Թամար Թումանեան

Ծնած է	10 Մայիս 1907(1907-05-10)
Ծննդավայր	Թիֆլիս, Ռուսական Կայսրութիւն
Մահացած է	11 Նոյեմբեր 1989(1989-11-11) (82 տարեկանին)
Մահուան վայր	Երեւան, Խորհրդային Միութիւն
Կրթութիւն	Հայաստանի ազգային բազմարուեստի համալսարան և Գայանյան օրիորդաց դպրոց?
Աշխատավայր	Յովհաննէս Թումանեանի տուն-թանգարան
Պարգեւներ	Հայկական ԽՍՀ մշակույթի վաստակավոր գործիչ? և «Պատուոյ նշան» շքանշան

Թամար Յովհաննէսի Թումանեան (10 Մայիս 1907(1907-05-10), Թիֆլիս, Ռուսական Կայսրութիւն - 11 Նոյեմբեր 1989(1989-11-11), Երեւան, Խորհրդային Միութիւն), հայ ճարտարապետ։ ՀԽՍՀ մշակոյթի վաստակաւոր գործիչ (1977)։ Հայաստանի ճարտարապետներու միութեան անդամ (1935)։

Յովհաննէս Թումանեանի դուստրը։

Կենսագրութիւն

Թամար Թումանեան ծնած է 1907-ին Թիֆլիսի մէջ՝ բանաստեղծ եւ արձակագիր Յովհաննէս Թումանեանի ընտանիքին մէջ։ Իր նախնական կրթութիւնը ստացած է Թիֆլիսի Գայանեան օրիորդաց դպրոցին մէջ։

1931-ին աւարտած է Երեւանի Փոլիթեքնիք հիմնարկը։ 1933-էն սկսեալ Ալեքսանտր Թամանեանի արուեստանոցին մէջ աշխատած է որպէս ճարտարապետ։

1945-1949 թուականներուն եղած է Հայաստանի ճարտարապետներու միութեան քարտուղարը, իսկ 1947-1951-ին՝ Հայաստանի ճարտարապետական ֆոնտի վարչութեան նախագահը։

1966-1989 թուականներուն վարած է Յովհաննէս Թումանեանի տուն-թանգարանի տնօրէնի պաշտօնը, ուր ստեղծած է «Վերնատուն» յուշասենեակը եւ «Լոռուայ ձոր» համայնապատկերը, որուն դիտումը կ՚ընթանայ Արմէն Տիգրանեանի Անուշ օփերայի երաժշտութեան ուղեկցութեամբ։

Ստեղծագործութիւններ

Թամար Թումանեանի նախագիծերով կառուցուած են բազմաթիւ շէնքեր եւ կառոյցներ՝ Երեւանի եւ այլ քաղաքներու մէջ։

• Քանաքեռ ԳԷՍ-ի բնակելի շէնքը՝ Երեւանի մէջ
• Թիւ 447 գործարանի բնակելի շէնքը՝ Երեւանի մէջ
• Թիւ 447 գործարանի հանրակացարանը՝ Երեւանի մէջ
• Օդերեւութաբանական վարչութեան շէնքը՝ Երեւանի մէջ
• Հիւրանոց մը՝ Սիսիանի մէջ

Մասնակցած է նաեւ Երեւանի կառավարութեան ընդունելութիւններու տան եւ Ալեքսանտր Սպենդիարեանի անուան օփերայի եւ պալէի թատրոնի նախագիծերու մշակման աշխատանքներուն։