Թրիզինա

Գիւղ
Թրիզինա
Τροιζήνα
Թրիզինա
Երկիր հիւսիս-արեւելեան Պելոպոնես, Յունաստան
Տարածութիւն 40,597 քմ²
ԲԾՄ 64 մեթր
Բնակչութիւն 673 մարդ (2011)
Ժամային գօտի UTC+2 եւ UTC+3։00
Հեռախօսային ցուցանիշ 2298
Փոստային ցուցանիշ 180 20
Պաշտօնական կայքէջ web.archive.org/web/2006…

Թրիզինա (յուն․՝ Τροιζήνα, Τροιζήν)․ Ատիկէ նահանգ, հիւսիս-արեւելեան Պելոպոնես, Յունաստան։ Եղած է հնադարեան քաղաք, այժմ՝ գիւղ, վարչականօրէն կը պատկանի Թրիզինիա-Մեթանա քաղաքապետութեան Թրիզինա համայնքին։ Կը հաշուէ 673 բնակիչ, ըստ 2011-ի մարդահամարի։

Հակիրճ պատմական ակնարկ[Խմբագրել | Խմբագրել աղբիւրը]

Միկինեան ժամանակաշրջան[Խմբագրել | Խմբագրել աղբիւրը]

Թրիզինա եղած է հնադարեան քաղաք։ Իբրեւ առաջին թագաւոր կը նշուի Օրոս։ Ըստ առասպելին, անունը առած է Փելոփասի 25 զաւակներէն մէկուն անունէն՝ Թրիզինայէն, երբ Փիթէաս (Փելոփասին զաւակներէն) կը թագաւորէր։ Փիթէասի դուստրը Էթրան էր, Թիսէասին մայրը։

Հնադար[Խմբագրել | Խմբագրել աղբիւրը]

Թրիզինա եւ մնացեալ Արղոլիքի թերակղզին կ՛իշխեն Դորեացիները։ Բնակիչներէն շատեր կ՛արտագաղթեն եւ կը հիմնեն Ալիքարնասոս (Փոքր Ասիոյ արեւմտեան ծովափներ) եւ Քալաւրիայի Դաշնաժողովին պատկանող Թրիզինա գաղթօճախները (Իտալիոյ հարաւը, Մեծ Յունաստան Magna Graecia

Ձախին՝ Թրիզինա-Ղալաթաս եւ աջին՝ Փորոս կղզին

Մինչեւ Յունական Ապստամբութեան շրջան[Խմբագրել | Խմբագրել աղբիւրը]

Թրիզինա Պելոպոնեսի առաջին քաղաքներէն եղած է որ Խաչակիրները կը գրաւեն։ ԺԳ․ դարուն Բիւզանդացիներուն ձեռքը կ՛անցնի, իսկ 1484 - 1715 Վենետիկցիները կ՛իշխեն։

Նորագոյն շրջան[Խմբագրել | Խմբագրել աղբիւրը]

Յունական 1821-ի Ապստամբութեան շրջանին, Թրիզինա տեղի կ՛ունենայ Գ․ Ազգային ժողովը (1827), ուր Իոանիս Քափոտիսթրիաս կ՛ընտրուի Յունաստանի կառավարիչ։

Ժամանակակից շրջան[Խմբագրել | Խմբագրել աղբիւրը]

ԻԱ․ դարուն, Թրիզինա բարգաւաճ գիւղ մըն է՝ կապ-կանաչ բլուր մը անհամար լիմոնի եւ նարինջի ծառերով եւ բազմաթիւ հնաբանական վայրերով, իսկ անոր ծովեզերեայ շրջանը, որ նաեւ կեդրոնն է Թրիզինա քաղաքապետութեան՝ Ղալաթաս (2 195 բնակիչ), կը գտնուի Փորոս կղզիին դիմացը, հազիւ 400 մ․ հեռու։

Պատկերասրահ[Խմբագրել | Խմբագրել աղբիւրը]

[1] [2] [3] [4] [5] [6]

  1. Թրիզինան 1821-էն առաջ(յունարէն),3-8-2012
  2. «Թրիզինա-Մեթանա քաղաքապետութիւն(յունարէն)»։ արխիւացուած է բնօրինակէն-էն՝ 2022-08-03-ին։ արտագրուած է՝ 2022-07-18 
  3. «Յունաստանի 2011-ի մարդահամար(յունարէն)»։ արխիւացուած է բնօրինակէն-էն՝ 2020-12-07-ին։ արտագրուած է՝ 2022-07-18 
  4. Թրիզինա. Գ․ Ազգային ժողովը (1827)(յունարէն)
  5. թրիզինայի պատմութիւնը, 24-9-2015(յունարէն)
  6. Զբօսաշրջիկութիւն․ հին Թրիզինա(յունարէն)