Էտուարտ Նալբանդեան

Էտուարտ Նալբանդեան
Ծնած է	16 Յուլիս 1956(1956-07-16) (69 տարեկան)
Ծննդավայր	Երեւան, Խորհրդային Միութիւն
Քաղաքացիութիւն	Խորհրդային Միութիւն և  Հայաստան
Կրօնք	Հայ Առաքելական Եկեղեցի
Ուսումնավայր	Միջազգային հարաբերությունների Մոսկվայի պետական ինստիտուտ?
Մասնագիտութիւն	դիւանագէտ և քաղաքական գործիչ
Վարած պաշտօններ	Հայաստանի դեսպան Ֆրանսիայում? և Հայաստանի արտաքին գործերու նախարար
Կուսակցութիւն	անկախ քաղաքական գործիչ?

Էտուարտ Նալբանդեան (16 Յուլիս 1956(1956-07-16), Երեւան, Խորհրդային Միութիւն), հայ դիւանագէտ։ Հայաստանի արտաքին գործոց նախարար (2008-2018)։

Կենսագրական գիծեր

Ծնած է Երեւան: Ոսկէ շքանշանով աւարտած է Երեւանի Փուշքինի անուան թիւ 8 ռուսական դպրոցը եւ ընդունուած Մոսկուայի միջազգային յարաբերութիւններու պետական հիմնարկ, զոր աւարտած է 1978-ին: Աւելի ուշ յաճախած եւ աւարտած է ԽՍՀՄ Գիտութիւններու ազգային ակադեմիայի արեւելագիտութեան հիմնարկի ասպիրանտուրան, պաշտպանած է գիտական թեզ եւ ստացած քաղաքական գիտութիւններու թեկնածուի գիտական աստիճան:

Գործունէութիւն

Դիւանագիտական գործունէութեամբ սկսած է զբաղիլ հիմնարկը աւարտէլէ անմիջապէս ետք:

1978-1983 տարիներուն աշխատած է Լիբանանի մէջ, քանի մը տարի ԽՍՀՄ արտաքին գործոց նախարարութեան մէջ աշխատելէ ետք, գործուղուած է Եգիպտոս, ուր մինչեւ 1992 եղած է նախ ԽՍՀՄի, ապա Ռուսիոյ դեսպանութեան խորհրդական:

1992-էն արդէն սկսած է աշխատիլ Հայաստանի արտաքին գործոց նախարարութեան մէջ եւ նշանակուած է Եգիպտոսի մօտ Հայաստանի գործերու հաւատարմատար, իսկ 1994-էն՝ այդ երկրի մէջ Հայաստանի դեսպան, ներկայացնելով նաեւ Հայաստանի շահերը Մարոքի եւ Օմանի մէջ:

1999-ին Նալբանդեան նշանակուած է Ֆրանսայի մօտ Հայաստանի արտակարգ եւ լիազօր դեսպան: Միաժամանակ Նալբանդեան Հայաստանի շահերը սկսած է ներկայացնել Իսրայէլի (2000-էն), Ուաշինկթընի (2001-էն) եւ Անտորայի մէջ (2004-էն):

Պատիւներ, պատուաւոր տիտղոսներ եւ մրցանակներ

Էտուարտ Նալպանդեան ստացած է շարք մը պարգեւներ, որոնց կարգին են՝

• 1982 – ԽՍՀՄ «Ժողովուրդներու բարեկամութեան» շքանշան
• 2001 – Ֆրանսայի Հանրապետութեան «Պատուոյ լեգէոնի»-ի ասպետի կոչման
• 2001 – Հայաստանի «Մխիթար Գոշ» մետալ՝ դիւանագիտութեան բնագաւառին մէջ մատուցած նշանակալի ծառայութիւններուն համար
• 2003 – Սուրբ Աթոռի (Վատիկան) Սուրբ Գրիգոր Մեծի Մեկուսի Խաչի շքանշան
• 2011 – Ֆրանսայի «Պատուոյ լեկէոն»-ի Մեծ սպայի (Grand Officier) աստիճան
• 2012 – «Հայրենիքին մատուցած ծառայութիւններուն համար» 2-րդ աստիճանի մետալ
• 2014 – Մոսկուայի Միջազգային Յարաբերութիւններու Պետական Հիմնարկի (MGIMO) պատուաւոր դոկտորի կոչում՝ միջազգային անվտանգութեան ամրապնդման եւ Ռուսաստան-Հայաստան յարաբերութիւններուն մէջ ունեցած իր շարունակական աւանդին համար
• 2015 – Փարիզ քաղաքի Մեծ մետալ (La Grande Médaille de la Ville de Paris)
• 2015 – «Հայրենիքին մատուցած ծառայութիւններուն համար» 1-ին աստիճանի մետալ, Հայաստան
• 2016 – Սպանիոյ Մարդկային իրաւունցքներու լիկայի ոսկէ մետալ
• 2016 – Ռուսաստանի Դաշնութեան «Բարեկամութեան շքանշան»
• 2016 – Մալթայի Ինքնիշխան Մարտական Ուխտի (Sovereign Military Order of Malta) «Pro Merito Melitensi» շքանշան
• 2016 – Երեւանի Պետական Համալսարանի պատուաւոր փրոֆեսոր
• 2017 – Ռուսական «Բարեկամութեան շքանշան»՝ շնորհուած Արտաքին գործոց նախարար Սերկէյ Լաւրովի կողմէ, Ռուսաստանի հետ բարեկամութեան եւ համագործակցութեան ամրապնդման գործին մէջ ունեցած մեծ աւանդին համար