Էմմա Ալեքսանդրեան

Էմմա Ալեքսանդրեան
Ծնած է	24 Օգոստոս 1927(1927-08-24) (98 տարեկան)
Ծննդավայր	Երեւան, Անդրկովկասի ԽՖՍՀ, Խորհրդային Միութիւն
Ուսումնավայր	Վալերի Բրիւսովի անուան պետական լեզուահասարակագիտական համալսարան
Մասնագիտութիւն	հոգեբան
Ծնողներ	հայր՝ Արտաշես Ալեքսանդրյան?

Էմմա Արտաշէսի Ալեքսանդրեան (24 Օգոստոս 1927(1927-08-24), Երեւան, Անդրկովկասի ԽՖՍՀ, Խորհրդային Միութիւն), հայ հոգեբան։ Հոգեբանական գիտութիւններու դոկտոր (1971), փրոֆեսոր (1972)։ Բժիշկ Արտաշէս Ալեքսանդրեանի դուստրն է։

Կենսագրութիւն

Էմմա Ալեքսանդրեան ծնած է 24 օգոստոս 1927-ին, Երեւանի մէջ։

1951 թուականին աւարտած է Երեւանի ռուսաց եւ օտար լեզուներու մանկավարժական համալսարանը։ 1956–1993 թուականներուն եղած է Հայաստանի պետական մանկավարժական համալսարանի նախադպրոցական մանկավարժութեան ամբիոնի վարիչ։

1970 թուականին Մոսկուայի մէջ պաշտպանած է դոկտորական ատենախօսութիւնը՝ դառնալով Հայաստանի առաջին կին գիտութիւններու դոկտորը։

1988 թուականի երկրաշարժէն անմիջապէս ետք, Էմմա Ալեքսանդրեանի նախաձեռնութեամբ հիմնուած է Հայաստանի առաջին մանկական հոգեբանական վերականգնողական կեդրոնը, որ գործած է մինչեւ 1993 թուական։

1994 թուականէն հրաւիրուած է Չիքակօ (ԱՄՆ), ուր եղած է Նորթ-Իսթըրն համալսարանի վերականգնողական հոգեբանութեան սեմինարներու ղեկավար։ 1995–2000 թուականներուն ղեկավարած է Ռէյվենսվուտ հիւանդանոցի տարեցներու հոգեբանական վերականգնողական ծրագիրը, իսկ 2000 թուականէն՝ Հեմփթըն Փլազա հիւանդանոցի «Հոգեբանական խնամք» ծրագիրի տնօրէնը։

Ներառուած է «20-րդ դարու արհեստավարժ եւ գործարար կիներ» (2003, Քեմբրիճ) եւ «20-րդ դարու նշանաւոր գիտնականները» տեղեկատուներուն մէջ։

Անդամ է շարք մը միջազգային հոգեբանական ընկերակցութիւններու։

Երկեր

• Նախադպրոցական մանկավարժութիւն (դասագիրք), 2003։
• Մեր երեխան, անոր զարգացումն ու դաստիարակութիւնը, Երեւան, 1990։
• Социально-психическая адаптация личности: Формы, механизмы и стратегия, հեղինակ՝ Ա. Ա. Նալչաճեան, պատասխանատու խմբագիր՝ Է. Ա. Ալեքսանդրեան, ՀԽՍՀ ԳԱ Փիլիսոփայութեան եւ իրաւունքի ինստիտուտ, Երեւան, 1988։
• Նախադպրոցական մանկավարժութիւն (ուսումնական ձեռնարկ), Խաչատուր Աբովեանի անուան Հայկական պետական մանկավարժական ինստիտուտ, Երեւան, 1984։
• Հոգեբանական բառարան, Երեւան, «Լոյս», 1984 (համահեղինակ)։
• Մանկան միջազգային տարուան նուիրուած հանրապետական գիտական համաժողովի թեզեր, հոկտեմբեր 1979, Երեւան, 1979։
• Сенсорное развитие на ранних этапах онтогенеза и роль двигательного анализатора в этом процессе, Երեւան, 1972։