Գիծին կղզիներ

Բնակավայր
Գիծին կղզիներ
անգլերէն՝ Line Islands
Երկիր	Քիրիպասի և  Ամերիկայի Միացեալ Նահանգներ
Տարածութիւն	510,16 քմ²
Կը գտնուի ափին	Խաղաղական Ովկիանոս
Ժամային գօտի	UTC+14:00

Գիծին կղզիներ (ծանօթ նաեւ որպէս՝ Teraina Islands, կիլպըրթերէն՝ Aono Raina, անգլ․՝ Line Islands)․ Խաղաղական ովկիանոսի կեդրոնական մասի կղզեխումբ, Հաուայեան կղզիներուն հարաւը։ Կազմուած է 11 օղակղզիներէ եւ բուստային կղզիներէ, որոնցմէ 8 Քիրիպասի հանրապետութեան կղզեխումբերէն են։ Մնացեալ երեքը՝ Ճարվիս կղզին, Գինկման Խութը եւ Բալմիրա օղակղզին Ա․Մ․Ն․ տիրութեան տակն են։

Ամսաթիւի Փոփոխման Միջազգային Գիծը կ՛անցնի Գիծին կղզիներուն ընդմէջէն։

Տեղեկութիւններ

Գիծին կղզիները կազմուած են հրաբխային գործունէութենէ եւ աշխարհի ամենէն երկար կղզիներու շղթաներէն են․ կը տարածուին 2․350 քլ երկարութեան վրայ, հիւսիս-արեւմուտքէն դէպի հարաւ-արեւելք։

Միայն երեք կղզիներ կը բնակուին, բնակչութեան ընդհանուր թիւով՝ 8 809 (2005 մարդհամար)․ անոնցմէ 5 115՝ Քիրիթիմաթի, 2 539՝ Թապուաէրան եւ 1 155 Թէրայնա։ Այս երեք օղակղզիներուն բնակչութիւնը 1900-ին կը հաշուէր 300 հոգի։

Քիրիթիմաթին հողատարածքի իմաստով, աշխարհի ամենէն մեծ օղակղզին է։

Գիծին կղզիները 1888-ին գտնուեցան Միացեալ Թագաւորութեան իշխանութեան տակ։ Նպատակն էր անցընել Խաղաղականի թելը (All Red Line / հեռագրական ցանց)․ Թապուաէրան միջանկեալ կարգառ էր։ Հեռագրական ցանցը գործեց 1902 - 1963, բացի 1914-ին։

Գոբրան (չորացած հնդընկոյզի միջուկ) եւ Petfish (ոսկեձուկի տեսակ) կղզիներուն գլխաւոր արտադրութիւնն են։

Օղակղզիներու, կղզիներու եւ խութերու ցուցակ

Քարտէս

Օղակղզի, բուստային կղզի (Atoll) / խութ (reef) / կղզի	Ցամաքի տարածութիւն	Ծովալիճ քլ²	Բնակչութիւն
Հիւսիսային Գիծին կղզիներ (Fanning's Group)
Գինկման Խութ	0․01	60	0
Բալմիրա Օղակղզի	3․9	8	4
Թէրայնա	9․55	2	1 155
Թապուաէրան	33․73	110	2 539
Քիրիթիմաթի	388․39	217․61	5 115
Կեդրոնական Գիծին կղզիներ
Ճարվիս կղզի	5	-	0
Մալտըն օղակղզի	39․3	13	0
Ֆիլփօ Խութ	-	1․5	0
Սթարպաք կղզի (բուստային կղզի)	16․2	4	0
Հարաւային Գիծին կղզիներ
Գարոլայն կղզի (Հազարամիակի կղզի)	3․76	6․3	0
Վոստոք կղզի (բուստային կղզի)	0․24	-	0
Ֆլինթ կղզի (բուստային կղզի)	3․2	0․01	0
Գիծին կղզիներ	503․28	422․42	8 813