Թաթխան

Թաթխան, բոված ու ծեծած սիսեռի համեմներով պատրաստուած ուտելիք:

Թաթխանը հացը մէջը թաթխելու համար նախատեսուած թացան է:

Այս իւրայատուկ ուտելիքը կը պատրաստուէր սերմերէ, հատիկեղէններէ, ընկուզեղէններէ եւ զանազան համեմունքներէ:

Թաթխանը տարածուած էր յատկապէս Արեւմտեան Հայաստանի տարբեր շրջաններու մէջ:

Բերքահաւաքէն ետք հայ ընտանիքներու տատիկները կը չորցնէին, ապա կը բովէին կուտեղէնը` դդումի, արեւածաղիկի, սեխի, ձմերուկի, յետոյ կ'աղէին: Օգտագործելու ատեն վրան ձէթ կը լեցնէին եւ հացը մէջը թաթխելով կ'ուտէին:

Բաղադրութիւն

• Կէս գաւաթ ձիթապտուղի ձէթ
• 2 ապուրի դգալ պալսամիք քացախ
• 1 թէյի դգալ չոր ռեհան
• 1 թէյի դգալ չոր խնկածաղիկ (օրեկանը)
• 1 պճեղ ճզմուած սխտոր
• Կէս թէյի դգալ կարմիր կծու պղպեղի փաթիլներ
• Աղ`ըստ քիմքի
• Մանրուած թարմ ազատքեղ կամ ռեհան`զարդարանքի համար
• Խրթխրթան հաց կամ չիփս` հետը մատուցելու համար:

Պատրաստութիւն

Փոս ամանի մը մէջ խառնել ձիթապտուղի  ձէթն ու պալսամիք քացախը:

Աւելցնել մնացեալ բաղադրիչները եւ շատ լաւ խառնել` միատարր թացան մը ստանալու համար:

Ձգել, որ խառնուրդը լաւ լուծուի` առնուազն 15 վայրկեան: Մատուցման պահուն թացանը անգամ մը եւս խառնել, փոխադրել ներկայանալի ամանի մը մէջ եւ երեսը զարդարել մանրուած ազատքեղով կամ ռեհանով:

Այս համեղ թաթխանին կողքին կարելի է մատուցել ֆրանսական պակեթ հացի շերտեր, տարբեր տեսակի խրթխրթան հացեր կամ չիփս: