Բժիշկ Արամ Սահակեան-Սալբի
| Բժիշկ Արամ Սահակեան-Սալբի | |
|---|---|
| Ծնած է | 1884 կամ 1888 |
| Ծննդավայր | Կեսարիա, Թուրքիա |
| Մահացած է | 1968 |
| Մահուան վայր | Կոնստանցա, Ռումինիայի Սոցիալիստական Հանրապետություն և Պուխարեստ, Ռումանիա |
| Քաղաքացիութիւն |
.svg){kind=small} Օսմանեան Կայսրութիւն |
| Մասնագիտութիւն | գրագէտ, բժիշկ և հանրային գործիչ |
| Կուսակցութիւն | Հայ Յեղափոխական Դաշնակցութիւն |
Արամ Մ. Սահակեան (կամ՝ Արամ Մ․ Աահակեան , ծնած 1884 կամ 1888, Կեսարիա, Թուրքիա - 1968, Կոնստանցա, Ռումինիայի Սոցիալիստական Հանրապետություն և Պուխարեստ, Ռումանիա), ճանչցուած իբր Սալբի, հայ գրող եւ բժիշկ:
1906-ին աւարտած է Կեսարիոյ Սուրբ Կարապետ վանքի ժառանգաւորաց վարժարանը: Բժշկութիւն ուսանած է Պէյրութի Ֆրանսական համալսարանի բժշկական դպրոցին մէջ: Ուսանողութեան տարիներուն, անդամակցած է ՀՅԴ-ին: «Սալբի» գրչանունով աշխատակցած է «Ազատամարտ» պարբերականին:
1914-1918 տարիներուն` Ա. համաշխարհային պատերազմին, զօրակոչուած է օսմանեան բանակ եւ ծառայած է իբրեւ զինուորական բժիշկ:
Գերի ինկած է անգլիական ուժերուն ձեռքը եւ իբրեւ ռազմագերի`տեղափոխուած Փոր Սայիտ, ուր եղած է մուսալեռցի գաղթականներուն բժիշկը: Այդ օրերու յուշերը արձանագրած է իր «Ալեակներ եւ խլեակներ» ու «Մեր խաչը» գիրքերուն մէջ:
1918-ին ազատ արձակուած է եւ վերադարձած Պոլիս, ուր ունեցած ազգային եւ գրական բեղուն գործունէութիւն: Աշխատակցած է «Ճակատամարտ» թերթին:
Տեղափոխուած է Փարիզ, հոն ապրած է քանի մը տարի, վարած է հանրային եւ հասարակական գործունէութիւն:
1922-ին հաստատուած է Ռումանիա, ուր ապրած է աւելի քան 20 տարի: Ռումանիոյ պատգամաւորական ժողովին, ներկայացուցած է Պազարճըքի եւ Պուքրէշի հայ համայնքները: Խումբ մը հայ բժիշկներու հետ գլխաւորած է Պուքրէշի հայկական բուժարանի աշխատանքները, անվճար բուժած է կարիքաւոր հայ հիւանդներ, ինչպէս նաեւ պատերազմի տարիներուն` 1942-1945, բժշկական եւ այլ տեսակ անհրաժեշտ օգնութիւն ցուցաբերած է խորհրդային ռազմագերիներուն:
1944-1946 եղած է Պուքրէշի «Հայ մշակոյթի տուն»ի վարչութեան նախագահը:
Աշխատակցած է Պոլսոյ, Փարիզի եւ ռումանահայ պարբերական մամուլին:
Գրած է բազմաթիւ երկեր, երգիծական յօդուածներ («Յուշեր եւ փուշեր») եւ բժշկագիտական յօդուածներ:
Հրատարակած է «Հայ վրանաքաղաքին տարեգիրքը»` 1919-ին, «Մեր խաչը»` 1921-ին, «Պատգամաւոր շուները»`1945-ին, «Դէպի հայրենիք, թռչուններու հասարակապետութեան մէջ» վէպերը:
«Մեր խաչը»ը հրատարակուած է նաեւ անգլերէնով, Լոս Անճելըս, Քալիֆորնիա, Միացեալ Նահանգներ:
Սալբի գրչանունի կողքին, երբեմն ստորագրած է Սիրիուս ծածկանունը:
Բժիշկ Արամ Սահակեան մահացած է 17 յունիս 1968-ին, Պուքրէշ[1]:
Հաւաքածոն նաեւ թարգմանուած եւ հրատարակուած է անգլերէնով՝ Լոս Անճելըս, Քալիֆորնիա, ԱՄՆ:[2] Ան նաեւ ունի այլ գործ մը, վերնագրուած՝ «Պատգամաւոր Շուները», հրատարակուած 1945 թուականին: