Երուանդ Կոպէլեան

Jump to navigation Jump to search
Երուանդ Կոպէլեան
Ծնած է 10 Նոյեմբեր 1923(1923-11-10)
Ծննդավայր Կոստանդնուպոլիս, Իսթանպուլ, Թուրքիա
Մահացած է 16 Դեկտեմբեր 2010(2010-12-16) (87 տարեկանին)
Մահուան վայր Իսթանպուլ, Թուրքիա
Քաղաքացիութիւն Flag of Turkey.svg Թուրքիա
Ազգութիւն հայ
Մասնագիտութիւն բանաստեղծ, գրագէտ, լրագրող, Խմբագիր

Երուանդ Կոպէլեան (10 Նոյեմբեր 1923(1923-11-10), Կոստանդնուպոլիս, Իսթանպուլ16 Դեկտեմբեր 2010(2010-12-16), Իսթանպուլ), բանաստեղծ եւ գրող։

Կենսագրութիւն[Խմբագրել | Խմբագրել աղբիւրը]

Ծնած է Իսթանպուլ։ Նախակրթութիւնը ստացած է Ռումէլիհիսարի Թադէոսեան վարժարանին եւ ապա էսաեան վարժարանին մէջ։ Հասած է ինքնազարգացումով։

Գրական աշխարհ մուտք գործած է պատմուածքով մը՝ «Սիկարէթները», լոյս ընծայուած Մարմարա օրաթերթին մէջ, 1947-ին։ Արձակ գրութիւններով եւ քերթուածներով աշխատակցած է օրաթերթերու, գրական պարբերաթերթերու եւ տարեգիրքերու։ Նորավէպերու կողքին գրած է բանաստեղծութիւններ եւ հրապարակագրական էջեր։ Իբրեւ արհեստավարժ լրագրող, մօտ կէս դար ծառայած է իսթանպուլահայ մամուլին։ Պատասխանատու պաշտօններ վարած է օրաթերթերու խմբագրութիւններու եւ տպարաններու մէջ։ Վարիչ խմբագիրը եղած է «Լոյս» եւ «Դէպի Լոյս» շաբաթաթերթերուն եւ «Պայքար» գրական-գեղարուեստական շաբաթաթերթին։ Խմբագրական աշխատանք տարած է «ժամանակ», «Մարմարա» եւ Պէյրութի «Այգ» օրաթերթերուն եւ «Սփիւռք» շաբաթաթերթին։ Միջոց մը հիմնած է Կոպէլ հրատարակչատունը, եւ 1970-ին լոյս ընծայած՝ «Փորձանք» գրական-հասարակական-երգիծական շաբաթաթերթը։ Աշխատակցած է «Երջանիկին Տարեգիրքը»ին եւ Փարիզի «Լուսաղբիւր»ին, «Այսօր»ին, «Ճառագայթ»ին, «Ժպիտ» մանկապատանեկան ամսաթերթին։ Վերջինս կ՝աշխատակցի «Ակօս» շաբաթաթերթին։ 1998-ին Գարեգին Ա. Վեհափառին կողմէ պարգեւատրուած է «Ս. Մեսրոպ» շքանշանով։

Օգտագործած է Անարժան Դպիր, Ե. Նորենց, Գայլ Վահան, Գաւիթ, Տիրացու գրչանունները։

Հրատարակուած գործեր[Խմբագրել | Խմբագրել աղբիւրը]

Բանաստեղծութիւն[Խմբագրել | Խմբագրել աղբիւրը]

  • Երանի Թէ...- Իսթանպուլ, 1948։

Արձակ էջեր[Խմբագրել | Խմբագրել աղբիւրը]

  • (Տ. Հեքիմեանի աշխատակցութեամբ) Հայ Տիկնոջ Խոհանոցը - Պէյրութ, 1958։
  • Խճանկարներ (պատմուածքներ) - Իսթանպուլ, 1968 (արտաքին կողքին վրայ 1969 տպագրուած)։
  • Աշխարհի Իններորդ Հրաշալիքը (պատմուածքներ) - Իսթանպուլ, 1972 (արտաքին կողքին վրայ 1974 տպագրուած)։
  • Երազ Չունեցող Մարդիկ (պատմուածքներ), Իսթանպուլ, 1984։
  • Մենք Անունը «Հայ Ծաղիկ» Դրինք (պատմուածքներ) - Իսթանպուլ, 1991։
  • Հողով Մկրտուածներ (պատմուածքներ) - Իսթանպուլ, 1992։
  • Եօթն Օրը Հեղ Մը (քրոնիկներ) - Իսթանպուլ, 1992 (հրատարակուած «Անարժան Դպիր» գրչանունով)։
  • Կեանքի Լուսանցքէն (պատմուածքներ) - Իսթանպուլ, 1998։ Բ.տպագրութիւն, 2003։ Խմբագրական աշխատանք
  • (Սարգիս Սերովբեանի աշխատակցութեամբ) Արա Կիւլէրի Ոսպնեակէն Հայ Գրողներ - Իսթանպուլ, 1990։

Թարգմանական աշխատանք[Խմբագրել | Խմբագրել աղբիւրը]

  • Պորիս Փաստերնաք, Տոքթոր ժիվակօ - Մարմարայի թերթօն, 1966-67։
  • Ռոպըրթ Լուիս Սթիվընսըն, Գանձերու Կղզին - Իսթանպուլ, 1969։
  • Հ. Ճ. Ուելս, Առաջին Մարդիկը Լուսնի վրայ - Իսթանպուլ, 1969։
  • Կոմսուհի Տը Սեկիւր, Իշու Մը Յիշատակները - Իսթանպուլ, 1969։
  • ճէյմս Օթիս, Թոպի Թայլըր, Կրկէսին Մէջ Տասը Շաբաթ - Իսթանպուլ, 1969։
  • Լ. Ռ. Ուիս, Ձուիցերիացի Ռոպէնսոնը - Իսթանպուլ, 1969։
  • Չարլզ Տիքընս, Տէյվիտ Քոփըրֆիլտ (Մանկութիւնը) ֊ Իսթանպուլ, 1970։
  • Լիուիս, Քէրըլ, Ալիս Հրաշալիքներու Աշխարհին Մէջ - Իսթանպուլ, 1970։
  • Ֆ. Հ. Պարնէթ, Խորհրդաւոր Պարտէզը - Իսթանպուլ, 1972։
  • Օ. Հէնրի, Պոլիվարը Երկու Հեծեալ Չի Կրեր - Իսթանպուլ, 1972։
  • Հաճսըն Պարնըթ, Փոքրիկ Իշխանուհին Իսթանպուլ, 1973։
  • Ճ. Ճիլպըրթ Քերի, Տասներկու Քոյր-Եղբայրներ - Իսթանպուլ,1974։
  • Ճ. Սուիֆթ, Կիւլիվըրի Ճամբորդութիւնները - Իսթանպուլ, 1974:

Օտար լեզուներով[Խմբագրել | Խմբագրել աղբիւրը]

  • (թրքերէն թարգմանութիւն՝ Յակոբ Կոպէլեան) Իսթանպուլ, 1998[1]։ Բ. տպագրութիւն, 2000.

Ծանօթագրութիւններ[Խմբագրել | Խմբագրել աղբիւրը]

  1. «Yervant Gobelyan»։ Aras Yayıncılık (թուրքերեն)։ արտագրուած է՝ 2019-10-11