Բերդիքաս Ա․ Մակեդոնացին
| Բերդիքաս Ա․ Մակեդոնացի Περδίκκας Α΄ της Μακεδονίας | |
|---|---|
 Մակեդոնիոյ թագաւորութեան ընթացքին դրամ, Ք․Ա․ 500 | |
| Ծնած է | Ք․Ա․ 7-րդ դար |
| Ծննդավայր | Արղոս, Պելոպոնեզ Յունաստան |
| Մահացած է | Ք․Ա․ 7-րդ դար |
| Մահուան վայր | Մակեդոնիա |
| Քաղաքացիութիւն | Մակետոնական թագաւորութիւն |
| Ազգութիւն | յոյն |
| Մայրենի լեզու | հին յունարէն |
| Մասնագիտութիւն | միապետ |
| Վարած պաշտօններ | Մակեդոնիոյ Թագաւոր |
| Ծնողներ | հայր՝ Թիրիմաս |
| Երեխաներ | Արղէոս Ա․ Մակեդոնացի[1] |
Բերդիքաս Ա․ (յուն․՝ Περδίκκας Α΄ της Μακεδονίας)․ Մակեդոնիոյ թագաւոր։ Ապրած է Ք․Ա․ 7-րդ դարուն։ Ըստ Իրոդոթոսին, եղած է Մակեդոնիոյ պետութեան հիմնադիրը, ինչպէս նաեւ Արղէադոն հարստութեան։ Իրոդոթոս իր «Իսթորիէ» աաշխատանքին մէջ հետեւեալը արձանագրած է․-
Από το Άργος έφθασαν στους Ιλλυριούς τρία αδέλφια, απόγονοι των Τημενιδών, ο Γαυάνης, ο Αέροπος και ο Περδίκκας. Και αφού πέρασαν από τους Ιλλυριούς, στο ανώτερο τμήμα της Μακεδονίας έφθασαν στην πόλη της Λεβαίας. («Արղոսէն Իլիրիա հասան երեք եղբայրներ, Արղէադոններուն սերունդէն՝ Ղուանիս, Աէրոբոս եւ Բերդիքաս։ Եւ երբ Իլիրեացիներէն անցան, Մակեդոնիոյ վերին մասը, հասան Լեվէա քաղաքը։»)
Առասպելը որ Իրոդոթոս նկարագրած է Աղեքսանտր Ա․ (Բերդիքասին շառաւիղէն) եւ Մակեդոնացիներուն ծագումին համար, կը պատմէ թէ երեք եղբայրները վարձուած էին թագաւորին ծառայելու համար։ Մէկը ձիերը յանձն առած էր, երկրորդը՝ կովերը, իսկ Բերդիքաս կրտսսեր ըլլալով, մատղաշ արջառները։
Թագաւորին կողակիցը, նկատած էր թէ պաշտօնեաներուն հացը որ Բերդիքաս կը պատրաստէր, միշտ երկու անգամ աւելի կ՛ուռէր իր բնական չափէն։ Թագաւորին կ՛ըսէ եւ ան կը համարէ թէ աստուածային նշան մըն է։ Մարդ կը ղրկէ, որպէսզի երեք բանուորներուն գտնեն եւ անոնց կը հրամայէ իր շրջանէն մեկնին։
Երեք եղբայրները կը համաձայնին։ Սակայն Բերդիքաս, որ իր գրպանին մէջ ունեցած դաշոյնով, սրահին յատակին, ուր լոյսը կ՛իյնար, նշան մը կ՛ընէ եւ թագաւորին վճարումը կ՛ընդունի։
Երբ կը մեկնին, մէկը թագաւորին կը տեղեկացնէ Բերդիքասին ըրածին համար, հասկցնելով թէ պատճառ մը ունէր ընդունելու համար յատուկ «աշխատավարձը»։ Թագաւորը կը զայրանայ եւ հեծեալներ կը ղրկէ երեք եղբայրներուն ետեւէն անոնց սպաննելու համար։ Սակայն, հեծեալները չէին կրնար գետէն անցնիլ, որովհետեւ ջուրերը բարձրացած էին։ Այսպէս եղբայրները կ՛ապաստանին Մակեդոնիոյ «Միդասին պարտէզները, Ղորդիոսին զաւակին» οι κήποι του Μίδα, γιου του Γόρδιου։ Իրոդոթոս շարունակելով, կը պատմէ թէ հոն վարդերը մինակնին կը բուսնին, եւ իւրաքանչիւր կը պարունակէ վաթսուն թերթիկ։ Պարտէզներուն վերեւ կը գտնուի Վերմիօ լեռը։
Այդ շրջանէն, եղբայրները աստիճանաբար կը գրաւեն ամբողջ Մակեդոնիան։
Ըստ Յուսթին (պատմաբանին), Բերդիքասն է որ որոշած է Մակեդոնացի թագաւորներուն գերեզմանատունը ըլլայ Էղեսի վայրը։ Ան հրամայած է թէ հոն պիտի թաղուին ինք եւ իր ժառանգները։ Պատմաբանը կը նշէ նաեւ Բերդիքասին մէկ գուշակութիւնը՝ «որքան որ անոնց աճիւնները հոն կը գտնուին, գաւազանը պիտի մնայ անոր Տան մէջ» (όσο οι στάχτες τους βρίσκονταν εκεί, το σκήπτρο θα παρέμενε στον οίκο του)։
Բերդիքասին կը յաջորդէ որդին՝ Արղէոս Ա․։