Աւետիս Ռազմիկ
| Աւետիս Ռազմիկ | |
|---|---|
| Ծնած է | 15 Մարտ |
| Ազգութիւն | Հայ |
| Կարողութիւն | Լրագրող, հրապարակագիր |
| Մասնագիտութիւն | պատմաբան |
| Աշխատավայր | դասատու հայոց պատմութիւն եւ հայոց լեզու եւ գրականութիւն |
| Ծնողներ | Սարգիս Արմէնի (Փոշօղլեան), Վիքթորիա Սարաֆեան |
| Երեխաներ | Չարենց եւ Կորիւն |
Աւետիս Ռազմիկ (ՓՈՇՕՂԼԵԱՆ) ծնած է 15 Մարտ-ին, Պէյրութ: Շառաւիղն եմ հօրենական կողմէ այնթապցի եւ մօրենական կողմէ՝ պախչէցի ընտանիքներու: Պատմաբան, լրագրող, խմբագիր, դասատու: Որդին է բանաստեղծ եւ հրապարակագիր Սարգիս Արմէնի (Փոշօղլեան), որ հեղինակ է հինգ բանաստեղծական հատորներու:
Կրթութիւն[Խմբագրել | Խմբագրել աղբիւրը]
Աւետիս Ռազմիկ Նախակրթութիւնը ստացած է Պէյրութի Ազգ. Ռուբինեան վարժարանէն ներս:
1978 - 1981 Միջնակարգ եւ երկրորդական կրթութիւնը՝ Մեծի Տանն Կիլիկիոյ Դպրեվանք եւ Սահակեան-Լեւոն Մկրտիչեան գոլէճ:
1984-1990 թ. ուսանող Երեւանի Պետական Համալսարանի պատմութեան բաժանմունքին, զորս աւարտելէ ետք վերադարձած է ծննդավայր:
Գործունէութիւն[Խմբագրել | Խմբագրել աղբիւրը]
Լիբանանի մէջ Աւետիս Ռազմիկ վարած է խմբագրական աշխատանքներ եւ 1993-էն 2002 պաշտօնավարած Սահակեան-Լեւոն Մկրտիչեան գոլէճէն ներս՝ դասաւանդելով հայոց պատմութիւն, հայերէն լեզու եւ գրականութիւն, մատենագրութիւն եւ Հայաստանի աշխարհագրութիւն:
2002-ին փոխադրուած է Կիպրոս (Նիկոսիա) եւ պաշտօնավարած Հ.Բ.Ը.Մ. Մելգոնեան Կրթական Հաստատութենէն ներս՝ դասաւանդելով հայոց պատմութիւն, մինչեւ հաստատութեան տխրահռչակ փակումը՝ 2005 թուականին:
Ս.Դ.Հնչակեան Կուսակցութեան անդամ[Խմբագրել | Խմբագրել աղբիւրը]
1983-ին Աւետիս Ռազմիկ անդամագրուած է Ս.Դ.Հնչակեան Կուսակցութեան:
1991-1998 թ. ատենապետ Ս.Դ.Հ.Կ. Տխրունի Ուս. Երիտ. Միութեան:
1994-2000 թ. պատասխանատու խմբագիր Ս.Դ.Հ.Կ. Լիբանանի պաշտօնաթերթ «Արարատ» օրաթերթի, որուն աշխատակցելու սկսած է 1983-էն ի վեր:
Անդամ եղած նաեւ խմբագրական կազմին:
2005-էն Ս.Դ.Հ.Կ. Կիպրոսի Վարիչ Մարմնի անդամ, 2011-էն ի վեր՝ ատենապետ:
Կիպրոսի Ազգային Երեսփոխանական Ժողովի անդամ[Խմբագրել | Խմբագրել աղբիւրը]
2013-ին Աւետիս Ռազմիկ ընտրուած է Կիպրոսի Ազգային Երեսփոխանական Ժողովի անդամ, մինչեւ օրս վարելով անոր ատենադպրութեան պաշտօնը:
Որոշ շրջան մը «Հայաստան» Համահայկական Հիմնադրամի Կիպրոսի յանձնախումբի անդամ:
Մամուլի աշխատակից եւ խմբագիր[Խմբագրել | Խմբագրել աղբիւրը]
«Արարատ» օրաթերթին առընթեր, կարճ շրջան մը խմբագրած է «Արարատ» երիտասարդական եւ մարզական յաւելուածները: Նաեւ աշխատակցած «Ազգային Մշակոյթ» եւ «Կանչ» շաբաթաթերթերուն (Լիբանան), «Փարոս» եւ «Ազատ Ձայն» ամսաթերթերուն (Կիպրոս) եւ «Պայքար» շաբաթաթերթին:
Աւետիս Ռազմիկ Օգտագործած է Կորիւն, Մոծակ, Վարազ Դեւեան եւ այլ ծածկանուններ:
«Դիպլոմ» «Համաշխարհային Հայկական Կոգրես[Խմբագրել | Խմբագրել աղբիւրը]
2016-ին Աւետիս Ռազմիկ ստացած է «Դիպլոմ» «Համաշխարհային Հայկական Կոգրեսի, Ռուսաստանի Հայերի Միութեան, ՀՀ Սփիւռքի Նախարարութեան, Հայաստանի Ժուռնալիստների Միութեան» կողմէ: Այդ տրուած է Ռուսաստանի Հայոց Միութեան նախագահ Արա Աբրահամեանի կողմէ՝ որպէս դափնեկիր լրագրողներու լաւագոյն հրապարակումներու մրցոյթին:
Հրատարակութիւններ[Խմբագրել | Խմբագրել աղբիւրը]
2017-ին Երեւանի մէջ լոյս տեսած է իր հրապարակագրական էջերէն ընտրանի մը «Կեանքի Կարուսել» խորագրով (360 էջ) (Յովսէփ եւ Գարոլին Նալպանտեան մատենաշար, թիւ 28):