Բաթրայի հռոմէական երաժշտանոց

	հռոմէական ոճի երաժշտանոց
Տեսակ	հնաբանական յուշարձան
Երկիր	Յունաստան
Գտնվելու վայրը	Բաթրա
Հիմնադրման թուական	Ք․Ա․2րդ դար
Կայք
	Roman Odeon of Patras Վիքիպահեստում

Բաթրայի հռոմէական երաժշտանոց (յուն․՝ Αρχαίο Ωδείο Πάτρας)․ կը կոչուի նաեւ Բաթրայի Հռոմէական թատրոն։ Վեհաշուք շինութիւն մըն է, որ վերաշինուած է եւ կը գործածուի երաժշտական ներկայացումներու համար։ Կը գտնուի Բաթրա քաղաքի բերդին արեւմտեան կողմը՝ Վերին քաղաքը (Անօ Փոլի), հռոմէական մարզադաշտին կից, Բալէոն Բաթրոն Երմանու Παλιών Πατρών Γερμανού, Սոթիրիադու Σωτηριάδου, Բանտոքրաթորոս Παντοκράτορος փողոցներուն եւ Այիու Եորղիու հրապարակին πλατεία Αγίου Γεωργίου միջեւ։

Երաժշտանոցը, հաւանաբար կառուցուած է Օքթավիանոս Օգոստոս կայսրին ժամանակաշրջանին։ Բաւսանիաս նշած է թէ Իրոտու Ադիքու Օտէոնէն աւելի հին էր եւ թէ քաղաքին հռոմէական շուկային շարունակութիւնն էր։

Տարիներուն ընթացքին, երաժշտանոցը տուժած է եւ լուրջ վնասներ ունեցած է բնական աղէտներէ (Բաթրա յաճախակի երկրաշարժներու ենթակայ է) եւ արշաւանքներէ, եւ հողով լեցուած ու ծածկուած է։ 1889-ին, կ՛որոշուի քանդել Սթրանի բլուրը եւ անոր հողը գործածել քաղաքին նաւահանգիստին շինութեան համար․ այս աշխատանքներուն ընթացքին է որ հռոմէական երաժշտանոցը կը յայտնաբերուի։

1959-էն մինչեւ 1963, Իոանիս Վասիլիու ճարտարապետին նախաձեռնութեամբ եւ անոր սեփական ծախսերով հռոմէական երաժշտանոցը կը կճաներկուի եւ անոր բազմաթիւ բաժիներ կը վերակառուցուին։ Այդ հսկայ գործին համար ճարտարապետ Վասիլիու կը պարգեւատրուի Աթէնքի Ակադեմիայէն եւ Բաթրայի քաղաքապետութենէն։