Գաբրիէլ Նորատունկեան
| Գաբրիէլ Նորատունկեան | |
|---|---|
 | |
| Ծնած է | 6 Նոյեմբեր 1852[1] |
| Ծննդավայր | Selamsız, Կոստանդնուպոլիս, Օսմանեան Կայսրութիւն |
| Մահացած է | Դեկտեմբեր 1936[1] (84 տարեկանին) |
| Մահուան վայր | Էպինե սյուր Սեն[2] |
| Քաղաքացիութիւն |
.svg){kind=small} Օսմանեան Կայսրութիւն |
| Ուսումնավայր | Ս. Յովսէփ Աւագ դպրոց, Փարիզի համալսարանի իրաւաբանական բաժանմունք, Փարիզի քաղաքական հետազօտութիւններու հիմնարկ, Սեն Ժոզէֆ համալսարան և Ֆրանսայի Քոլէճ |
| Մասնագիտութիւն | դիւանագէտ, քաղաքական գործիչ և փաստաբան |
| Վարած պաշտօններ | Ottoman Department of Foreign Affairs?, Ottoman Secretary of Commerce?, Նախարարութեանց խորհուրդի նախագահ, սենատոր?, Նախարարութեանց խորհուրդի նախագահ, փոխնախագահ? և Հայ Ազգային ժողովի պատգամավոր? |
| Անդամութիւն | Հայ Ազգային պատուիրակութիւն և Միջազգային իրավունքի ինստիտուտ? |
| Կուսակցութիւն | Միութիւն Եւ Յառաջադիմութիւն |
Գաբրիէլ Նորատունկեան (6 Նոյեմբեր 1852[1], Selamsız, Կոստանդնուպոլիս, Օսմանեան Կայսրութիւն - Դեկտեմբեր 1936[1], Էպինե սյուր Սեն[2]), հայ դիւանագէտ, Ազգային Պատուիրակութեան նախագահ։ Օսմանեան կայսրութեան ազգութեամբ հայ մեծ քաղաքական գործիչներէն մին։
Կենսագրական գիծեր
[Խմբագրել | Խմբագրել աղբիւրը]Ծնած է Սկիւտար։ Նախնական կրթութիւնը ստացած է իր տան, յետոյ Գատըգիւղի ֆրանսական Ֆրէրներու վարժարանին մէջ, աւարտած է 1869-ին։
Նախ առեւտրական ասպարէզը մտած է, սակայն, 1870 Օգոստոսին, հօրը մահէն ետք, իբրեւ օժանդակ պաշտօնեայ մտած է Բ. Դուռ՝ արտաքին գործերու նախարարութեան դիւանական արձանագրութեանց գրասենեակ։
Քանի մը ամիս ետք, նոյն նախարարութեան արտաքին թղթակցութեանց դիւանի անդամ անուանուած է։ Այդտեղ երկար չէ մնացած եւ դիւանագիտական ասպարէզին պատրաստուելու համար Փարիզ ղրկուած է, ուր մինչեւ 1875-ի վերջը ուսումը կատարելագործած է՝ հետեւելով «Քոլէժ տը Ֆրանս»ի, Սորպոնի եւ «Էքոլ տէ Սիանս Փոլիթիք»ի դասընթացքներուն ու աւարտած է իրաւաբանական վարժարանը
Ուսանող եղած ատեն, 3 Սեպտեմբեր 1873-էն սկսեալ, Օսմանեան դեսպանատան պատուակալ կցորդի տիտղոս ստացած է։
1875 թուականի Դեկտեմբերին Փարիզի դեսպան Ալի փաշայի հետ վերադարձած է Պոլիս, ուր արտաքին գործերու նախարար Ռաշիտ փաշա արտաքին թղթակցութեանց դիւանին քարտուղար կարգած է զինք, Միւթէմայինի աստիճանով։
1877-78-ի ռուս եւ թուրք պատերազմէն վերջ Առաջին քարտուղար նշանակուած է այն Միջազգային Յանձնաժողովին, որ պաշտօն ունեցած է ճշդելու թուրք եւ սերպ սահմանները։
Օսմանեան Բ. պատուիրակ կարգուաշ է Արապ-Թապիայի խնդիրին առթիւ կազմուած խառն յանձնաժողովին, որ գումարուած է Սիլիսթրէի մէջ. ետքը նաեւ անդամ՝ ռուս եւ թուրք սահմանագծման միջազգային յանձնախումբին: Այս երեք պաշտօններուն պատճառաւ 1878 Հոկտեմբերէն մինչեւ 1881 Մարտ Ռումէլի եւ Անատոլու մնացած է։
Ծանօթագրութիւններ
[Խմբագրել | Խմբագրել աղբիւրը]- ↑ 1,0 1,1 1,2 1,3 1,4 Bibliothèque nationale de France data.bnf.fr: open data platform — 2011.
- ↑ 2,0 2,1 2,2 Paris Archives
Այս յօդուածի կամ անոր մէջ որոշակի յատուածի սկզբանական տարբերակը վերցուած է «Հայկական Հարց» Հանրագիտարանէն, որու նիւթերը թողարկուած են Քրիեյթիւ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ 
|
| Այս յօդուածի նախնական տարբերակը կամ անկէ մաս մը վերցուած է Հայկական Սովետական Հանրագիտարանէն, որուն նիւթերը հրատարակուած են` Քրիէյթիվ Քամմընզ Նշում–Համանման տարածում 3.0 (Creative Commons BY-SA 3.0) թոյլատրագրի ներքոյ։
|