Արմէն Էլչիեան
| Արմէն Էլչիեան | |
|---|---|
| Ծնած է | 23 սեպտեմբեր 1980 |
| Ծննդավայր | Մոսկուա |
| Քաղաքացիութիւն | Ռուսիա եւ Հայաստան |
| Ազգութիւն | Հայ |
| Կրօնք | Հայ Առաքելական եկեղեցի |
| Մասնագիտութիւն | « IT Ծրագրաւորում», «Միջազգային դրամաֆինանսական գործարքներ», «MBA/General management» |
| Աշխատավայր | Աւագ խորհրդատու |
Կենսագրութիւն
[Խմբագրել | Խմբագրել աղբիւրը]Արմէն Էլչիեանի հայրը ծնած է Սիւնիքի Կապան քաղաքը, մայրը՝ Արցախի Մարտակերտի շրջանի Թալիշ գիւղը։ Ծնողքը հանդիպած եւ պսակուած են Երեւանի մէջ եւ 1976 թուականին տեղափոխուած են Մոսկուա։ Արմէն Էլչիեան ծնած է Մոսկուա 1980 թուականին: 19 տարերկանին տեղափոխուած է Ամերիկայի Միացեալ Նահանգներ եւ 28 տարեկանին վերադարձած է Մոսկուա:
Կրթութիւն եւ մասնագիտացում
[Խմբագրել | Խմբագրել աղբիւրը]2002 թուականին ընդունուած է եւ 2002 թուականին աւարտած՝ ԱՄՆ Ֆիլատելֆիայի համալսարանը, մասնագիտանալով ծրագրաւորման մէջ։ Երկրորդ բարձրագոյն կրթութիւնը Ռուսիա ստացած է 2003 թուականին՝ աւարտելով Մոսկուայի տնտեսական համալսարանի «Միջազգային դրամաֆինանսական գործարքներ» մասնագիտութիւնը: 2005-ին շարունակած է ուսումը Հարվըրտի համալսարանին մէջ՝ «MBA/General management» ուղղութեամբ եւ 2007 թուականին ստացած է մագիստրոսի կոչումը:
Մասնագիտական գործունէութիւն
[Խմբագրել | Խմբագրել աղբիւրը]Առաջին մասնագիտական քայլերը եղած են IT (ծրագրաւորում) ոլորտին մէջ։ 2002 թուականին դասաւանդած է ծրագրաւորում՝ Ֆիլատելֆիայի համալսարանին մէջ, յետոյ 2002-2005 թուականներուն աշխատած է, որպէս ծրագիրներու նախագծող միջազգային «Քսերոքս» ընկերութեան մէջ։ Շուկայագիտութեան մասնագէտի որոկաւորում ստանալէ ետք 2006-2008 թուականներուն Ամերիկայի Միացեալ Նահանգներու «Ճոնսոն էնտ Ճոնսոն» ընկերութեան մէջ զբաղած է բժշկական սարքաւորումներու համար շուկայագիտութեան ռազմավարութիւններուն մշակումով, յետոյ՝ Ռուսիոյ մէջ GPS համակարգերու մշակումով: 2008-2010 թուականներուն աշխատած է, որպէս մասնաւոր ընկերութեան բիզնես խորհդատու՝ կեդրոնանալով Ռուսիոյ եւ յետխորհրդային երկիրներու կրթական հաստատութիւններու զարգացումով: 2010 թուականին կազմած է իր անձնական համալսարանը, որ հիմնուած էր ժամանակակից հեռահար արհեստագիտութեանց վրայ: Համալսարանին մէջ կ'ուսանէր աւելի քան 1000 աշակերտ: 2012 թուականէն ի վեր Ռուսիոյ մէջ գործող մասնաւոր խորհրդատուական ընկերութեան գործընկերներէն մէկն է: Կը զբաղի ոչ արդիւնաւէտ աշխատող ընկերութիւններու վերազինումով, ինչպէս նաեւ միջազգային ֆինանսաւորումներու նախագիծերով:
Հայեցիութիւն
[Խմբագրել | Խմբագրել աղբիւրը] |
Ինչ կը վերաբերի ազգային պատկանելիութեանս, ապա մինչ 25 տարեկանս ես ինքզինքս ռուս կը համարէի եւ Հայաստանի մասին քիչ բան գիտէի: Երբեմն կ'այցելէի Հայաստան, սակայն հայերէնով չէի խօսեր: Միայն անունով ու արտաքինով էի հայ: Միացեալ Նահանգներու մէջ ապրիլը ու տարբեր ազգերու ներկայացուցիչներիու հետ ծանօթութիւնը քաջալերած են զիս հետաքրքրուելու արմատներովս: 33 տարեկանին ես սկսած եմ հիմնաւոր ուսումնասիրելու արեւելեան ու արեւմտեան հայերէնները եւ մինակս տարբեր աղբիւրներով սորված եմ հայոց լեզուն: Ես ունիմ յստակ ու չկրկնուող դիրքորոշում մը, քանի որ կը գնահատեմ հայեցիութեան բոլոր կողմերը: Որպէս մարդ, ով եկած է արտասահմանէն, ով հաւասար բարձր կը գնահատէ մեր մշակոյթին արեւելեան ու արեւմտեան ուղղուածութիւնները եւ ով անաչառօրէն կրնայ գնահատել հայերուն ուժեղ ու թոյլ կողմերը՝ առանց նախապաշարմունքներու ու տոկմաներու: Արմէն Էլչիեան |  |
Գրական գործեր
[Խմբագրել | Խմբագրել աղբիւրը]Հիմնական գրական գործերուն ցանկը կ’ընդգրկէ հետեւեալ ինքնակենսագրական նօթերը.
- Երկկողմանի նախանձը (2015)
- Խաշկերոյթ (2015)
- Փառասիրութեան ցաւալի դասը (2015)
- Գայիանէն (2015)
- Աստծոյ նուէրները (2015)
- Հարսանեկան քարաօքէն (2015)
- Հիասթափութիւն (2015)
- Թանգարանային գիշերը (2015)
- «Մամա». մի երգի պատմութիւն (2015)
- Երկու համերգ, երկու երգիչ (2015)
- Ռուսական հովտաշուշանը (2015)
- Հիւանդանոցում (2015)
- Մի հանդիպում օդանաւակայանում (2015)
- Անիծուած բնակարանը (2015)
- Ամենակարեւոր որոշումը (2015)
- Հայելու միջով (2016)
- Երջանկութեան որոնումները (2016)
- Վախճան, զարթօնք եւ յարութիւն (2016)
- Հրեշտակի մը թեւերը (2019)
Երաժշտութիւն
[Խմբագրել | Խմբագրել աղբիւրը]Փոքր տարիներէն ունեցեր է սէր երաժշտութեան հանդէպ: Ընդունուած է Մոսկուայի երաժշտական դպրոցը, սակայն միայն երեք տարի սորված է հոն:
Հայերէնով ձայնագրած երգերուն ցանկը կ’ընդգրկէ հետեւեալ երաժշտական գործերը.
- Ժողովրդական երգերը acabella ոճով՝ «Չինար ես» (հեղինակ՝ Կոմիտաս) եւ «Թամամ աշխարհ» (հեղինակ՝ Սայեաթ-Նովա),
- Ռոպէրթ Ամիրխանեանի հեղինակութեամբ երգերը՝ «Քո աչքերի խաւարում» եւ «Կարմիր Ծաղիկ մը գարունի» (թէ՛ acabella ոճով, թէ՛ աւանդական գործիքաւորումով),
- Առնօ Բաբաջանեանի հեղինակութեամբ «Չքնաղ երազ» երաժշտական գործը,
- Էլվինա Մակարեանի հեղինակութեամբ ճազային «Սէր Աստուծոյ» երգը,
- Մոցարթի յայտնի դասական գործին հիման վրայ գրուած «Ռեքուիեմ» երգը:
Արմէն Էլչիեան Մոսկուայի մէջ գտնուող ձայնագրման արուեստանոցի մը համասեփականատէրն է: Ձայնագրման արուեստանոցին միւս համասեփականատէրը Ալեքսէյ Ռոստովն է, որ Ռուսիոյ ամէնատաղանդաւոր երաժիշտներէն, երգեցողութեան ուսուցիչներէն, գործիքաւորողներէն ու երգահաններէն մէկն է: Արուեստանոցէն ներս կը ձայնագրուին վառ ու տաղանդաւոր գործիքաւորողներ ու երգիչներ ինչպէս Ռուսիայէն, այնպէս ալ արտերկրէն:
Աղբիւրներ
[Խմբագրել | Խմբագրել աղբիւրը]- Տարբեր ոլորտներու մասնագէտ Արմէն Էլչիեան - Արեւմտահայերէն խօսողն ու գրողը: Հարցազրոյց https://www.youtube.com/watch?v=Og57Yu6fIck
- Armen Elchiyan CEO Adviser Archived 2023-01-10 at the Wayback Machine.
- Արմէն Էլչիեան Կարմիր Ծաղիկ Մը Գարունի Armen Elchiyan