Ժանէթ Լազարեան
| Ժանէթ Լազարեան | |
|---|---|
| Ծնած է | 1931[1] |
| Ծննդավայր | Թեհրան, Իրան և Իրան |
| Մահացած է | 25 Օգոստոս 2014 |
| Մահուան վայր | Իրան |
| Քաղաքացիութիւն |
 Իրան |
| Մասնագիտութիւն | գրագէտ, լրագրող և արուեստագէտ |
Ժանէթ Տիգրանուհի Լազարեան (1931[1], Թեհրան, Իրան և Իրան - 25 Օգոստոս 2014, Իրան), պարսկահայ լրագրող, եւ արուեստագէտ։
Կենսագրական գիծեր
[Խմբագրել | Խմբագրել աղբիւրը]Ծնած է Թեհրան, Նախիջեւանիէն գաղթած ընտանիքի մէջ։ Տարրական ու միջնակարգ կրթութիւնը ստացած է Սպահանի ու Թեհրանի մէջ։ Այնուհետեւ բարձրագոյն կրթութիւնը շարունակած է Լոնտոնի Թագաւորական Գոլէճը, ուր ալ մասնագիտացած է համաշխարհային արուեստի պատմութեան մէջ։
1967 թուականէն լոյս տեսած են առաջին յօդուածները պարսկական «Ֆերդտոսի» ամսագիրին մէջ՝ գեղանկարչութեան, երաժշտութեան ու շարժանկարի մասին։
Տասը տարի աշխատած է նաւթային ընկերութեան մէջ՝ միաժամանակ թղթակցած է «Էթելաաթ» օրաթերթին։ Այնուհետեւ աշխատանքի անցած է անգլիալեզու «Թեհրան Ճուռնըլ» օրաթերթին մէջ, իբրեւ արուեստի բաժինի վարիչ։
2002 թուականին Իրանի նախագահ Մոհամմատ Խաթամիի հիմնած «Քաղաքակրթութիւններիու երկխօսութիւն» կազմակերպությեան կողմէն հրատարակուած է Ժանէթ Լազարեանի պարսկերէնով կազմած «Իրանահայոց հանրագիտարան»-ը, որ վերահրատարակուած է 2009 թուականին։ 2012 թուականին Հայաստանի Մշակոյթի նախարարութեան Հայաստանի մէջ Իրանի դեսպանութեան Մշակոյթի կեդրոնի աջակցութեամբ հրատարակուած է նոյն գիրքի հայերէն տարբերակը[2][3]։
Ան արժանացած է պետական եւ ոչ պետական կառոյցներու շնորհակալագիրներու։