Էլիմիա

Էլիմիա
Էլիմիա
Ελίμεια
Մակեդոնական թագաւորութեան զարգացման ընթացքը
Երկիր	Յունաստան
Երկրամաս	ՄակեդոնիաՄակեդոնիա
Հին Յունաստանի շրջան	Վերի Մակեդոնիա
Խօսուող լեզուներ	հասարակ յունարէն Ատիկէի բարբառ

Էլի՛միա կամ Էլիմիոթիս եւ կամ Էլիմի՛ա (յուն․՝ Ελίμεια կամ Ελιμιώτις եւ կամ Ελιμία)․ Վերին Մակեդոնիոյ հին շրջան։ Անունը առած է իր բնակիչներէն՝ Էլիմիոթես եւ կամ Էանես։ Շրջանը կը տարածուէր Ալիաքմոնասի միջին հովիտին շուրջ (աշխարհագրականօրէն՝ այսօրուան Ղրեվենոն եւ Վօիու շրջանները)։ Սահմանակից էր հիւսիսէն եւ հիւսիս-արեւմուտքէն Էորդէային եւ Օրեսթիդային հետ, արեւմուտքէն Բարավէային հետ, հարաւէն եւ հարաւ-արեւմուտքէն Թեսալիային (Բերէվիայի եւ Թիմֆէայի շրջաններ) հետ, իսկ արեւելքէն Բիէրիային հետ։

Պատմական տեղեկութիւններ

Էլիմիա եղած էր ինքնիշխան թագաւորութիւն մինչեւ իր միացումը Մակեդոնական թագաւորութեան հետ, Ալեքսանդրոս Ա․ ժամանակ։ Աւելի ետք, Մակեդոնիոյ Փիլիպոս Բ․ թագաւորը, վերջնականապէս զայն կը կպցնէ Մակեդոնական թագաւորութեան։

Մեծն Աղեքսանտրի պարսիկներուն դէմ Ասիա արշաւանքին, Մակեդոնական փաղանգներուն կից, կար նաեւ Էլիմիոթոններուն Կարգը, 1 500 զինեալներով։

Արեւմտեան Մակեդոնիոյ մէջ յայտնաբերուած արձանագրութիւններէն, մօտաւորապէս 500 մարդանուններ (յունական, հռոմէական, եւ այլն) գրուած են հին Էլիմիոթիդա լեզուով։ Այդ կը վկայեն նաեւ նոյն շրջանին մէջ (ամբողջ արեւմտեան Մակեդոնիա) հնաբանական յայտնաբերումներ, արձանագրութիւններ եւ պաշտամունքի վայրեր։ Էլիմիա հռոմէական կայրութեան ընթացքին եղած է մետաղի գործունէութեան կարեւորագոյն կեդրոնը, ըստ յայտնաբերուած բազմաթիւ մետաղագործութեան հետքերէն եւ իրերէն։

Մակեդոնական թագաւորութեան քարտէս

Մայրաքաղաքը եղած է Էանի։ Ուրիշ կարեւոր քաղաքներ եղած են․

Էլիմա (Ελύμα) ըստ Արիանոսին, Թուքիդիդիսին եւ Ստրապոնին։

Ֆիլաքես,

Էրաթիրա,

Օվլոսթենոն, եւ այլն։

Մայրաքաղաքը

Էլիմիային մայրաքաղաքը եղած է Էանի (կամ Էանա)։ ժամանակակից Էանի քաղաքէն 1,5 քլ հեռու։ Հնաբանական պեղումները յայտնաբերած են շքեղ առանձնատուներ, արձաններ, թագաւորական դամբաններ եւ համայնքային շէնքեր։

Երեւելի անձեր

Անտիղոնոս Միականի Ք․Ա․382 - Ք․Ա․301, ազնուական եւ Մեծն Աղեքսանտրի զօրավար․

Արբալոս, Մախաթային որդին․

Քալաս, Փռիւկիոյ՝ սպայ եւ Մեծն Աղեքսանտրի սատրապ․

Քինոս, Մեծն Աղեքսանտրի սպայ․

Քլէանդրոս, Մեծն Աղեքսանտրի սպայ․

Բոլեմոքրաթիս, ազնուական եւ Քինոսին հայրը։

Տե՛ս նաեւ

• • Վոթիէա
  • Հին Բելա
  • Էորդէա
  • Լիկիսթիդա
  • Անօ Քլինես
  • Թրոբէուհոս
  • Մելիթի
  • Ալորոս
  • Բելա
  • Միեզա
  • Աթալանտի( Վոթիէա)
  • Քիրոս (Մակեդոնիա)
  • Իխնէ
  • Իխնէ (Միջագետք)
  • Եւրոբոս
  • Եւրոբոսի գուրոս
  • Սքիդրա
  • Էդեսա
  • Էդեսա (Միջագետք)
  • Վերղինա
  • Հին Էղես