Գօտի Փորագրազարդ (Ք.Ա. 12-11-րդ դարեր, Լճաշէն, № 2151)
 | |
|---|---|
| նիւթ | Պրոնզ |
Գօտի փորագրազարդ (Ք. Ա. 12-11-րդ դարեր, Լճաշէն), պրոնզէ թիթեղէ պատրաստուած գօտի։ Կը պահուի Երեւանի մէջ գտնուող Հայաստանի պատմութեան թանգարանին մէջ եւ գրանցուած է 2151 համարի տակ։
Գօտին կը համարուի Ք. ա. 12-11-րդ դարերու հնութիւն, պրոնզէ է, չափերը՝ 14,5×86×0,2 սմ։ Յայտնաբերուած է Հայաստանի Գեղարքունիքի մարզի Լճաշէն գիւղի տարածքին։
Նկարագրութիւն
[Խմբագրել | Խմբագրել աղբիւրը]Գօտին պատրաստուած է պրոնզէ թիթեղէ։ Նուրբ փորագրութեամբ մակերեսը բաժնուած է սիւժէտային չորս հատուածներու, որոնց մէջ յաջորդաբար պատկերուած են խումբերով սուրացող եղջերուներ (իւրաքանչիւր խումբին մէջ` 3-ական)։ Կենդանիներու սրընթաց վազքին ընդառաջ կը թռչին թռչուններ։ Գօտիի հատուածները իրարմէ բաժնուած են ոճաւորուած եռանկիւնաձեւ թռչուններու եւ վազող պարոյրազարդի ուղղահայեաց շարքերով։ Ընդհանուր պատկերագրութիւնը եւ յատկապէս չորրորդ հատուածին մէջ սուրացող երկրորդ եղջերուի վիզին տակ փորագրուած սուաստիկան կը յուշեն կապը պտղաբերութեան եւ երկնային լուսատուներու հետ առնչուող հնագոյն հաւատալիքներու հետ[1]։
Ծանօթագրութիւններ
[Խմբագրել | Խմբագրել աղբիւրը]- ↑ Հայացք բրոնզե դարից, Ալբոմ-կատալոգ, Հայաստանի պատմության թանգարան, 2016, 160 էջ։ A Glance from the Bronze Age. Yerevan, History Museum of Armenia, 2016, 160 pages
Աղբիւրներ
[Խմբագրել | Խմբագրել աղբիւրը]- Հայացք բրոնզե դարից, Ալբոմ-կատալոգ, Հայաստանի պատմության թանգարան, 2010։
- Հարություն Մնացականյան, Լճաշենի մշակույթի զարգացման հիմնական էտապները, Երևան, 1968։
- Հասմիկ Իսրայելյան - Պաշտամունքն ու հավատալիքները ուշ բրոնզեդարյան Հայաստանում, Երևան, 1973։
Այս յօդուածի կամ անոր բաժնի որոշակի հատուածի սկզբնական տարբերակի նիւթը տրամադրուած է Հայաստանի պատմութեան թանգարանի կողմէ ԳԼԱՄ ծրագրի շրջանակներուն։  |