Ափրիկէի Երաժշտութիւնը

Jump to navigation Jump to search


Ափրիկէի Երաժշտութիւն, Ափրիկեան ցամաքամասի ժողովուրդներուն յատուկ երաժշտութիւն:

Պատմութիւն[Խմբագրել | Խմբագրել աղբիւրը]

Ափրիկեան ցամաքամասին վրայ կ'ապրի աւելի քան 1200 միլիոն մարդ, որոնք կը խօսին հազարաւոր լեզուներ: Ցամաքամասը ունի իւրայատուկ հարուստ երաժշտութիւն, որ կազմուած է ափրիկեան մշակոյթի եզակի բազմազանութեամբ:

«Ափրիկեան երաժշտութիւն» արտայայտութիւնը կը գործածուի Ափրիկէ ցամաքամասի կեդրոնական, արեւմտեան եւ հարաւային մասերու ժողովուրդներու երաժշտական արուեստին համար:

Կշռոյթ եւ մեղեդի[Խմբագրել | Խմբագրել աղբիւրը]

Ափրիկեան երաժշտութիւնը ունի յատուկ կշռոյթ (Rhythm), որ կ'իրագործուի հարուածային նուագարանները: Երգերու պարզ մեղեդիները կը հարստանան բարդ ռիթմիք բաբախումներով, որոնք ունկնդիրները կը մղեն պարի ու երգի:

Ափրիկեան ժողովրդային երգային երաժշտութեան ամէնէն տարածուած ոճը անուանակոչն է, երբ մենակատարն ու երգչախումբը յաջորդաբար կ'երգեն հարցում-պատասխանի ձեւով:

Ափրիկեան եւ արեւմտաեւրոպական ձայնաշարերը եւ (interval)-ները ունին շատ ընդհանրութիւններ, որոնց պատճառով ափրիկեան երաժշտութիւնը աւելի հասկնալի է Արեւմուտքի ունկնդիրներուն, քան չինականն ու ճափոնականը:Վերջին տասնամեակներուն մեծ զարգացում արձանագրեց ափրիկեան (Popular Music)-ը, ուր ափրիկեան աւանդական ոճերն ու ժամանակակից եւրոպական նուագարանները զուգորդուած են, օրինակ՝ «Juju» կամ «High Life» ոճերը:

Ափրիկեան թմբուկներ[Խմբագրել | Խմբագրել աղբիւրը]

Ափրիկէի մէջ թմբկահարները մեծ տարածում ունին: Իւրաքանչիւր համոյթ կ'ընդգրկէ մեծաքանակ կատարողներ եւ կը ղեկավարուի խումբի լաւագոյն երաժիշտին կողմէ:

Ափրիկեան թմբուկներու չափերն ու ցեւերը այլազան են, տարբեր է նաեւ գործածութեան առիթն ու վայրը[1]:

Ծանօթագրութիւններ[Խմբագրել | Խմբագրել աղբիւրը]

  1. «Ափրիկէի Երաժշտութիւն ▪ The complete information and online sale with free shipping»։ Maria Online։ արտագրուած է՝ 2019-09-25 

Աղբիւրներ[Խմբագրել | Խմբագրել աղբիւրը]

  • «Երաժշտութիւն, Պատմութիւն եւ Տեսութիւն», Նարդուհի Էքիզեան-Մարկոսեան, Պէյրութ 2017, էջ 37: