Զարեհ Արք. Ազնաւուրեան

Jump to navigation Jump to search
Զարեհ Արք. Ազնաւուրեան
Ծնած է 1947
Մասնագիտութիւն Պսակաւոր Աստուածաբանութեան տիտղոս
Աշխատավայր դասատու՝ Վարդապետական Աստուածաբանութիւն,հայերէն,Աստուածաշունչի մեկնաբանութիւն եւ Նոր կտակարանի ներածութիւն:

Գերաշնորհ Տ.Զարեհ Ս.Արքեպիսկոպոս Ազնաւուրեան, Մեծի Տանն Կիլիկիոյ Ս.Ուխտի միաբան եւ Եպիսկոպոս Կիպրոսի Հայոց: (Ծնեալ՝ Լիբանան 1947 - վախճանեալ՝ 30 ապրիլ 2004)

Կենսագրութիւն[Խմբագրել | Խմբագրել աղբիւրը]

Մկրտուած՝ Մինաս անունով: Նախակրթական Ուսումը ստացած է Ս.Յակոբ Եկեղեցւոյ Եփրեմեան վարժարանին մէջ։ 1960ին Կը մտնէ Մեծի Տանն Կիլիկիոյ դպրեվանքը: Սարկաւագ կը ձեռնադրուի 23 Յունիս 1963ին ձեռամբ Խորէն Ա.կաթողիկոսին: 19 Յունիս 1966ին Կուսակրօն քահանայ կ'օծուի ձեռամբ Գարեգին Բ. կաթողիկոսին զայն անուանելով Զարեհ աբեղայ ի յիշատակ Երանաշնորհ Զարեհ կաթողիկոսին Ս. Գրիգոր Լուսաւորիչ Մայր տաճարին մէջ։ Նոյն տարուայ ամառը իրեն կը յանձնուին տաճարի դպրապետի ու դպրեվանքի հսկիչի պաշտօնները: Նաեւ կը դասաւանդէ դպրեվանքի եւ կաթողիկոսարանի Մարտիկեան ու Լեւոն եւ Սոֆիա Յակոբեան վարժարաններուն մէջ:

Կը Վարէ «Գլաձոր»ի եւ «Հասկ» պաշտօնաթերթի խմբագրապետի պաշտօնները,ինչպէս նաեւ խմբավարութիւնը «Շնորհալի» կաթողիկոսական երգչախումբին:

Աստուածապաշտութեան բոլոր ժամերուն անխախտ ներկայ եղած է, առանց յապաղելու:

16 Մարտ 1969ին Զարեհ Արք. Ազնաւուրեան վարդապետական աստիճան կը ստանայ իր «Ս. Ներսէս Լամբրոնացի, կեանքը եւ եկեղեցական բարեկարգութիւնը» աւարտաճառը ներկայացնելէ ետք: Բարձրագոյն ուսում կը ստանայ Հռոմի մէջ հմտանալով Հայրաբանական, Աստուածաբանական եւ Եկեղեցւոյ պատմութեան նիւթերուն մէջ, ուրկէ կ'աւարտէ յաջողութեամբ եւ կը ստանայ Պսակաւոր Աստուածաբանութեան տիտղոսը:

Կը վերադառնայ վանք, ստանձնելով դպրեվանքի հսկողութեան պաշտօնը եւ կը դասաւանդէ Վարդապետական Աստուածաբանութիւն, հայերէն, Աստուածաշունչի մեկնաբանութիւն եւ Նոր կտակարանի ներածութիւն: Համազգայինի Հայագիտական հիմնարկին մէջ կը դասախօսէ հայ մատենագրութիւն:Կը մասնակցի միջ-եկեղեցական ժողովներու:

1977ին երանաշնորհ Գարեգին Բ.ի կողմէ Կիպրոսի կաթողիկոսական փոխանորդ կը կոչուի:Ապա Առաջնորդ Կիպրոսի:

18 Մայիս 1980ին կ'օծուի Եպիսկոպոս ձեռամբ Գարեգին Բ. կաթողիկոսի:

Կիպրոսի մէջ վերանորոգիչ`Շինող աշխատող վերակացու կ'ըլլայ թեմին ինչպէս կը վկայեն Ս.Աստուածածնայ եկեղեցին ու Առաջնորդանիստը Նիկոսիոյ մէջ։ «ԿԻպրահայ տեղեկատու» ամսաթերթի հրատարակութեան կը նախաձեռնէ: 6 տարիներ հովուելէ ետք իրեն վստահուած Կիպրոսի հօտը կը վերադարնայ եւ դափ կ'առնէ այս անգամ վանական կեանքին մէջ աշխատիլ:

Գործունէութիւն՝ թարգմանութիւններ, Նօթագրութիւններ, Շարականներ[Խմբագրել | Խմբագրել աղբիւրը]

Զարեհ Արք. Ազնաւուրեան թարգմանեց գրաբարէն եւ բուն լեզուներէն իր ձեռքով եւ Ս. Գրոց հաստատութեան հետ միասնաբար արդի աշխարհաբար նոր Կտակարան բայց հին կտակարանը դժբախտաբար չկրցաւ աւարտել եւ մնաց անշարունակ:

  • Նոր կտակարանի թարգմանութեան կողքին թարգմանեց փոքր Մաշտոց (ծիսարանը) նաեւ ձեռնադրութեանց, Ս. Միւռոնի օրհնութեան կանոները:
  • Շարականի պահպանութեան հոգածու էր անոնց եւրոպական նօթագրութիւնը ուղղութեամբ պատրաստեց
  • (Աւագ օրհնութիւն,Աւագ շաբթուայ շարականները, Մաշտոցի շարականները, ժամերգութեանց երգերը, սաղմոսներու եղանակները, Ս.Պսակի շարականները դաշնաւորումով միասին, նաեւ շատ մը շարականներու տաղերու, մեղեդիներու դաշնաւորումը). նաեւ
  • Յօրինեց ապրիլեան եղեռնի նահատակներուն կանոն շարականներու[1]:
  • Ասոնցմէ զատ իրեն հրատարակած գիրքերը որոնք Աստուածաբանական, Եկեղեցական, Ազգային, Հայագիտական մասնագէտ եւ ողջմիտ բացատրութիւններով լեցուն են ներկայ դարուն զուգահեռ:

Զարեհ Արք. Ազնաւուրեան իր քարոզներով լուսաւորած է հաւատացեալները եւ իր Քրիստոնէական առաքինի վարքով եղած է հիւրասէր,համեստ եւ բոլորին ընդունող առանց զանազանութեան,հաւատարիմ իր Ս. Ուխտին, նուիրելով իր անձը Քրիստոսի եւ Ս. Եկեղեցւոյ:

Երանելին Քրիստոնէական դաստիարակութեան բաժանմունքի վարիչ եղած է Կաթողիկոսարանէն ներս:

Զարեհ Արք. Ազնաւուրեան ներկայ եղած է սպիտակի երկրաշարժին վշտակից ժողովուրդին մօտ այդ դժուար օրերուն կաթողիկոսին հետ մխիթարելու համար: Մանուկներուն ալ հոգատար եղած է ըլլայ մանկավարժութեամբ ըլլայ «Թռչնոց Բոյն»ի տնօրէնութեամբ 1996ին: Նաեւ Գայիանեան միաբանութեան ուխտին հոգեւոր տեսուչ եղած է օգտակար ըլլալով անոնց հոգեւոր կեանքի վերելքին:

Երանելին 30 ապրիլ 2004ին վաղամեռ մեկնեցաւ առ Տէր մեզի օրինակ ձգելով իր կեանքը աշխատանքը:Թաղման կարգը տեղի ունեցաւ Մայիս 3ին որուն օծումը կատարեց Ն.Ս.Օ.Տ.Տ. Արամ Ա. կաթողիկոս:

Զարեհ Արք. Ազնաւուրեան Սրբազանին շիրիմը կը գտնուի Մեծի Տանն Կիլիկոյ կաթողիկոսութեան ուխտի դամբարանին մէջ: Իր բարեխօսութեամբ հրաշքներ տեղի ունեցած են եւ կ'ունենան:

Ծանօթագրութիւններ[Խմբագրել | Խմբագրել աղբիւրը]

Աղբիւրներ[Խմբագրել | Խմբագրել աղբիւրը]

Կատարուեցաւ՝ Ս. Գրիգոր Նարեկացու «Մատեան ողբերգութեան» արեւելահայերէնով տպագրուած եւ երանաշնորհ Զարեհ Ազնաւուրեանի հեղինակած «Սերտողութիւն Մատթէոսի Աւետարան»-ի գիրքերու շնորհահանդէսը

ԱՇԽԱՐՀԱԲԱՐԻ ՎԵՐԱԾԵՑ ԶԱՐԵՀ ԵՊՍ. ԱԶՆԱՒՈՒՐԵԱՆ

Կիպրոս. Հոգեհանգստեան պաշտօն Տ. Զարեհ արք. Ազնաւուրեանի հոգիին համար

Հոգեւոր Երաժշտութեան Գ. Փառատօնը

Կանոն Շարականի Ապրիլեան Նահատակաց Հրաշացան պակուցմամբ. Շարական Ապրիլեան Նահատակների