Եագուպեան Շէնք (Քահիրէ)
Եագուպեան Շէնք (արաբ.՝ عمارة يعقوبيان, ֆր.՝ Édifice Yacoubian) բազմագործածական շէնք մըն է՝ Քահիրէի կեդրոնին մէջ, կառուցուած 1937-ին։ Կը գտնուի Թալաթ Հարպի փողոցի վրայ։[1] Արթ Տէքօ ոճի շէնքը կոչուած է իր լիբանանահայ սեփականատիրոջ եւ առեւտրականի՝ Յակոբ Եագուպեանի անունով։ Շէնքի ճարտարապետը Կարօ Պալեանը եղած է։
Շէնքը ծառայած է իբրեւ բնակարան Եգիպտոսի Թագաւորութեան շրջանի վերնախաւի համար՝ հիւրընկալելով բամպակի միլիոնատէրեր, թագաւորական ընտանիքի անդամներ եւ օտարերկրացիք։ 1952-ի յեղափոխութեան ընթացքին եւ յետոյ, շէնքը գործածուած է իբրեւ բնակարան՝ եգիպտացի զինուորական սպաներու եւ անոնց կանանց համար։ 1970-ականներուն շէնքը դարձած է բազմագործածական՝ ներառելով խանութներ եւ գրասենեակներ։[2]
Շէնքին գեղարուեստական-վիպական տարբերակը կը ծառայէ իբրեւ խորհրդանիշ Քահիրէի իսկական խարխուլութեան՝ Ալա Ալ Ասուանիի 2003-ի արաբերէն վէպին՝ «Եագուբեան Շէնք»-ին մէջ։[3] Վէպը վերածուած է նոյնանուն ֆիլմի մը՝ 2006-ին, Մարուան Համետի նախաձեռնութեամբ։[4] Աւելի մեծ շէնք մը, որ կը գտնուի Թալաթ Հարպի հրապարակի վրայ, օգտագործուած է արտաքին տեսարաններուն համար։[5]
Պէյրութի Եագուպեան Շէնքը եւս պատկանած է նոյն ընտանիքին։
Ծանօթագրութիւններ
[Խմբագրել | Խմբագրել աղբիւրը]- ↑ Richardson Dan (2007)։ The rough guide to Egypt (7 հրտրկթն․)։ London, England: Rough Guides։ էջ 7։ ISBN 978-1-84353-782-3
- ↑ Buchan James։ «A street in the sky»։ The Guardian։ The Guardian։ արտագրուած է՝ 10 December 2022
- ↑ Buchan James։ «A street in the sky»։ The Guardian։ The Guardian։ արտագրուած է՝ 10 December 2022
- ↑ «BBC - Movies - review - the Yacoubian Building»
- ↑ «The Real Yacoubian Building»։ Foul for a fool։ արխիւացուած է բնօրինակէն-էն՝ 10 December 2022-ին։ արտագրուած է՝ 10 December 2022