Արմենօփօլ
Արմենօփօլը (անգլերէն՝ Armenopole) համաշխարհային հայկական ձեռնարկներու տեղեկատուական առցանց հարթակ մըն է, որ հիմնադրուած է 2018 թուականին՝ Յակոբ Թալաթինեանի կողմէ։ Կայքէջը կը ծառայէ որպէս համահայկական մշակութային, արուեստի եւ ընկերային իրադարձութիւններու հաւաքական տեղեկատու։[1]
Պատմութիւն
[Խմբագրել | Խմբագրել աղբիւրը]Արմենօփօլի գաղափարը ծնած է 2017-ին, երբ հիմնադիր Յակոբ Թալաթինեան Նիւ Եորք կատարած այցելութենէ մը ետք, մեկնումի թռիչքի ընթացքին կը տեղեկանայ տեղի ունեցած հայկական ձեռնարկի մը մասին, վայրի մը մէջ, ուր մեկնելէն առաջ այցելած էր։ Այդ փորձառութենէն յուսախաբուած, կ՚որոշէ համաշխարհային մակարդակով հայկական ձեռնարկներու տեղեկատու հարթակ մը ստեղծել։ Կայքէջը պաշտօնապէս կը թողարկուի 2018 թուականի Ապրիլին, Ապրիլ 24-ի ոգեկոչման ձեռնարկներու շրջանին։[1]
Գործառնութիւն
[Խմբագրել | Խմբագրել աղբիւրը]Armenopole.com-ը ինքնասպասարկման սկզբունքով գործող հարթակ մըն է, ուր օգտատէրերը կրնան առանց միջնորդի տեղադրել իրենց կազմակերպած ձեռնարկներու մանրամասնութիւնները։ Տեղադրուած բովանդակութիւնը կ'ենթարկուի վերատեսութեան՝ նախքան հրապարակումը։[1]
Տարածում եւ հասանելիութիւն
[Խմբագրել | Խմբագրել աղբիւրը]Հարթակը հասանելի է տարբեր ձեւերով՝
- Կայքէջ (armenopole.com)
- Բջջային յաւելուած
- Շաբաթական լրատուներ (Newsletter)
- Ընկերային ցանցեր (Դիմատետր (անգլերէն՝ Facebook), Ինսթակրամ, Լինքտին, Թուիթըր)
Աշխարհի որեւէ մէկ երկրի մէջ տեղի ունեցող հայկական ձեռնարկի մը յայտարարութիւնը կարելի է զետեղել այստեղ։[1]
Ծանօթագրութիւններ
[Խմբագրել | Խմբագրել աղբիւրը]- 1 2 3 4 «Armenopole-ը հայկական ձեռնարկներու համաշխարհային հարթակ»։ Նոր Յառաջ (անգլերեն)։ արխիւացուած է բնօրինակէն-էն՝ 2025-04-19-ին։ արտագրուած է՝ 2025-04-29