Երեմիա Օշականցի

Երեմիա Օշականցի
Ծննդավայր	Օշական
Մահացած է	23 Յունիս (4 Յուլիս) 1781
Մասնագիտութիւն	հոգեւորական, Նօտար և նկարազարդող

Երեմիա արքեպիսկոպոս Օշականցի (, Օշական - 23 Յունիս (4 Յուլիս) 1781), հայ հոգեւորական գործիչ, Էջմիածինի միաբան, գրիչ (գրագիր, նօտար), ծաղկող։

Կենսագրոական գիծեր

Երեմիա Օշականցին եղած է ժամանակի նշանաւոր գրագիր-նօտարներէն, որ նկատուած է նաեւ «ծաղկողական» արուեստին մէջ ու արժանացած՝ Ամենայն Հայոց կաթողիկոսներ Սիմէոն Ա․ Երեւանցիի (1763-1780) եւ Ղուկաս Ա․ Կարնեցիի (1781-1799) թուղթերը, հաւանաբար՝ կոնդակները, նամակները ու տարաբնոյթ գրագրութիւնները գրելու, նաեւ նկարազարդելու պատուին։

Անիկա այն եզակի նկարազարդող-ծաղկող հոգեւորականներէն է, որու՝ յիշեալ մասնագիտութեան տիրապետելը կը վկայէ նաեւ անոր տապանագիրը։

Մատենագրական վաստակը

Երեմիա Օշականցիի մասին մեզի հասած տեղեկութիւնները, հիմնականօրէն, իր իսկ ընդօրինակած եւ ծաղկած ձեռագիրներու յիշատակարաններէն են, որոնցմէ յայտնի է, որ ան ընդօրինակած ու ծաղկած է դեռեւս սարկաւագութեան տարիներուն։

Տապանագիր

Երեմիա Օշականցիի օրօրոցաձեւ տապանաքարը կը գտնուի Էջմիածինի միաբանական գերեզմանոցը, որ ունի 7 տողանի չափածոյ արձանագրութիւն։ Տապանագիրին մէջ Երեմիա Օշականցին յիշատակուած է իբրեւ «․․․գրագիր յոյժ վարժ եւ արի, նրբարուեստ ծաղկօղ թղթոցն վեհի․․․»․

ԸՆԴ ԱՅՍՈՒ ՎԻՄՈՎ ՄԱՐՄԻՆՆ ԱՄՓՈՓԻ, ԵՐԵՄԻԱՅԻ ԵՊԻՍԿՈՊՈՍԻ, ՈՐ ԲԸՆԻԿ ՏԵՂԵԱՒ ԷՐ ՅՕՇԱԿԱՆՑԻ, ՄԻԱԲԱՆ ԳԱՀԻՍ ԵՒ ԱՅՐ ՊԻՏԱՆԻ, ԶԻ ԷՐ ԳՐԱԳԻՐ ՅՈՅԺ ՎԱՐԺ ԵՒ ԱՐԻ, ՆՐԲԱՐՈՒԵՍՏ ԾԱՂԿՕՂ ԹՂԹՈՑԸՆ ՎԵՀԻ ԵՒ ՄԵԾԻ ՎԵՀԻՆ Տ Է Ր ՍԻՄԷՕՆԻ, ԷՐ ԾԱՌԱՅ ՆԱԵՒ ՕՐՀՆԱԾՆԻ ՈՐԴԻ, ՈՐՈՒՄ ԳԹԱՍՑԻ ՓՐԿԻՉՆ ԱՄԵՆԻ, ԱՌՆԵԼՈՎ ԱՐԺԱՆ ՏԵՍՈՅՆ ԻՒՐ ԲԱՐԻ ՏԱԼՈՎ ԺԱՌԱՆԳԵԼ ԸԶԿԵԱՆՍՆ ԱՆՁԿԱԼԻ ԵՒ ՊԱՐԱԿՑԵԼՈՎ ՍՐԲ[Ո]ՑՆ ԳԸՆԴԻ Ի ԹՎԻՆ ՌՄԼ. (1781), Ի ՅՈՒՆԻՍԻ ԻԳ. (23)1: -