Երեւանի Ճախրուղի (Երեւան Զիփլայն Էյրլայնս)

Երեւանի ճախրուղի (Երեւան Զիփլայն Էյրլայնս)

Երեւանի ճախրուղի (Երեւան Զիփլայն Էյրլայնս) (անգլերէն՝ Yerevan ZipLine Airlines), ճախրուղի Երեւանի մէջ, կառուցուած է 2017 թուականին, գործածութեան դրուած է՝ 4 Յունուար 2018-ին։

Նկարագրութիւն

Ճախրուղին կառուցուած է Քաղաքապետարան-մասնաւոր հատուած համագործակցութեամբ, «ԱլտերԷքօ» ընկերութեան կողմէ՝ Երեւանի «Արաբկիր» զբօսայգիին մէջ։ Ճախրուղին ամենաերկարն է տարածաշրջանին մէջ։ Ունի 2 թռիչքուղի՝ Արաբկիր վարչական շրջանէն Աջափնեակ վարչական շրջան եւ Աջափնեակ վարչական շրջանէն Արաբկիրի վարչական շրջան։ Առաջին ուղիին երկարութիւնը շուրջ 870 մեթր Է, բարձրութիւնը՝ սկիզբի մասը 123 մեթր է, կամուրջի տակէն անցնելով՝ 87-90 մեթր։ Երկրորդ թռիչքուղին աւելի կարճ է՝ երկարութիւնը 650 մեթր Է, բարձրութիւնը՝ 60 մ.։ Այս ճախրուղիով մարդը կրնայ զարգացնել մինչեւ 120-140 քմ./ժ. արագութիւն։ Երեւան Զիփլայն Էյրլայնսի թռիչքուղին միակն է աշխարհի մէջ, որ կ'անցնի կամուրջի տակէն ։

Երեւանի ճախրուղիով թռիչքը տեղի կ'ունենայ Հրազդանի կիրճին վրայով,որուն ժամանակ կը բացուին քաղաքի անմոռանալի տեսարաններ:

Անձնակազմ

• Ժիրայր Մուշեղեան - հիմնադիր, գործադիր տնօրէն
• Միշա Եուրտաեւ - համահիմնադիր

Պատկերասրահ

• 
  Երեւան Զիփլայն Էյրլայնսի ճոպանը
• 
  Ճոպանը պահող մեքանիզմը
• 
  Երեւան Զիփլայն Էյրլայնսի առաջին ուղիի թռիչքին հարթակը
• 
  Երեւան Զիփլայն Էյրլայնսի երկրորդ ուղիի մեքանիզմը
• 
  Երեւան Զիփլայն Էյրլայնսի երկրորդ կայանէն բացուող տեսարանը

Արտաքին յղումներ

• Երեւան Զիփլայն Էյրլայնս / Yerevan ZipLine Airlines Archived 2018-07-26 at the Wayback Machine.
• Շուտով Շահագործումի կը յանձնուի «Արաբկիր» զբօսայգիի Զիփլայնը, որ ամենաերկարն է Տարածաշրջանին մէջ
• Երեւանի մէջ կը գործարկուի տարածաշրջանի ամենաերկար զիփլայնը