Դդում

Մեծ դդումը շատ առողջարար բանջարեղէն է, հարուստ կենսանիւթերով` Սէ, Պէ, Էօ, Փէ Փէ եւ նոյնիսկ հազուագիւտ կենսանիւթերով`Թէ եւ Քա:

Բացի կենսանիւթերէն`դդումը հարուստ է հանքայիններով եւ «միքրօ էլեմաններ»ով, որոնք անհրաժեշտ են մարմինին բնական փոխանակութեան համար:

Դդումի յաճախակի օգտագործումը կը կանխարգիլէ եւ կը դարմանէ բազմաթիւ հիւանդութիւններ:

Դդումին բարիքները

• Դդումը միզեցնող է եւ թեթեւ լուծողական:
• Դդումը կը զօրացնէ մարմինին դիմադրականութիւնը:
• Մեծ մասամբ ջուրէ եւ բնաթելէ կազմուած դդումի պտղամիսը կ'օգնէ նիհարնալու:
• Պեթա քարոթենը, Սէ կենսանիւթն ու բնաթելերը դդումը կը դարձնեն քաղցկեղի յառաջացումը կանխարգիլող մթերք:
• Դդումին կուտերը կը նուազեցնեն օսթէոփորոզի յառաջացման հաւանականութիւնը:
• Զինկով հարուստ դդումը կը կանխէ ոսկորներու փխրունութիւնը եւ, միւս կողմէ, կը մեղմացնէ ցաւերը յօդերու հիւանդութեան պարագային:
• Դդումին իւղը կը նպաստէ վէրքերու արագ սպիացման, իսկ դդումով պատրաստուած ապուրը օգտակար է կոկորդի ցաւէ եւ կրիփէ տառապողներուն:
• Դդումին հիւթը կ'օգնէ երիկամներու, միզապարկի եւ լեարդի քարերու արագ տարրալուծման:
• Դդումի հիւթը կ'օգնէ քունին, կը հանգստացնէ ջղային համակարգը, կը կանոնաւորէ նիւթափոխանակութիւնը:
• Դդումի հիւթը կը դարմանէ թութքը:

Պատկերասրահ

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
  Դդումի ծաղիկ

Տե՛ս նաեւ

• Դդումին կուտերը
• Դդումով ապուր