Գրիգոր Ճիզմէճեան

Գրիգոր Ճիզմէճեան;
Ծնած է	17 Հոկտեմբեր 1904
Ծննդավայր	Սկիւտար, Պոլսոյ վիլայէթ, Օսմանեան Կայսրութիւն
Մահացած է	Մայիս 1966 (61 տարեկանին)
Մահուան վայր	Փարիզ
Մասնագիտութիւն	գրագէտ

Գրիգոր Ճիզմէճեան (17 Հոկտեմբեր 1904(1904-10-17), Սկիւտար, Պոլսոյ վիլայէթ, Օսմանեան Կայսրութիւն - Մայիս 1966, Փարիզ), հայ բանաստեղծ։

Կենսագրական գիծեր

Ծնած է Սկիւտարի բարձունքին, Շաւարշ Միսաքեանի, Սիամանթոյի, Վահան Թէքէեանի եւ Մելքոն Կիւրճեանի բնակարաններուն առընթեր է։

Նախնական ուաումը ստացած Է Ներսէսեան Վարժարանի, իսկ երկրորդականը՝ Պէրպէրեան Վարժարանի մէջ, զոր աւարտած է 1924-ին:

Ուսանողական շրջանին իսկ գրական մեծ ընդունակութիւն ցոյց տուած է եւ բազմաթիւ առիթներով իր բանաստեղծութիւնները լոյս տեսած են «ճակատամարտ»-ի կիրակնօրեայ թիւերուն մէջ, դժուարահաճ Միսաքեանի խմբագրապետութեան օրով։

Ճիզմէճեանին հայրը զինք ղրկած է Փարիզ իր հակումներուն համապատասխան մասնագիտութեան մը հետեւելու համար։ Փարիզի համալսարանին մէջ ան հետեւած է քաղաքական եւ իմաստասիրութեան գիտութեանց ու գրականութեան դասընթացքին եւ զայն աւարտած «ԼիսանսիԷ էս Լէթրը» տիտղոսով։

Ճիզմէճեան, իտէալիստ երիտասարդ, ի վիճակի չէ եղած ազգային գրական կեանքը ապրելով անհատական դիրքի մը տիրանալ եւ ինքնաբաւ դառնալ։ Չէ կրցած նաեւ առեւտրական ասպարէզին հետ հաշտուիլ։ Գիշեր-ցերեկ չարաչար աշխատելով ֆիզիքապէս քայքայուած է։

Գրիգոր Ճիզմէճեան սփիւռքի առաջին սերունդի ամէնէն պատրաստուած մտաւորական ուժերէն կարելի է համարել։ Ունի բանաստեղծութիւններ եւ ընկերային-իմաստասիրական կնիքով աշխատասիրութիւններ, մեծ մասամբ ցրուած պարբերականներու մէջ։

Մահ

Գրիգոր մահացած է Փարիզ։ Հինգշաբթի, 12 Մայիս 1966-ին, Փարիզի Մայր Եկեղեցւոյ մէջ տեղի ունեցած է բանաստեղծ Գրիգոր Ճիզմէճեանի յուղարկաւորութիւնը:

Աղբիւրներ