Զարա Տօնիկեան
| Զարա Տօնիկեան |
|---|
Զարա Հայկի Տօնիկեան (5 Յունուար 1953, Երեւան, Խորհրդային Միութիւն - 10 Սեպտեմբեր 2024[1], Պելճիքա), էսթրատային-ճազ երգչուհի։
Կենսագրութիւն
[Խմբագրել | Խմբագրել աղբիւրը]Զարա Տօնիկեան ծնած է Երեւան։ Իր երաժշտական գործունէութիւնը սկսած է 1970-ական թուականներուն։ 1974-ին Չեխիոյ մէջ առաջին անգամ ներկայացուցած է Հայաստանը էսթրատային երգի երիտասարդ կատարողներու միջազգային մրցոյթին եւ յաղթանակ արձանագրած։
Աշխատած է Կոնստանտին Օրբելեանի ղեկավարած ճազ նուագախումբին մէջ։ Մասնակցած է Կոլուպօ Օքոնէոք հեռուստածրագիրին, եւ ռուս երգչուհի Ալլա Պուգաչովայի հետ ներկայացուցած է խորհրդային էսթրատը Կեդրոնական հեռուստատեսութեան համար նկարահանուած սովետա-շուէտական ծրագրի մը մէջ՝ Առնօ Պապաճանեանի, Ռոպերթ Ամիրխանեանի, Արամ Սաթեանի եւ այլ յօրինողներու երգերով։
1992-էն սկսեալ բնակած եւ ստեղծագործած է Պելճիքայի մէջ։ Պելճիքա տեղափոխուելէն ետք իր առաջին մենահամերգը տուած է 1994-ին, Քորթրայք քաղաքի ճազ ակումբին մէջ։ Համերգներով ելոյթ ունեցած է աշխարհի բազմաթիւ նշանաւոր բեմերու վրայ եւ մասնակցած՝ բազմաթիւ փառատօներու[2]։
Ծանօթագրութիւններ
[Խմբագրել | Խմբագրել աղբիւրը]- ↑ Մահացել է Զառա Տոնիկյանը
- ↑ «Զառա Տոնիկյանի մասին zarkfoundation.com կայքում»։ արխիւացուած է բնօրինակէն-էն՝ 2024-06-20-ին։ արտագրուած է՝ 2024-06-20