Գրիգորիս Երգեցող

Գրիգորիս Երգեցող
Ծնած է	անյայտ
Մահացած է	անյայտ
Մասնագիտութիւն	գրիչ

Գրիգորիս Երգեցող (ծննդեան եւ մահուան թուականները անյայտ են), ԺԳ․ դարու հայ գրիչ։

Կենսագրական գիծեր

Գործած է Կիլիկիոյ մայրաքաղաք Սիսի մէջ։ Եղած է նաեւ երգիչ-կատարող, որմէ ստացած է Երգեցող մականունը։

Ընդօրինակած է Գրիգոր Բ․ Վկայասէրի «Տօնամակ»ը, որ Հայոց թագաւոր Լեւոն Գ․ նուիրած է Փերուճիոյ հայ եկեղեցիին։

1237 թուականին Սիսի մէջ օրինակած է մէկ Աւետարան, որ 4 աւետարանիչներու պատկերներով, 9 խորանով եւ 36 կիսախորաններով զարդաուած թուղթէ ձեռագիր է, կազմը՝ կոստղապատ, արծաթեայ ակնակուռ անկիւնազարդերով եւ ակնակուռ խաչով։

1238 թուականին Ս. անապատին մէջ ընդօրինակած է ուրիշ Աւետարան մը, իսկ 1244 թուականին՝ Ներսէս Շնորհալիի եւ Գրիգոր Մագիստրոսի թուղթերը։

Այս յօդուածի նախնական տարբերակը կամ անկէ մաս մը վերցուած է Հայկական Սովետական Հանրագիտարանէն, որուն նիւթերը հրատարակուած են` Քրիէյթիվ Քամմընզ Նշում–Համանման տարածում 3.0 (Creative Commons BY-SA 3.0) թոյլատրագրի ներքոյ։