Էսաեան Վարժարան

Jump to navigation Jump to search

Էսաեան Վարժարան, Պոլսոյ մէջ հայկական նախակրթարան եւ երկրորդական վարժարան։

Պատմականը[Խմբագրել | Խմբագրել աղբիւրը]

Երբ Ս. Երրորդութիւն եկեղեցւոյ կից Նարեկեան վարժարանը անբաւարար մնաց հանրային կրթական պահանջին դիմաց, Յովհաննէս եւ Մկրտիչ Էսաեան եղբայրներ՝ 1895ին Ս. Յարութիւն Եկեղեցւոյ մօտ հողամաս մը գնելով, թէ՛ իրենց անունով հիմնեցին վարժարանը եւ թէ՛ նորոգեցին Ս. Յարութիւն եկեղեցին։ 1908ին, վարժարանին աղջկան լիսէի արտօնութիւն տրուած է։ 1912ին բարեսէր ազգայինի մը նուիրատուութեամբ ընդարձակուող շէնքը 1913ին երկսեռ դասաւանդութեան սկսած է, սակայն Ա. Աշխարհամարտին, շէնքը բոյժքոյրերու եւ զինուորներու կը յատկացուի։ 1921ին Թուրքիոյ մէջ առաջին տարրալուծարանը այստեղ հիմնուած է։ 1918-1922 տարիներուն դպրոցին մէկ մասը իբրեւ որբանոց կը գործածուի ու 1923ին կը վերսկսի դասաւանդութեան։

Վարժարանը ներկայիս մանկապարտէզի, նախակրթութեան, միջնակարգի եւ քառամեայ լիսէի բաժիններով ուսում կը ջամբէ երկսեռ աշակերտներու։

Աղբիւրներ[Խմբագրել | Խմբագրել աղբիւրը]

http://www.turkiyeermenileripatrikligi.org/site/hy

http://www.esayan.k12.tr/tarihce.htm