Գագիկ Ա Բագրատունի Արքայի Արձան (Կրկնօրինակ)
 | |
|---|---|
_(3).jpg) ' | |
| նիւթ | կիպս |
Գագիկ Ա Բագրատունի արքայի արձան (կրկնօրինակ) (անգլ.՝ Statue of King Gagik I Bagratid (copy)), Բագրատունեաց Գագիկ Ա թագաւորի արձանի կրկնօրինակ, որ 1993 թուականին վերարտադրած է քանդակագործ Հրաչ Գալստեանը՝ Անիի քարադարանին մէջ Արամ Վրոյրի կատարած լուսանկարի եւ Թորոս Թորամանեանի վկայութեան հիման վրայ[1]։ Կը գտնուի Հայաստանի պատմութեան թանգարանի մուտքի նախասրահին մէջ[2]։
Գագիկ Ա Բագրատունի արքայի բնօրինակ արձան
[Խմբագրել | Խմբագրել աղբիւրը]Գագիկ Ա Բագրատունի արքայի արձանի բնօրինակը յայտնաբերուած է Անիի Գագկաշէն Սուրբ Գրիգոր եկեղեցւոյ 1905-1906 թուականներուն պեղումներու ժամանակ՝ Ռուսական կայսերական ակադէմիայի հնագիտական յանձնաժողովի որոշմամբ ստեղծուած Անիի հնագիտական արշաւախումբի կողմէ, որ գործած է 1892-1917 թուականներուն՝ Նիկողայոս Մարի ղեկավարութեամբ, ճարտարապետ Թորոս Թորամանեանի, Յովսէփ Օրբելիի մասնակցութեամբ։
1904 թուականին Մանուչէի մզկիթին մէջ հիմնադրուած է թանգարան, ուր պահուած են պեղումներու ժամանակ յայտնաբերուած նմուշները։ 1918 թուականին, թրքական ներխուժումներու պատճառով, պահպանուած են հնագիտական նմուշներու փոքր մասը։ Գագիկ Ա արքայի արձանի ճակատագիրը մնացած է անյայտ, միայն ձախ թեւի մէկ հատուածը կը պահուի Էրզրումի հնագիտական թանգարանին մէջ[1]։
Գագիկ Ա արքայի արձանը՝ եկեղեցւոյ եռաստիճան մանրակերտը ձեռքին, տեղադրուած եղած է տաճարի հիւսիսային ճակատին՝ դէմքով դէպի քաղաքի գլխաւոր մուտքը։
|
Արձանի բարձրութիւնը կը հասնի գրեթէ 2,26 մետրի, գլուխը դրած է Պաղտատի խալիֆայական պատուանշան՝ արքայական սպիտակ չալման, երկար սեւ մազերը կը հասնին գրեթէ մինչեւ ուսերը՝ խուրձ-խուրձ իջած եւ դէպի վեր ոլորուած՝ հին սասանեան ձեւով, դէմքը լայն, աչքերը խոշոր, թաւ յօնքերով, սեւ պեխերը ոլորած դէպի վեր, մասամբ խառնուած են սեւամազ մօրուքի հետ, որն որ կը ծածկէ կուրծքին կէսէն աւելին։ Կռնակը հագած է արքայական կարմիր գոյնով վերարկու մը, որուն լայն օձիքը ծալուած է ուսերուն վրայ, վերարկուին ետեւի քղանցքը ճեղքուած մինչեւ մէջքին մօտ, համաչափօրէն եռանկիւնաձեւ դարձած է դուրս՝ պարեգօտին ստորին քղանցքը երեւան հանելով։ Կուրծքէն վար ալ միայն մէկ տեղ կոճկուած ունի, միւս տեղերը թողուած են ազատ, որպէսզի երեւայ վիզէն կախուած խաչը եւ նմանապէս կարմիր գոյնով մինչեւ ոտքերը հասնող պարեգոտը։ - - Թորոս Թորամանեան
|
|
Պատկերասրահ
[Խմբագրել | Խմբագրել աղբիւրը]
_(1).jpg)
_(2).jpg)
Ծանոթագրություններ
[Խմբագրել | Խմբագրել աղբիւրը]- ↑ 1,0 1,1 Անհետացած արձանի առեղծվածը
- ↑ www.virtualani.org։ «Armenian Architecture - VirtualANI - King Gagik's Statue»։ www.virtualani.org։ արտագրուած է՝ 2017 թ․ նոյեմբերի 17
Աղբիւրներ
[Խմբագրել | Խմբագրել աղբիւրը]- Թորամանյան Թ., Զվարթնոց, Գագկաշեն, Երևան, 1984։
Այս յօդուածի կամ անոր բաժնի որոշակի հատուածի սկզբնական տարբերակի նիւթը տրամադրուած է Հայաստանի պատմութեան թանգարանի կողմէ ԳԼԱՄ ծրագրի շրջանակներուն։  |