել | Խմբագրել աղբիւրը]
Շքանշանը կլոր, երկնագոյն մետալ մըն է, որուն վրայ պատկերուած է ժպտող արեւ մը: Շքանշանին ժապաւէնը ճերմակ, փայլուն մետաքս է, անոր վրայ ասեղնագործուած են ծաղիկներ:
Ընտրութեան յանձնախումբը
[Խմբագրել | Խմբագրել աղբիւրը]Շքանշանի ասպետներու ընտրութեան յանձնախումբը բաղկացած է 60 անդամներէ: Անոնք տարին երկու անգամ կը հաւաքուին` գարնան եւ աշնան: Բացի Լեհաստանէն, անդամներ կան նաեւ` Հայաստանէն, Ֆրանսայէն, Իտալիայէն, Վրաստանէն, Իսրայէլէն, Ազրպէյճանէն եւ այլ երկիրներէ։
Կարեւոր է նշել, որ պարգեւատրման արարողութեան ժամանակ պարգեւատրուողը պէտք է ժպտի` կիտրոնի հիւթ խմելով[1][2]:
Պարգեւատրուած յայտնի անձնաւորութիւններ
[Խմբագրել | Խմբագրել աղբիւրը]Պարգեւատրուած յայտնի անձնաւորութիւններէն` Մայր Թերեզան, Տալա Լամա, Յովհաննէս Պօղոս Բ. պապը, Օփրա Ուինֆրին, Նելսոն Մանտելան, Քուրթ Վալտհայմը, Սթիւըն Սփիլպըրկը, Աշոտ Տէր Գրիգորեանը եւ շատ ուրիշներ:
Ժպիտի շքանշանը ունի նաեւ իր թանգարանը` Լեհաստանի մէջ. անիկա հիմնադրուած է 1996-ին եւ նուիրուած է ժպիտի շքանշանի պատմութեան[3][4]:
Ծանօթագրութիւններ
[Խմբագրել | Խմբագրել աղբիւրը]- ↑ «Abdullah awarded 'Order of the Smile'»։ Gulf News (անգլերէն)։ 2007-06-26։ արտագրուած է՝ 2020-12-30
- ↑ «Spielberg's Lemon Stunt Earns 'Order of the Smile'»։ Orlando Sentinel (en-US)։ 1993-05-25։ արխիւացուած է բնօրինակէն-էն՝ May 12, 2021-ին։ արտագրուած է՝ 2020-12-30
- ↑ «Ժպիտի Շքանշան»։ Aztag Daily - Ազդակ Օրաթերթ (Armenian Daily Newspaper based in Lebanon) (en-US)։ 2019-05-09։ արտագրուած է՝ 2025-05-29
- ↑ «OrderUśmiechu.pl – Order Uśmiechu» (pl-PL)։ արտագրուած է՝ 2025-05-29