Զուիցերիոյ Ազգային Օր
| Զուիցերիոյ Ազգային Օր | |
|---|---|
 | |
| Ենթադաս | ազգային տօն |
| Ամսաթիւ | 1 Օգոստոս |
| Կը տօնուի |
Զուիցերիա |
| Հաստատուած | 1994 |
| Ի յիշատակ | Federal Charter of 1291? |
Զուիցերիոյ ազգային օր (գերմ.՝ Schweizer Bundesfeiertag, ֆր.՝ Fête nationale suisse, իտալ.՝ Festa nazionale svizzera, ռետոռոմաներէն՝ Fiasta naziunala svizra), ազգային տօն Զուիցերիոյ մէջ։ Կը նշուի 1 Օգոստոսին: Զուիցերիոյ Համադաշնութեան հիմնադրումը առաջին անգամ նշուած է 1 Օգոստոս1891-ին, 1899-էն՝ ամէն տարի, իսկ իբրեւ պաշտօնական տօն կը նշուի 1994-էն[1]: Որոշ քաղաքներու մէջ պաշտօնական արարողութիւնը տեղի կ'ունենայ տօնի նախօրէին` 31 Յուլիսին:
Պատմութիւն
[Խմբագրել | Խմբագրել աղբիւրը]Զուիցերական ազգային առասպելին համաձայն՝ 1291-ին Ֆիրուալդշտետ լիճի ափին գտնուող Ռիվտլի բացատին մէջ կը հաւաքուին երեք գաւառներու` Շուիցի, Ուրի եւ Ունտէրվալտէնի ներկայացուցիչները եւ դաշինք կը կնքեն արտաքին յարձակումներէ պաշտպանուելու համար: Այս իրադարձութիւնը հիմք կը հանդիսանայ Զուիցերիոյ Համադաշնութեան կազմաւորման համար: Պաշտօնապէս տօնը սահմանուած է 1891-ին, Զուիեցրիոյ կազմաւորման վեցհարիւրամեակի տարին: Երկար ժամանակ 1 Օգոստոսը գաւառներու մեծ մասին մէջ կը համարուի աշխատանքային օր: 26 Սեպտեմբեր1993-ին կայացած հանրաքուէին ժողովրդական նախաձեռնութեան հաւանութիւն տալէն ետք, 1994-էն պաշտօնապէս կը յայտարարուի ոչ աշխատանքային օր ամբողջ Զուիցերիոյ տարածքին[2]:
Տօնի աւանդոյթներ
[Խմբագրել | Խմբագրել աղբիւրը]Տօնի օրը շատ մարդիկ իրենց տուները կը զարդարեն դաշնային եւ թաղապետական դրօշներով: Գաւառներու մեծ մասին մէջ հասարակական շինութիւններու, փողոցներու եւ հրապարակներու զարդարման աւանդոյթը օրինական պահանջ է: Ամէն տարի երկրի նախագահը հանդիսաւոր ելոյթ կ'ունենայ Ռիվթլի բացատին մէջ[2]: Մութը իյնալուն՝ փողոց դուրս կու գան բազմաթիւ երեխաներ լապտերներով եւ հրավառութեան միջոցներով: Իսկ բլուրներու եւ լեռներու գագաթներուն կարելի է տեսնել քանի մը մեթր բարձրութեամբ կոնաձեւ խարոյկներ: Այս աւանդոյթը սկիզբ կ'առնէ միջնադարէն, երբ երկրի տարածքային սահմաններուն երկայնքով բլուրներու կատարներուն կը կազմաւորուէր նմանատիպ համակարգ եւ խարոյկները կը վառուէին թշնամիներու մօտենալու ժամանակ[3]:
Ծանօթագրութիւններ
[Խմբագրել | Խմբագրել աղբիւրը]- ↑ «1891: Der 1. August wird zum Bundesfeiertag erklärt» [1891: August 1 is declared a federal holiday] (German)։ Swiss Pro Patria Foundation։ արտագրուած է՝ July 31, 2017
- ↑ 2,0 2,1 Национальный праздник. Archived 2012-06-14 at the Wayback Machine. Статья с сайта swissworld.org
- ↑ 1 августа — Национальный праздник Швейцарии.[permanent dead link] Статья с сайта povod.tut.by