Դրաստամատ Կանայեանին (Դրոյին) գերեզմանը

Դրաստամատ Կանայեանին (Դրոյին) գերեզմանը, պատմամշակութային, զէնքի յուշարձան-գերեզման մը՝ գտնուող Հայաստանի Արագածոտնի մարզի Ապարան քաղաքին մէջ։

Այս գերեզմանին մէջ ամփոփուած է Հայաստանի զօրավար, ռազմական նախարար, ֆետայի, վրիժառու, հայ ազատագրական շարժման գործիչ եւ Հայաստանի Առաջին Հանրապետութեան հիմնադիրներէն՝ Դրաստամատ Կանայեանին՝ Դրոյին աճիւնները^[1]։

Յուշարձանը ընդգրկուած է Հայաստանի պատմութեան եւ մշակոյթի անշարժ յուշարձաններու՝ Ապարան քաղաքին ցանկին մէջ եւ ունի հանրապետական նշանակութեան յուշարձանի կարգավիճակ^[2]։

Աճիւններու փոխադրում

1955ի վերջերուն, բուժման նպատակով, ԴՐՕ կ'այցելէ Միացեալ Նահանգներ։ Բայց մահը վրայ կը հասնի եւ ան առյաւէտ կը փակէ աչքերը՝ 8 Մարտ 1956ին եւ կը թաղուի Պոսթընի մէջ։

Դրոյին կտակը եղած է իր յաւերժական հանգիստը գտնել հայրենի հողի ծոցին. այդ մէկը կ'իրականանայ 2000 թուականին, երբ անոր աճիւնները պաշտօնական յատուկ հանդիսաւորութեամբ կը տարուին անկախ Հայաստան եւ 28 Մայիսի օրերուն կ'ամփոփուին իր պաշտած Ապարանի (նախկին Բաշ-Ապարանի) մէջ^[3]։

Պատկերասրահ

Ծանօթագրութիւններ

[1] Դրոյին աճիւնները

[2] Դրոյին գերեզմանը

[3] Աճիւններու փոխադրում

[1]

[2]

[3]