Գնչուներու դրօշ
| Գնչուներու դրօշ | |
|---|---|
 | |
| Տեսակ | ethnic flag? |
| Ընդունուած է | 1971 |
| Գոյներ | լազուր?, կանաչ և կարմիր |
| Պատկերուած է | Չակրա? |
Գնչուներու դրօշ (O styago le romengo), գնչուներու ազգային դրօշը։ Ընդունուած է 1971 թուականին՝ Լոնտոնի գնչուներու առաջին համաշխարհային կոնգրեսին[1]։
Խորհրդնշաբանութիւն
[Խմբագրել | Խմբագրել աղբիւրը]Դրօշը բաղկացած է երկու դաշտէ՝ վերը՝ կապոյտ, վարը կանաչ՝ համապատասխանաբար խորհրդանշելով երկինքն ու երկիրը։ Դրօշի կեդրոնը պատկերուած է կարմիր չակրայ (անիւ), որ կը խորհրդանշէ գնչուներու հնդարիական ծագումը, համանման անիւ պատկերուած է նաեւ Հնդկաստանի դրօշին վրայ[2]։
Գնչուներու շրջանին մէջ տարածուած է նաեւ դրօշի բաղադրատարրերու միստիկական մեկնաբանութիւնը։ Կանաչ դաշտը կը բնութագրուի իբրեւ գործնական, մատերարիալիստական ոլորտ, կապոյտ դաշտը՝ հոգեւոր, իսկ անիւը՝ չակրան՝ որպէս գնչուներու կեանքի խորհրդանիշ[3]։ Բաղադրատարրերու փոխգործակցութիւնը կը նշանակէ, որ գնչուն իր ողջ կեանքին մէջ կը գտնուի ֆիզիկական եւ հոգեւոր զարգացման ճանապարհին, ինչպէս նաեւ գնչուն ողջ կեանքին մէջ պէտք չէ մոռնայ իր հոգեւոր եւ երկրային գործերուն մասին։ Անիւի կարմիր գոյնը կը խորհրդանշէ Երկրորդ համաշխարհային պատերազմի ընթացքին ֆաշիզմի դէմ պայքարին գնչուներու թափած արիւնը, ինչպէս նաեւ Գնչուներու ցեղասպանութեան զոհերու արեան գոյնը, արիւն, որուն մասին գնչուները երբեք պէտք չէ մոռնան[4][5]։
Այնուամէնայնիւ, մեծ տարածում ունի օպտիմիստական մեկնաբանութիւնը։ Ըստ անոր՝ կանաչ դաշտը դաշտի խորհրդանիշ է, քանի որ այդտեղ ուղղութիւն ընտրելու աւելի մեծ հնարաւորութիւն կայ, քան ճանապարհին, եւ կարելի է անգամ ոչինչ չընտրել, այլ ճամբար դնել։ Իսկ պատկերուած անիւի գոյնը կը խորհրդանշէ տօն, քանի որ գնչուներուն կարելի է ընկալել իբրեւ տօն-ժողովուրդ։
Տարբերակներ
[Խմբագրել | Խմբագրել աղբիւրը]Դրօշի դիզայնը ազդեցութիւն թողած է գնչուական այլ կազմակերպութիւններու եւ համայնքներու վրայ։ Մասնաւորապէս՝ Քրուաթիոյ գնչուներու անյետացած կուսակցութիւնը կ՚օգտագործէր մուգ կապոյտ վերին դաշտով եւ ոսկեգոյն չակրայով դրօշ[6]։
Ծանոթագրություններ
[Խմբագրել | Խմբագրել աղբիւրը]- ↑ Duminică, p. 150; Trehan, p. 12
- ↑ Duminică, p. 150; Kenrick, p. 89; Trehan, p. 12. See also Balogh, pp. 149-150
- ↑ da Silva Mello & Berocan Veiga, p. 49
- ↑ Duminică, p. 150
- ↑ Balogh, p. 150
- ↑ Željko Heimer, "National Identity in the Political Party Flags in Croatia", in Proceedings of the 24th International Congress of Vexillology, 2011, pp. 447, 465–466